कृष्णाष्टकम् ४ Shrikrishnashtakam 4

श्रियाऽऽश्लिष्टो विष्णुः स्थिरचरगुरुर्वेदविषयोधियां साक्षी शुद्धो हरिरसुरहन्ताब्जनयनः ।गदी शङ्खी चक्री विमलवनमाली स्थिररुचिःशरण्यो लोकेशो मम भवतु कृष्णोऽक्षिविषयः ॥ १॥यतः सर्वं जातं वियदनिलमुख्यं जगदिदम्स्थितौ निःशेषं योऽवति निजसुखांशेन मधुहा ।लये सर्वं स्वस्मिन्हरति कलया यस्तु स विभुःशरण्यो लोकेशो मम भवतु कृष्णोऽक्षिविषयः ॥ २॥असूनायम्यादौ यमनियममुख्यैः सुकरणै/-र्निरुद्।ह्ध्येदं चित्तं हृदि विलयमानीय सकलम् ।यमीड्यं पश्यन्ति प्रवरमतयो मायिनमसौशरण्यो लोकेशो मम भवतु कृष्णोऽक्षिविषयः ॥ ३॥पृथिव्यां तिष्ठन्यो यमयति महीं वेद न धरायमित्यादौ वेदो वदति जगतामीशममलम् ।नियन्तारं ध्येयं मुनिसुरनृणां मोक्षदमसौशरण्यो लोकेशो मम भवतु कृष्णोऽक्षिविषयः ॥ ४॥महेन्द्रादिर्देवो जयति दितिजान्यस्य बलतोन कस्य स्वातन्त्र्यं क्वचिदपि कृतौ यत्कृतिमृते ।बलारातेर्गर्वं परिहरति योऽसौ विजयिनःशरण्यो लोकेशो मम भवतु कृष्णोऽक्षिविषयः ॥ ५॥विना यस्य ध्यानं व्रजति पशुतां सूकरमुखांविना यस्य ज्ञानं जनिमृतिभयं याति जनता ।विना यस्य स्मृत्या कृमिशतजनिं याति स विभुःशरण्यो लोकेशो मम भवतु कृष्णोऽक्षिविषयः ॥ ६॥नरातङ्कोत्तङ्कः शरणशरणो भ्रान्तिहरणोघनश्यामो वामो व्रजशिशुवयस्योऽर्जुनसखः ।स्वयम्भूर्भूतानां जनक उचिताचारसुखदःशरण्यो लोकेशो मम भवतु कृष्णोऽक्षिविषयः ॥ ७॥यदा धर्मग्लानिर्भवति जगतां क्षोभकरणीतदा लोकस्वामी प्रकटितवपुः सेतुधृदजः ।सतां धाता स्वच्छो निगमगणगीतो व्रजपतिःशरण्यो लोकेशो मम भवतु कृष्णोऽक्षिविषयः ॥ ८॥इति हरिरखिलात्माऽऽराधितः शङ्करेणश्रुतिविशदगुणोऽसौ मातृमोक्षार्थमाद्यः ।यतिवरनिकटे श्रीयुक्त आविर्बभूवस्वगुणवृत उदारः शङ्खचक्राञ्जहस्तः ॥ ९॥इति श्रीमत्परमहंसपरिव्राजकाचार्यस्यश्रीगोविन्दभगवत्पूज्यपादशिष्यस्यश्रीमच्छङ्करभगवतः कृतौ कृष्णाष्टकं सम्पूर्णम् ॥

śriyā''śliṣṭo viṣṇuḥ sthiracaragururvedaviṣayodhiyāṃ sākṣī śuddho harirasurahantābjanayanaḥ |gadī śaṅkhī cakrī vimalavanamālī sthiraruciḥśaraṇyo lokeśo mama bhavatu kṛṣṇo'kṣiviṣayaḥ || 1||yataḥ sarvaṃ jātaṃ viyadanilamukhyaṃ jagadidamsthitau niḥśeṣaṃ yo'vati nijasukhāṃśena madhuhā |laye sarvaṃ svasminharati kalayā yastu sa vibhuḥśaraṇyo lokeśo mama bhavatu kṛṣṇo'kṣiviṣayaḥ || 2||asūnāyamyādau yamaniyamamukhyaiḥ sukaraṇai/-rnirud|hdhyedaṃ cittaṃ hṛdi vilayamānīya sakalam |yamīḍyaṃ paśyanti pravaramatayo māyinamasauśaraṇyo lokeśo mama bhavatu kṛṣṇo'kṣiviṣayaḥ || 3||pṛthivyāṃ tiṣṭhanyo yamayati mahīṃ veda na dharāyamityādau vedo vadati jagatāmīśamamalam |niyantāraṃ dhyeyaṃ munisuranṛṇāṃ mokṣadamasauśaraṇyo lokeśo mama bhavatu kṛṣṇo'kṣiviṣayaḥ || 4||mahendrādirdevo jayati ditijānyasya balatona kasya svātantryaṃ kvacidapi kṛtau yatkṛtimṛte |balārātergarvaṃ pariharati yo'sau vijayinaḥśaraṇyo lokeśo mama bhavatu kṛṣṇo'kṣiviṣayaḥ || 5||vinā yasya dhyānaṃ vrajati paśutāṃ sūkaramukhāṃvinā yasya jñānaṃ janimṛtibhayaṃ yāti janatā |vinā yasya smṛtyā kṛmiśatajaniṃ yāti sa vibhuḥśaraṇyo lokeśo mama bhavatu kṛṣṇo'kṣiviṣayaḥ || 6||narātaṅkottaṅkaḥ śaraṇaśaraṇo bhrāntiharaṇoghanaśyāmo vāmo vrajaśiśuvayasyo'rjunasakhaḥ |svayambhūrbhūtānāṃ janaka ucitācārasukhadaḥśaraṇyo lokeśo mama bhavatu kṛṣṇo'kṣiviṣayaḥ || 7||yadā dharmaglānirbhavati jagatāṃ kṣobhakaraṇītadā lokasvāmī prakaṭitavapuḥ setudhṛdajaḥ |satāṃ dhātā svaccho nigamagaṇagīto vrajapatiḥśaraṇyo lokeśo mama bhavatu kṛṣṇo'kṣiviṣayaḥ || 8||iti harirakhilātmā''rādhitaḥ śaṅkareṇaśrutiviśadaguṇo'sau mātṛmokṣārthamādyaḥ |yativaranikaṭe śrīyukta āvirbabhūvasvaguṇavṛta udāraḥ śaṅkhacakrāñjahastaḥ || 9||iti śrīmatparamahaṃsaparivrājakācāryasyaśrīgovindabhagavatpūjyapādaśiṣyasyaśrīmacchaṅkarabhagavataḥ kṛtau kṛṣṇāṣṭakaṃ sampūrṇam ||