गोकुलेशाष्टकम् Shrigokuleshashtakam

नन्दगोपभूपवंशभूषणं विभूषणं वर् विदूषणंभूमिभूतिभुरिभाग्यभाजनं भयापहम् ।धेनुधर्मरक्षणावतीर्णपूर्णविग्रहम्नीलवारिवाहकान्तिगोकुलेशमाश्रये ॥ १॥

nandagopabhūpavaṃśabhūṣaṇaṃ vibhūṣaṇaṃ var vidūṣaṇaṃbhūmibhūtibhuribhāgyabhājanaṃ bhayāpaham |dhenudharmarakṣaṇāvatīrṇapūrṇavigrahamnīlavārivāhakāntigokuleśamāśraye || 1||

गोपबालसुन्दरीगणावृतं कलानिधिंरासमण्डलीविहारकारिकामसुन्दरम् ।पद्मयोनिशङ्करादिदेववृन्दवन्दितंनीलवारिवाहकान्तिगोकुलेशमाश्रये ॥ २॥

gopabālasundarīgaṇāvṛtaṃ kalānidhiṃrāsamaṇḍalīvihārakārikāmasundaram |padmayoniśaṅkarādidevavṛndavanditaṃnīlavārivāhakāntigokuleśamāśraye || 2||

गोपराजरत्नराजिमन्दिरानुरिङ्गणंगोपबालबालिकाकलानुरुद्धगायनम् ।सुन्दरीमनोजभावभाजनाम्बुजाननंनीलवारिवाहकान्तिगोकुलेशमाश्रये ॥ ३॥

goparājaratnarājimandirānuriṅgaṇaṃgopabālabālikākalānuruddhagāyanam |sundarīmanojabhāvabhājanāmbujānanaṃnīlavārivāhakāntigokuleśamāśraye || 3||

कंसकेशिकुञ्जराजदुष्टदैत्यदारणंइन्द्रसृष्टवृष्टिवारिवारणोद्धृताचलम् ।कामधेनुकारिताभिधानगानशोभितंनीलवारिवाहकान्तिगोकुलेशमाश्रये ॥ ४॥

kaṃsakeśikuñjarājaduṣṭadaityadāraṇaṃindrasṛṣṭavṛṣṭivārivāraṇoddhṛtācalam |kāmadhenukāritābhidhānagānaśobhitaṃnīlavārivāhakāntigokuleśamāśraye || 4||

गोपिकागृहान्तगुप्तगव्यचौर्यचञ्चलंदुग्धभाण्डभेदभीतलज्जितास्यपङ्कजम् ।धेनुधूलिधूसराङ्गशोभिहारनूपुरंनीलवारिवाहकान्तिगोकुलेशमाश्रये ॥ ५॥

gopikāgṛhāntaguptagavyacauryacañcalaṃdugdhabhāṇḍabhedabhītalajjitāsyapaṅkajam |dhenudhūlidhūsarāṅgaśobhihāranūpuraṃnīlavārivāhakāntigokuleśamāśraye || 5||

वत्सधेनुगोपबालभीषणोत्थवह्निपंकेकिपिच्छकल्पितावतंसशोभिताननम् ।वेणुवाद्यमत्तधोषसुन्दरीमनोहरंनीलवारिवाहकान्तिगोकुलेशमाश्रये ॥ ६॥

vatsadhenugopabālabhīṣaṇotthavahnipaṃkekipicchakalpitāvataṃsaśobhitānanam |veṇuvādyamattadhoṣasundarīmanoharaṃnīlavārivāhakāntigokuleśamāśraye || 6||

गर्वितामरेन्द्रकल्पकल्पितान्नभोजनंशारदारविन्दवृन्दशोभिहंसजारतम् ।दिव्यगन्धलुब्धभृङ्गपारिजातमालिनंनीलवारिवाहकान्तिगोकुलेशमाश्रये ॥ ७॥

garvitāmarendrakalpakalpitānnabhojanaṃśāradāravindavṛndaśobhihaṃsajāratam |divyagandhalubdhabhṛṅgapārijātamālinaṃnīlavārivāhakāntigokuleśamāśraye || 7||

वासरावसानगोष्ठगामिगोगणानुगंधेनुदोहदेहगेहमोहविस्मयक्रियम् ।स्वीयगोकुलेशदानदत्तभक्तरक्षणंनीलवारिवाहकान्तिगोकुलेशमाश्रये ॥ ८॥

vāsarāvasānagoṣṭhagāmigogaṇānugaṃdhenudohadehagehamohavismayakriyam |svīyagokuleśadānadattabhaktarakṣaṇaṃnīlavārivāhakāntigokuleśamāśraye || 8||

॥ इति श्रीरघुनाथप्रभुविरचितं श्रीगोकुलेशाष्टकं सम्पूर्णम् ॥

|| iti śrīraghunāthaprabhuviracitaṃ śrīgokuleśāṣṭakaṃ sampūrṇam ||