कृष्णचन्द्राष्टकम् २ Shri Krishnachandrashtakam 2

श्रीकेवलरामप्रणीतम्वनभुवि विहरन्तौ तच्छविं वर्णयन्तौसुहृदमनुसरन्तौ दुर्हृदं सूदयन्तौ ।उपयमुनमटन्तौ वेणुनादं सृजन्तौभज हृदय हसन्तौ रामकृष्णौ लसन्तौ ॥ १॥

śrīkevalarāmapraṇītamvanabhuvi viharantau tacchaviṃ varṇayantausuhṛdamanusarantau durhṛdaṃ sūdayantau |upayamunamaṭantau veṇunādaṃ sṛjantaubhaja hṛdaya hasantau rāmakṛṣṇau lasantau || 1||

कलयसि भवरीतिं नैव चेद्भूरिभूतिंयमकृतनिगृहीतिं तर्हि कृत्वा विनीतिम् ।जहिहि मुहुरनीतिं जायमानप्रतीतिंकुरु मधुरिपुगीतिं रे मनो मान्यगीतिम् ॥ २॥

kalayasi bhavarītiṃ naiva cedbhūribhūtiṃyamakṛtanigṛhītiṃ tarhi kṛtvā vinītim |jahihi muhuranītiṃ jāyamānapratītiṃkuru madhuripugītiṃ re mano mānyagītim || 2||

द्विपपरिवृढदन्तं यः समुत्पाट्य सान्तंसदसि परिभवन्तं लीलया हन्त सान्तम् ।स्वजनमसुखयन्तं कंसमाराद्भ्रमन्तंसकलहृदि वसन्तं चिन्तयामि प्रभुं तम् ॥ ३॥

dvipaparivṛḍhadantaṃ yaḥ samutpāṭya sāntaṃsadasi paribhavantaṃ līlayā hanta sāntam |svajanamasukhayantaṃ kaṃsamārādbhramantaṃsakalahṛdi vasantaṃ cintayāmi prabhuṃ tam || 3||

करधृतनवनीतः स्तेयतस्तस्य भीतःपशुपगणपरीतः श्रीयशोदागृहीतः ।निखिलनिगमगीतः कालमायाद्यभीतःकनकसदुपवीतः श्रीशुकादिप्रतीतः ॥ ४॥

karadhṛtanavanītaḥ steyatastasya bhītaḥpaśupagaṇaparītaḥ śrīyaśodāgṛhītaḥ |nikhilanigamagītaḥ kālamāyādyabhītaḥkanakasadupavītaḥ śrīśukādipratītaḥ || 4||

सकलजननियन्ता गोसमूहानुगन्ताव्रजविलसदनन्ताभीरुगेहेषु रन्ता ।असुरनिकरहन्ता शक्रयागावमन्ताजयति विजयियन्ता वेदमार्गाभिमन्ता ॥ ५॥

sakalajananiyantā gosamūhānugantāvrajavilasadanantābhīrugeheṣu rantā |asuranikarahantā śakrayāgāvamantājayati vijayiyantā vedamārgābhimantā || 5||

सुकृतिविहितसेवो निर्जितानेकदेवोभवविधिकृतसेवः प्रीणिताशेषदेवः ।स्म नयति वसुदेवो गोकुलं यं मुदे वोभवतु स यदुदेवः सर्वदा वासुदेवः ॥ ६॥

sukṛtivihitasevo nirjitānekadevobhavavidhikṛtasevaḥ prīṇitāśeṣadevaḥ |sma nayati vasudevo gokulaṃ yaṃ mude vobhavatu sa yadudevaḥ sarvadā vāsudevaḥ || 6||

करकजधृतशैले प्रोल्लसत्पीतचैले ?? मय् बे चोर्रेच्त्रुचिरनवघनाभे शोभने पद्मनाभे ।विकचकुसुमपुञ्जे शोभमाने निकुञ्जेस्थितवति कुरु चेतः प्रीतिमन्यत्र नेतः ॥ ७॥

karakajadhṛtaśaile prollasatpītacaile ?? may be correctruciranavaghanābhe śobhane padmanābhe |vikacakusumapuñje śobhamāne nikuñjesthitavati kuru cetaḥ prītimanyatra netaḥ || 7||

विषयविरचिताशे प्राप्तसंसारपाशेऽनवगतनिजरूपे सृष्टकर्मण्यपूपे ।सुकृतकृतिविहीने श्रीहरे भक्तिहीनेमयि कृतय समन्तौ केवले दीनजन्तौ ॥ ८॥

viṣayaviracitāśe prāptasaṃsārapāśe'navagatanijarūpe sṛṣṭakarmaṇyapūpe |sukṛtakṛtivihīne śrīhare bhaktihīnemayi kṛtaya samantau kevale dīnajantau || 8||

इति श्रीकेवलरामप्रणीतं श्रीकृष्णचन्द्राष्टकं सम्पूर्णम् ।

iti śrīkevalarāmapraṇītaṃ śrīkṛṣṇacandrāṣṭakaṃ sampūrṇam |