कृष्णाष्टोत्तरशतनामस्तोत्रम् १.१ Shrikrishnashtottarashatanamastotram

श्रीगणेशाय नमः ।ॐ अस्य श्रीकृष्णाष्टोत्तरशतनामस्तोत्रस्य श्रीशेष ऋषिः\,अनुष्टुप्छन्दः\, श्रीकृष्णो देवता\, श्रीकृष्णप्रीत्यर्थेश्रीकृष्णाष्टोत्तरशतनामजपे विनियोगः ।श्रीशेष उवाच ।ॐ श्रीकृष्णः कमलानाथो वासुदेवः सनातनः ।वसुदेवात्मजः पुण्यो लीलामानुषविग्रहः ॥ १॥

śrīgaṇeśāya namaḥ |oṃ asya śrīkṛṣṇāṣṭottaraśatanāmastotrasya śrīśeṣa ṛṣiḥ\,anuṣṭupchandaḥ\, śrīkṛṣṇo devatā\, śrīkṛṣṇaprītyartheśrīkṛṣṇāṣṭottaraśatanāmajape viniyogaḥ |śrīśeṣa uvāca |oṃ śrīkṛṣṇaḥ kamalānātho vāsudevaḥ sanātanaḥ |vasudevātmajaḥ puṇyo līlāmānuṣavigrahaḥ || 1||

श्रीवत्सकौस्तुभधरो यशोदावत्सलो हरिः ।चतुर्भुजात्तचक्रासिगदाशङ्खाम्बुजायुधः ॥ २॥

śrīvatsakaustubhadharo yaśodāvatsalo hariḥ |caturbhujāttacakrāsigadāśaṅkhāmbujāyudhaḥ || 2||

देवकीनन्दनः श्रीशो नन्दगोपप्रियात्मजः ।यमुनावेगसंहारी बलभद्रप्रियानुजः ॥ ३॥

devakīnandanaḥ śrīśo nandagopapriyātmajaḥ |yamunāvegasaṃhārī balabhadrapriyānujaḥ || 3||

पूतनाजीवितहरः शकटासुरभञ्जनः ।नन्दव्रजजनानन्दी सच्चिदानन्दविग्रहः ॥ ४॥

pūtanājīvitaharaḥ śakaṭāsurabhañjanaḥ |nandavrajajanānandī saccidānandavigrahaḥ || 4||

नवनीतनवाहारी मुचुकुन्दप्रसादकः ।षोडशस्त्रीसहस्रेशस्त्रिभङ्गो मधुराकृतिः ॥ ५॥

navanītanavāhārī mucukundaprasādakaḥ |ṣoḍaśastrīsahasreśastribhaṅgo madhurākṛtiḥ || 5||

शुकवागमृताब्धीन्दुर्गोविन्दो गोविदाम्पतिः ।वत्सपालनसञ्चारी धेनुकासुरभञ्जनः ॥ ६॥

śukavāgamṛtābdhīndurgovindo govidāmpatiḥ |vatsapālanasañcārī dhenukāsurabhañjanaḥ || 6||

तृणीकृततृणावर्तो यमलार्जुनभञ्जनः ।उत्तालतालभेत्ता च तमालश्यामलाकृतिः ॥ ७॥

tṛṇīkṛtatṛṇāvarto yamalārjunabhañjanaḥ |uttālatālabhettā ca tamālaśyāmalākṛtiḥ || 7||

गोपगोपीश्वरो योगी सूर्यकोटिसमप्रभः ।इलापतिः परंज्योतिर्यादवेन्द्रो यदूद्वहः ॥ ८॥

gopagopīśvaro yogī sūryakoṭisamaprabhaḥ |ilāpatiḥ paraṃjyotiryādavendro yadūdvahaḥ || 8||

वनमाली पीतवासाः पारिजातापहारकः ।गोवर्धनाचलोद्धर्ता गोपालः सर्वपालकः ॥ ९॥

vanamālī pītavāsāḥ pārijātāpahārakaḥ |govardhanācaloddhartā gopālaḥ sarvapālakaḥ || 9||

अजो निरञ्जनः कामजनकः कञ्जलोचनः ।मधुहा मथुरानाथो द्वारकानायको बली ॥ १०॥

ajo nirañjanaḥ kāmajanakaḥ kañjalocanaḥ |madhuhā mathurānātho dvārakānāyako balī || 10||

वृन्दावनान्तसञ्चारी तुलसीदामभूषणः ।स्यमन्तकमणेर्हर्ता नरनारायणात्मकः ॥ ११॥

vṛndāvanāntasañcārī tulasīdāmabhūṣaṇaḥ |syamantakamaṇerhartā naranārāyaṇātmakaḥ || 11||

कुब्जाकृष्णाम्बरधरो मायी परमपूरुषः ।मुष्टिकासुरचाणूरमहायुद्धविशारदः ॥ १२॥

kubjākṛṣṇāmbaradharo māyī paramapūruṣaḥ |muṣṭikāsuracāṇūramahāyuddhaviśāradaḥ || 12||

संसारवैरी कंसारिर्मुरारिर्नरकान्तकः ।अनादिर्ब्रह्मचारी च कृष्णाव्यसनकर्षकः ॥ १३॥

saṃsāravairī kaṃsārirmurārirnarakāntakaḥ |anādirbrahmacārī ca kṛṣṇāvyasanakarṣakaḥ || 13||

शिशुपालशिरच्छेत्ता दुर्योधनकुलान्तकृत् ।विदुराक्रूरवरदो विश्वरूपप्रदर्शकः ॥ १४॥

śiśupālaśiracchettā duryodhanakulāntakṛt |vidurākrūravarado viśvarūpapradarśakaḥ || 14||

सत्यवाक् सत्यसङ्कल्पः सत्यभामारतो जयी ।सुभद्रापूर्वजो विष्णुर्भीष्ममुक्तिप्रदायकः ॥ १५॥

satyavāk satyasaṅkalpaḥ satyabhāmārato jayī |subhadrāpūrvajo viṣṇurbhīṣmamuktipradāyakaḥ || 15||

जगद्गुरुर्जगन्नाथो वेणुवाद्यविशारदः । वेणुनादविशारदःवृषभासुरविध्वंसी बकारिर्बाणबाहुकृत् ॥ १६॥ वर् बाणासुरबलान्तकृत् ॥

jagadgururjagannātho veṇuvādyaviśāradaḥ | veṇunādaviśāradaḥvṛṣabhāsuravidhvaṃsī bakārirbāṇabāhukṛt || 16|| var bāṇāsurabalāntakṛt ||

युधिष्ठिरप्रतिष्ठाता बर्हिबर्हावतंसकः ।पार्थसारथिरव्यक्तो गीतामृतमहोदधिः ॥ १७॥

yudhiṣṭhirapratiṣṭhātā barhibarhāvataṃsakaḥ |pārthasārathiravyakto gītāmṛtamahodadhiḥ || 17||

कालीयफणिमाणिक्यरञ्जितश्रीपदाम्बुजः ।दामोदरो यज्ञभोक्ता दानवेन्द्रविनाशनः ॥ १८॥

kālīyaphaṇimāṇikyarañjitaśrīpadāmbujaḥ |dāmodaro yajñabhoktā dānavendravināśanaḥ || 18||

नारायणः परम्ब्रह्म पन्नगाशनवाहनः ।जलक्रीडासमासक्तगोपीवस्त्रापहारकः ॥ १९॥

nārāyaṇaḥ parambrahma pannagāśanavāhanaḥ |jalakrīḍāsamāsaktagopīvastrāpahārakaḥ || 19||

पुण्यश्लोकस्तीर्थकरो वेदवेद्यो दयानिधिः ।सर्वतीर्थात्मकः सर्वग्रहरूपी परात्परः ॥ २०॥

puṇyaślokastīrthakaro vedavedyo dayānidhiḥ |sarvatīrthātmakaḥ sarvagraharūpī parātparaḥ || 20||

इत्येवं कृष्णदेवस्य नाम्नामष्टोत्तरं शतम् ।कृष्णेन कृष्णभक्तेन श्रुत्वा गीतामृतं पुरा ॥ २१॥

ityevaṃ kṛṣṇadevasya nāmnāmaṣṭottaraṃ śatam |kṛṣṇena kṛṣṇabhaktena śrutvā gītāmṛtaṃ purā || 21||

स्तोत्रं कृष्णप्रियकरं कृतं तस्मान्मया पुरा ।कृष्णनामामृतं नाम परमानन्ददायकम् ॥ २२॥

stotraṃ kṛṣṇapriyakaraṃ kṛtaṃ tasmānmayā purā |kṛṣṇanāmāmṛtaṃ nāma paramānandadāyakam || 22||

अनुपद्रवदुःखघ्नं परमायुष्यवर्धनम्दानं श्रुतं तपस्तीर्थं यत्कृतं त्विह जन्मनि ॥ २३॥

anupadravaduḥkhaghnaṃ paramāyuṣyavardhanamdānaṃ śrutaṃ tapastīrthaṃ yatkṛtaṃ tviha janmani || 23||

पठतां शृण्वतां चैव कोटिकोटिगुणं भवेत् ।पुत्रप्रदमपुत्राणामगतीनां गतिप्रदम् ॥ २४॥

paṭhatāṃ śṛṇvatāṃ caiva koṭikoṭiguṇaṃ bhavet |putrapradamaputrāṇāmagatīnāṃ gatipradam || 24||

धनावहं दरिद्राणां जयेच्छूनां जयावहम् ।शिशूनां गोकुलानां च पुष्टिदं पुष्टिवर्धनम् ॥ २५॥

dhanāvahaṃ daridrāṇāṃ jayecchūnāṃ jayāvaham |śiśūnāṃ gokulānāṃ ca puṣṭidaṃ puṣṭivardhanam || 25||

वातग्रहज्वरादीनां शमनं शान्तिमुक्तिदम् ।समस्तकामदं सद्यः कोटिजन्माघनाशनम् ॥ २६॥

vātagrahajvarādīnāṃ śamanaṃ śāntimuktidam |samastakāmadaṃ sadyaḥ koṭijanmāghanāśanam || 26||

अन्ते कृष्णस्मरणदं भवतापभयापहम् ।कृष्णाय यादवेन्द्राय ज्ञानमुद्राय योगिने ।नाथाय रुक्मिणीशाय नमो वेदान्तवेदिने ॥ २७॥

ante kṛṣṇasmaraṇadaṃ bhavatāpabhayāpaham |kṛṣṇāya yādavendrāya jñānamudrāya yogine |nāthāya rukmiṇīśāya namo vedāntavedine || 27||

इमं मन्त्रं महादेवि जपन्नेव दिवानिशम् ।सर्वग्रहानुग्रहभाक् सर्वप्रियतमो भवेत् ॥ २८॥

imaṃ mantraṃ mahādevi japanneva divāniśam |sarvagrahānugrahabhāk sarvapriyatamo bhavet || 28||

पुत्रपौत्रैः परिवृतः सर्वसिद्धिसमृद्धिमान् ।निर्विश्य भोगानन्तेऽपि कृष्णसायुज्यमाप्युनात् ॥ २९॥

putrapautraiḥ parivṛtaḥ sarvasiddhisamṛddhimān |nirviśya bhogānante'pi kṛṣṇasāyujyamāpyunāt || 29||

॥ इति श्रीनारदपञ्चरात्रे श्रीकृष्णाष्टोत्तरशतनामस्तोत्रं समाप्तम् ॥

|| iti śrīnāradapañcarātre śrīkṛṣṇāṣṭottaraśatanāmastotraṃ samāptam ||