कृष्णकुण्डाष्टकम् Shri Krishnakundashtakam

किं तपश्चचार तीर्थलक्षमक्षयं पुरासुप्रसीदति स्म कृष्ण एव सदरं यतः ।यत्र वासमाप साधु तत्समस्तदुर्लभेतत्र कृष्णकुण्ड एव संस्थितिः स्तुतास्तु नः ॥ १॥

kiṃ tapaścacāra tīrthalakṣamakṣayaṃ purāsuprasīdati sma kṛṣṇa eva sadaraṃ yataḥ |yatra vāsamāpa sādhu tatsamastadurlabhetatra kṛṣṇakuṇḍa eva saṃsthitiḥ stutāstu naḥ || 1||

यद्यरिष्टदानवोऽपि दानदो महानिधेरस्मदादिदुर्मतिभ्य इत्यहोवसीयते ।यो मृतिच्छलेन यत्र मुक्तिमद्भुतां व्यधात्तत्र कृष्णकुण्ड एव संस्थितिः स्तुतास्तु नः ॥ २॥

yadyariṣṭadānavo'pi dānado mahānidherasmadādidurmatibhya ityahovasīyate |yo mṛticchalena yatra muktimadbhutāṃ vyadhāttatra kṛṣṇakuṇḍa eva saṃsthitiḥ stutāstu naḥ || 2||

गोवधस्य निष्कृतिस्त्रिलोकतीर्थकोटिभीराधयेत्यवादि तेन ता हरिः समाह्वयन् ।यत्र पार्ष्णिघाटजे ममज्ज च स्वयं मुदातत्र कृष्णकुण्ड एव संस्थितिः स्तुतास्तु नः ॥ ३॥

govadhasya niṣkṛtistrilokatīrthakoṭibhīrādhayetyavādi tena tā hariḥ samāhvayan |yatra pārṣṇighāṭaje mamajja ca svayaṃ mudātatra kṛṣṇakuṇḍa eva saṃsthitiḥ stutāstu naḥ || 3||

क्वापि पापनाश एव कर्मबन्धबन्धनाद्ब्रह्मसौख्यमेव विष्णुलोकवासिता क्वचित् ।प्रेमरत्नमत्ययत्नमेव यत्र लभ्यतेतत्र कृष्णकुण्ड एव संस्थितिः स्तुतास्तु नः ॥ ४॥

kvāpi pāpanāśa eva karmabandhabandhanādbrahmasaukhyameva viṣṇulokavāsitā kvacit |premaratnamatyayatnameva yatra labhyatetatra kṛṣṇakuṇḍa eva saṃsthitiḥ stutāstu naḥ || 4||

फुल्लमाधवीरसालनीपकुञ्जमण्डलेभृङ्गकोककोकिलादिकाकली यदञ्चति ।आष्टयामिकावितर्ककोटिभेदसौरभंतत्र कृष्णकुण्ड एव संस्थितिः स्तुतास्तु नः ॥ ५॥

phullamādhavīrasālanīpakuñjamaṇḍalebhṛṅgakokakokilādikākalī yadañcati |āṣṭayāmikāvitarkakoṭibhedasaurabhaṃtatra kṛṣṇakuṇḍa eva saṃsthitiḥ stutāstu naḥ || 5||

दोलकेलिचित्ररासनृत्यगीतवादनैर्निह्नवप्रसूनयुद्धसीधुपानकौतुकैः ।यत्र खेलतः कोशोरशेखरौ सहालिभिस्तत्र कृष्णकुण्ड एव संस्थितिः स्तुतास्तु नः ॥ ६॥

dolakelicitrarāsanṛtyagītavādanairnihnavaprasūnayuddhasīdhupānakautukaiḥ |yatra khelataḥ kośoraśekharau sahālibhistatra kṛṣṇakuṇḍa eva saṃsthitiḥ stutāstu naḥ || 6||

दिव्यरत्ननिर्मितावतारसारसौष्टवैश्छत्रिका विराजि चारु कुट्टिमप्रभाभरैः ।सर्वलोकलोचनातिधन्यता यतो भवेत्तत्र कृष्णकुण्ड एव संस्थितिः स्तुतास्तु नः ॥ ७॥

divyaratnanirmitāvatārasārasauṣṭavaiśchatrikā virāji cāru kuṭṭimaprabhābharaiḥ |sarvalokalocanātidhanyatā yato bhavettatra kṛṣṇakuṇḍa eva saṃsthitiḥ stutāstu naḥ || 7||

माथुरं विकुण्ठतोऽपि जन्मधामदुर्लभंवास्काननन्ततोऽपि पाणिना धृतो गिरिः ।श्रीहरेस्ततोऽपि यत्परं सरोऽतिपावनंतत्र कृष्णकुण्ड एव संस्थितिः स्तुतास्तु नः ॥ ८॥

māthuraṃ vikuṇṭhato'pi janmadhāmadurlabhaṃvāskānanantato'pi pāṇinā dhṛto giriḥ |śrīharestato'pi yatparaṃ saro'tipāvanaṃtatra kṛṣṇakuṇḍa eva saṃsthitiḥ stutāstu naḥ || 8||

कृष्णकुण्डतीरवाससाधकं पठेदिदंयोऽष्टकं धियं निमज्य केलकुञ्जराजितोः ।राधिकागिरीन्द्रधारिणोः पदाम्बुजेषु सप्रेमदास्यमेव शीघ्रमाप्नुयादनामयम् ॥ ९॥

kṛṣṇakuṇḍatīravāsasādhakaṃ paṭhedidaṃyo'ṣṭakaṃ dhiyaṃ nimajya kelakuñjarājitoḥ |rādhikāgirīndradhāriṇoḥ padāmbujeṣu sapremadāsyameva śīghramāpnuyādanāmayam || 9||

इति महामहोपाध्यायश्रीविश्वनाथचक्रवर्तिविरचितंश्रीकृष्णकुण्डाष्टकं समाप्तम् ।

iti mahāmahopādhyāyaśrīviśvanāthacakravartiviracitaṃśrīkṛṣṇakuṇḍāṣṭakaṃ samāptam |