प्रणदतियमुनातटेमुरलिका Pranadati Yamunatate Muralika

प्रणदति यमुनातटे मुरलिका ।केदारे पुष्पिता मधुलिका ॥ १॥

praṇadati yamunātaṭe muralikā |kedāre puṣpitā madhulikā || 1||

गोप्यो वंशी नादं श्रुत्वा,धावन्त्यस्ताः गेहं त्यक्त्वासह गच्छति राधा कोमलिका ॥ २॥

gopyo vaṃśī nādaṃ śrutvā,dhāvantyastāḥ gehaṃ tyaktvāsaha gacchati rādhā komalikā || 2||

गोपीर्दृष्ट्वा लुप्तः कृष्णःकुत्र हरिर्गोपीनां प्रश्नः ?सर्वाभिर्ज्ञेया प्रहेलिका ॥ ३॥

gopīrdṛṣṭvā luptaḥ kṛṣṇaḥkutra harirgopīnāṃ praśnaḥ ?sarvābhirjñeyā prahelikā || 3||

सर्वाः गोप्यस्तदा व्याकुलाःप्रथमं प्रकटति हरेर्मेखला,लोकन्ते चन्द्रं सहेलिकाः ॥ ४॥

sarvāḥ gopyastadā vyākulāḥprathamaṃ prakaṭati harermekhalā,lokante candraṃ sahelikāḥ || 4||

कृष्णश्चन्द्रो यदा द्योतते,सर्वासां चित्तं प्रमोदते,सरोवरे विकसन्ति कमलिकाः ॥ ५॥

kṛṣṇaścandro yadā dyotate,sarvāsāṃ cittaṃ pramodate,sarovare vikasanti kamalikāḥ || 5||

तदा तटवने रासारम्भः,श्रयते गोपीः कृष्णस्तम्भः,प्राणः कृष्णस्ताः पुत्तलिकाः ॥ ६॥

tadā taṭavane rāsārambhaḥ,śrayate gopīḥ kṛṣṇastambhaḥ,prāṇaḥ kṛṣṇastāḥ puttalikāḥ || 6||

प्रकृतिर्नृत्यति नृत्यति राधा,कृष्णे सति मोक्षे का बाधा ?वसेदियं मे दृशोर्झल्लिका ॥ ७॥

prakṛtirnṛtyati nṛtyati rādhā,kṛṣṇe sati mokṣe kā bādhā ?vasediyaṃ me dṛśorjhallikā || 7||

मधुरखं कुर्वन्ति मयूराः,वृक्षाः खगाः मृगाः हरिपूराः,पुष्पे विकसति कलिका कलिका ॥ ८॥

madhurakhaṃ kurvanti mayūrāḥ,vṛkṣāḥ khagāḥ mṛgāḥ haripūrāḥ,puṣpe vikasati kalikā kalikā || 8||

रासे सा सरसा रसवर्षा,तया हृत्सु जायन्ते हर्षाःचित्रयन्ति रासं सुतूलिकाः ॥ ९॥

rāse sā sarasā rasavarṣā,tayā hṛtsu jāyante harṣāḥcitrayanti rāsaṃ sutūlikāḥ || 9||

रसवर्षा स्नानं हि योगिनाम्,कृष्णप्रेमधनं गोपीनांचमत्करोति न रासक्षणिका ॥ १०॥

rasavarṣā snānaṃ hi yoginām,kṛṣṇapremadhanaṃ gopīnāṃcamatkaroti na rāsakṣaṇikā || 10||

प्रेम शङ्कर शर्मा

prema śaṅkara śarmā