गोकुलेशाष्टकम् ३ Shrigokuleshashtakam 3

(मालिनी वृत्तम्)यतिवशधरणीशे धर्मलोपप्रवृत्तेहरिचरणसहायो यः स्वधर्मं जुगोप ।विहितभजनभारो धर्मरक्षावतारःस जगति जयति श्रीवल्लभो गोकुलेशः ॥ १॥

(mālinī vṛttam)yativaśadharaṇīśe dharmalopapravṛtteharicaraṇasahāyo yaḥ svadharmaṃ jugopa |vihitabhajanabhāro dharmarakṣāvatāraḥsa jagati jayati śrīvallabho gokuleśaḥ || 1||

असदुदितविदारी वेदवादानुसारीयदुचितहितकारी भक्तिमार्गप्रचारी ।रुचिरतिलकधारी मालधारी तुलस्याःस जयति जयति श्रीवल्लभो गोकुलेशः ॥ २॥

asaduditavidārī vedavādānusārīyaducitahitakārī bhaktimārgapracārī |ruciratilakadhārī māladhārī tulasyāḥsa jayati jayati śrīvallabho gokuleśaḥ || 2||

बहुविधिजननर्मप्रोक्तिबाणैरधर्मःप्रकटमयति मर्मस्फोटमाराद्विधाय ।वपुषि भजनवर्म प्राप्य कल्याणधर्मःस जयति नवकर्मा गोकुले गोकुलेशः ॥ ३॥

bahuvidhijananarmaproktibāṇairadharmaḥprakaṭamayati marmasphoṭamārādvidhāya |vapuṣi bhajanavarma prāpya kalyāṇadharmaḥsa jayati navakarmā gokule gokuleśaḥ || 3||

निगमजनितधर्मद्रोहिणि क्षोणिनाथेसकलसहजवेशस्तत्समीपं समेत्य ।तदुचितमदमत्या दत्तवानुत्तरं यःस जयति जनचित्तानन्दको गोकुलेशः ॥ ४॥

nigamajanitadharmadrohiṇi kṣoṇināthesakalasahajaveśastatsamīpaṃ sametya |taducitamadamatyā dattavānuttaraṃ yaḥsa jayati janacittānandako gokuleśaḥ || 4||

अधिकृतयुगधर्मे वर्धमाने समन्तादनितशरणोऽसौ वेदधर्मो सदाभूऽत् । चेच्क्तदिह शरणमागाद्यः सदैकः शरण्यंस जयति जनवन्द्यो गोकुले गोकुलेशः ॥ ५॥

adhikṛtayugadharme vardhamāne samantādanitaśaraṇo'sau vedadharmo sadābhū't | cecktadiha śaraṇamāgādyaḥ sadaikaḥ śaraṇyaṃsa jayati janavandyo gokule gokuleśaḥ || 5||

कलिवृषलभयाप्तौ तत्कलिं सन्निगृह्यक्षितिपतिरविताऽऽसीद्यस्य पूर्वं परीक्षित् ।इह हि नृपतिभीतौ तस्य धर्मस्य नित्यंस जयति भुवि गोप्ता गोकुले गोकुलेशः ॥ ६॥

kalivṛṣalabhayāptau tatkaliṃ sannigṛhyakṣitipatiravitā''sīdyasya pūrvaṃ parīkṣit |iha hi nṛpatibhītau tasya dharmasya nityaṃsa jayati bhuvi goptā gokule gokuleśaḥ || 6||

प्रथममिह परीक्षिद्रक्षितो वर्णधर्मःपुनरपि कलिकल्पक्षुद्रभिक्षुक्षतोऽभूत् ।अभयपदमिदं यं शाश्वतं चाभ्युपेतःस जयति निजभक्ताह्लादको गोकुलेशः ॥ ७॥

prathamamiha parīkṣidrakṣito varṇadharmaḥpunarapi kalikalpakṣudrabhikṣukṣato'bhūt |abhayapadamidaṃ yaṃ śāśvataṃ cābhyupetaḥsa jayati nijabhaktāhlādako gokuleśaḥ || 7||

य इह सकललोके केवलं न स्वकीयेप्रभुजननबलेन स्थापयामास धर्मम् ।सकलसुखविधाता गोकुलानन्ददातास जयति निजताताराधको गोकुलेशः ॥ ८॥

ya iha sakalaloke kevalaṃ na svakīyeprabhujananabalena sthāpayāmāsa dharmam |sakalasukhavidhātā gokulānandadātāsa jayati nijatātārādhako gokuleśaḥ || 8||

श्रीवल्लभाष्टकमिदं पठति प्रपन्नोयः कृष्णरायकृतमित्युषसि स्वचित्तः ।सोऽयं सुदुर्लभतमानपि निश्चयेनप्राप्नोति वै विनिहितानखिलान् पदार्थान् ॥ ९॥

śrīvallabhāṣṭakamidaṃ paṭhati prapannoyaḥ kṛṣṇarāyakṛtamityuṣasi svacittaḥ |so'yaṃ sudurlabhatamānapi niścayenaprāpnoti vai vinihitānakhilān padārthān || 9||

इति श्रीकृष्णरायविरचितं श्रीगोकुलेशाष्टकं सम्पूर्णम् ।

iti śrīkṛṣṇarāyaviracitaṃ śrīgokuleśāṣṭakaṃ sampūrṇam |