कृष्णस्तवः Shri Krishna Stava

कृष्णं सर्वेश्वरं वन्दे पूर्णं ब्रह्म सनातनम् ।वृन्दावनेश्वरं ज्ञेयं सखिवृन्दैश्च सेवितम् ॥ १॥

kṛṣṇaṃ sarveśvaraṃ vande pūrṇaṃ brahma sanātanam |vṛndāvaneśvaraṃ jñeyaṃ sakhivṛndaiśca sevitam || 1||

कदम्बमञ्जुकुञ्जेषु कालिन्दीतटसंस्थितम् ।राधया सह गोविन्दं नमामि व्रजजीवनम् ॥ २॥

kadambamañjukuñjeṣu kālindītaṭasaṃsthitam |rādhayā saha govindaṃ namāmi vrajajīvanam || 2||

केशेन्द्रादि सदाराध्यं श्रुति कदम्बसंस्तुतम् ।ऋषिमुनीश्वराद्यैश्च समाराध्यं भजे हरिम् ॥ ३॥

keśendrādi sadārādhyaṃ śruti kadambasaṃstutam |ṛṣimunīśvarādyaiśca samārādhyaṃ bhaje harim || 3||

ब्रह्माशङ्करैन्द्रादि देवों द्वारा निरन्तर आराधित एवं

brahmāśaṅkaraindrādi devoṃ dvārā nirantara ārādhita evaṃ

व्रजालि मानसे नित्यं शोभितं श्यामसुन्दरम् ।माधुर्यकरुणापूर्ण स्मरामि सततं हृदा ॥ ४॥

vrajāli mānase nityaṃ śobhitaṃ śyāmasundaram |mādhuryakaruṇāpūrṇa smarāmi satataṃ hṛdā || 4||

सौरिसकाशकुञ्जेषु व्रजन्तं राधया सह ।कोकिलासारिकानादै हर्षितं माधवं भजे ॥ ५॥

saurisakāśakuñjeṣu vrajantaṃ rādhayā saha |kokilāsārikānādai harṣitaṃ mādhavaṃ bhaje || 5||

गोवृन्दपृष्ठभागे च गच्छन्तं कृष्णमीश्वरम् ।गोपवृन्दैः सदा सार्द्धं स्मरन्तं राधिकां भजे ॥ ६॥

govṛndapṛṣṭhabhāge ca gacchantaṃ kṛṣṇamīśvaram |gopavṛndaiḥ sadā sārddhaṃ smarantaṃ rādhikāṃ bhaje || 6||

सतां सङ्गीतशास्त्रैश्च प्रगीतं माधवं भजे ।अतीवकरुणापूर्ण विद्वद्भिः समुपासितम् ॥ ७॥

satāṃ saṅgītaśāstraiśca pragītaṃ mādhavaṃ bhaje |atīvakaruṇāpūrṇa vidvadbhiḥ samupāsitam || 7||

क्वणन्तं मुरलीवाद्यमतीवमधुरं प्रियम् ।भजेऽहं नित्यशः स्वान्ते श्रीकृष्णं राधया सह ॥ ८॥

kvaṇantaṃ muralīvādyamatīvamadhuraṃ priyam |bhaje'haṃ nityaśaḥ svānte śrīkṛṣṇaṃ rādhayā saha || 8||

कृष्णस्तवः सुधापूर्णः पराभक्तिप्रदायकः ।राधासर्वेश्वराद्येन शरणान्तेन निर्मितः ॥

kṛṣṇastavaḥ sudhāpūrṇaḥ parābhaktipradāyakaḥ |rādhāsarveśvarādyena śaraṇāntena nirmitaḥ ||

इति श्रीकृष्णस्तवः सम्पूर्णः ।

iti śrīkṛṣṇastavaḥ sampūrṇaḥ |