कृष्णमङ्गलस्तोत्रम् Shri Krishna Mangala Stotram

सर्वे वेदाः साङ्गकलापाः परमेणप्राहुस्तात्पर्येण यदद्वैतमखण्डम् ।ब्रह्मासङ्गं प्रत्यगभिन्नं पुरुषाख्यंतस्मै श्रीकृष्णाय नमो मङ्गलधाम्ने ॥ १॥

sarve vedāḥ sāṅgakalāpāḥ parameṇaprāhustātparyeṇa yadadvaitamakhaṇḍam |brahmāsaṅgaṃ pratyagabhinnaṃ puruṣākhyaṃtasmai śrīkṛṣṇāya namo maṅgaladhāmne || 1||

मायाधिष्ठानं परिशुद्धं यदविद्यासूते विश्वं देवमनुष्यादिविभेदम् ।यस्मिन् ज्ञाते सा शशशृङ्गेण समा स्यात्तस्मै श्रीकृष्णाय नमो मङ्गलधाम्ने ॥ २॥

māyādhiṣṭhānaṃ pariśuddhaṃ yadavidyāsūte viśvaṃ devamanuṣyādivibhedam |yasmin jñāte sā śaśaśṛṅgeṇa samā syāttasmai śrīkṛṣṇāya namo maṅgaladhāmne || 2||

श्रीवैकुण्ठे श्रीधरणीलालितपादःसर्वैर्वे दैर्मूर्तिधरैः संस्तुतकीर्तिः ।आस्ते नित्यं शेषशयो यः परमात्मातस्मै श्रीकृष्णाय नमो मङ्गलधाम्ने ॥ ३॥

śrīvaikuṇṭhe śrīdharaṇīlālitapādaḥsarvairve dairmūrtidharaiḥ saṃstutakīrtiḥ |āste nityaṃ śeṣaśayo yaḥ paramātmātasmai śrīkṛṣṇāya namo maṅgaladhāmne || 3||

धर्मत्राणायैव कृतानेकविभूतिःश्वेतद्वीपे क्षीरपयोधौ कृतवासः ।यो भृत्यानामार्तिहरः सत्त्वसमूहस्तस्मै श्रीकृष्णाय नमो मङ्गलधाम्ने ॥ ४॥

dharmatrāṇāyaiva kṛtānekavibhūtiḥśvetadvīpe kṣīrapayodhau kṛtavāsaḥ |yo bhṛtyānāmārtiharaḥ sattvasamūhastasmai śrīkṛṣṇāya namo maṅgaladhāmne || 4||

क्षीराम्भोधेस्तीरमुपाव्रज्य सुरेशैर्ब्रह्मेशानेन्द्रादिभिराम्नायशिरोभिः ।भूमेः सौख्यं कामयमानैः प्रणतो यस्तस्मै श्रीकृष्णाय नमो मङ्गलधाम्ने ॥ ५॥

kṣīrāmbhodhestīramupāvrajya sureśairbrahmeśānendrādibhirāmnāyaśirobhiḥ |bhūmeḥ saukhyaṃ kāmayamānaiḥ praṇato yastasmai śrīkṛṣṇāya namo maṅgaladhāmne || 5||

सर्वात्मापि स्वाश्रितरक्षापरतन्त्रइश्रीदेवक्यां यो वसुदेवादवतीर्णः ।चक्रे लीलाः श्रोतृमनोनन्दविधात्रीस्तस्मै श्रीकृष्णाय नमो मङ्गलधाम्ने ॥ ६॥

sarvātmāpi svāśritarakṣāparatantraiśrīdevakyāṃ yo vasudevādavatīrṇaḥ |cakre līlāḥ śrotṛmanonandavidhātrīstasmai śrīkṛṣṇāya namo maṅgaladhāmne || 6||

पुत्रं मत्वा यं परमेशानमजातंपूर्णं मायोपात्तशरीरं सुखरूपम् ।नन्दो मुक्तिं प्राप यशोदा व्रजपुर्यांतस्मै श्रीकृष्णाय नमो ॥ ७॥

putraṃ matvā yaṃ parameśānamajātaṃpūrṇaṃ māyopāttaśarīraṃ sukharūpam |nando muktiṃ prāpa yaśodā vrajapuryāṃtasmai śrīkṛṣṇāya namo || 7||

गोप्यो गोपा गोपकुमाराश्च यदीयम् । (गोपकुमारापि गावः)दृष्ट्वा रूपं सुन्दरमिन्दीवरनीलम् ।मन्दस्मेरं कुन्दरदं प्रीतिमवापुस्तस्मै श्रीकृष्णाय नमो मङ्गलधाम्ने ॥ ८॥

gopyo gopā gopakumārāśca yadīyam | (gopakumārāpi gāvaḥ)dṛṣṭvā rūpaṃ sundaramindīvaranīlam |mandasmeraṃ kundaradaṃ prītimavāpustasmai śrīkṛṣṇāya namo maṅgaladhāmne || 8||

बालो भूत्वा मासवया योऽपिबदग्नेप्राणैः साकं स्तन्यमसुर्याः कुलटायाः ।स्वरस्त्याकाङ्क्षन्नात्मजनानां जगदीशस्तस्मै श्रीकृष्णाय नमो मङ्गलधाम्ने ॥ ९॥

bālo bhūtvā māsavayā yo'pibadagneprāṇaiḥ sākaṃ stanyamasuryāḥ kulaṭāyāḥ |svarastyākāṅkṣannātmajanānāṃ jagadīśastasmai śrīkṛṣṇāya namo maṅgaladhāmne || 9||

पद्भधां जघ्नेऽनोऽसुरमुद्यम्य तृतीयेमासे देवो योऽखिलमायाविनिहन्ता ।सन्तापघ्नः साधुजनानाममरेशस्तस्मै श्रीकृष्णाय नमो मङ्गलधाम्ने ॥ १०॥

padbhadhāṃ jaghne'no'suramudyamya tṛtīyemāse devo yo'khilamāyāvinihantā |santāpaghnaḥ sādhujanānāmamareśastasmai śrīkṛṣṇāya namo maṅgaladhāmne || 10||

कण्ठे बद्ध्वा मूर्ध्नि विनिर्भिद्य निरस्तःदुष्टो गोष्ठे येन तृणावर्तसुरारिः ।सर्वज्ञेनानन्तबलेनातिविमूढस्तस्मै श्रीकृष्णाय नमो मङ्गलधाम्ने ॥ ११॥

kaṇṭhe baddhvā mūrdhni vinirbhidya nirastaḥduṣṭo goṣṭhe yena tṛṇāvartasurāriḥ |sarvajñenānantabalenātivimūḍhastasmai śrīkṛṣṇāya namo maṅgaladhāmne || 11||

गोपालार्भैश्चारणलीलां विदधानोगोवत्सानां यो बकदैत्यं विददार ।आस्यादारम्योदरमत्युन्नतसत्त्वंतस्मै श्रीकृष्णाय नमो मङ्गलधाम्ने ॥ १२॥

gopālārbhaiścāraṇalīlāṃ vidadhānogovatsānāṃ yo bakadaityaṃ vidadāra |āsyādāramyodaramatyunnatasattvaṃtasmai śrīkṛṣṇāya namo maṅgaladhāmne || 12||

मात्रे दैत्याच्छङ्कितवत्यै दयया योगोप्यै लोकान् स्वात्मसमेतान् मुखपद्मे ।स्वीये सूक्ष्मेऽदर्शयदव्याहतशक्तिस्तस्मै श्रीकृष्णाय नमो मङ्गलधाम्ने ॥ १३॥

mātre daityācchaṅkitavatyai dayayā yogopyai lokān svātmasametān mukhapadme |svīye sūkṣme'darśayadavyāhataśaktistasmai śrīkṛṣṇāya namo maṅgaladhāmne || 13||

नव्यं गव्यं क्षीरमनीरं नवनीतंभुङ्क्ते प्रीत्या दत्तमदत्तं च यथेच्छम् ।स्वात्मारामाभ्यर्चितपादोऽपि च गोष्टेतस्मै श्रीकृष्णाय नमो मङ्गलधाम्ने ॥ १४॥

navyaṃ gavyaṃ kṣīramanīraṃ navanītaṃbhuṅkte prītyā dattamadattaṃ ca yatheccham |svātmārāmābhyarcitapādo'pi ca goṣṭetasmai śrīkṛṣṇāya namo maṅgaladhāmne || 14||

कालीयोऽहिः कल्पितशिक्षाभयदानस्त्यक्त्वा तीर्थं यामुनमात्मीयमवाप ।द्वीपं येनानन्तबलेनाथ ससैन्यस्तस्मै श्रीकृष्णाय नमो मङ्गलधाम्ने ॥ १५॥

kālīyo'hiḥ kalpitaśikṣābhayadānastyaktvā tīrthaṃ yāmunamātmīyamavāpa |dvīpaṃ yenānantabalenātha sasainyastasmai śrīkṛṣṇāya namo maṅgaladhāmne || 15||

गोपान् योऽपादापद उद्धृत्य दवाग्नेर्मुग्धान् स्निग्धान् पवित्रामललक्ष्मीः । (स्वस्य जनावनमूर्तिः)अष्टैश्वर्योऽव्याहतलक्ष्मीपतिराद्यस्तस्मै श्रीकृष्णाय नमो मङ्गलधाम्ने ॥ १६॥

gopān yo'pādāpada uddhṛtya davāgnermugdhān snigdhān pavitrāmalalakṣmīḥ | (svasya janāvanamūrtiḥ)aṣṭaiśvaryo'vyāhatalakṣmīpatirādyastasmai śrīkṛṣṇāya namo maṅgaladhāmne || 16||

पापाचारोऽघासुरनामाहिशरीरःशैलाकारो येन हतो मूर्ध्नि विभिन्नः ।प्रापात्मैक्यं ब्रह्मविदामेव तु गम्यंतस्मै श्रीकृष्णाय नमो मङ्गलधाम्ने ॥ १७॥

pāpācāro'ghāsuranāmāhiśarīraḥśailākāro yena hato mūrdhni vibhinnaḥ |prāpātmaikyaṃ brahmavidāmeva tu gamyaṃtasmai śrīkṛṣṇāya namo maṅgaladhāmne || 17||

गोगोपानां श्रोत्रमनोनेत्रसुखानिप्रादुष्कुर्वन् गोपवधूनां व्रजमध्ये ।लीलानाट्यान्यद्भुतरूपाणि य आस्तेतस्मै श्रीकृष्णाय नमो मङ्गलधाम्ने ॥ १८॥

gogopānāṃ śrotramanonetrasukhāniprāduṣkurvan gopavadhūnāṃ vrajamadhye |līlānāṭyānyadbhutarūpāṇi ya āstetasmai śrīkṛṣṇāya namo maṅgaladhāmne || 18||

व्यत्यस्ताम्भोजातपदो वेणुनिनादैःसर्वाँल्लोकान् सातिशयान् कर्मसु मूढान् ।चक्रेऽत्यन्तानन्दविधानेन वने यस्तस्मै श्रीकृष्णाय नमो मङ्गलधाम्ने ॥ १९॥

vyatyastāmbhojātapado veṇuninādaiḥsarvām̐llokān sātiśayān karmasu mūḍhān |cakre'tyantānandavidhānena vane yastasmai śrīkṛṣṇāya namo maṅgaladhāmne || 19||

इति श्रीकृष्णमङ्गलस्तोत्रं सम्पूर्णम् ।

iti śrīkṛṣṇamaṅgalastotraṃ sampūrṇam |