कामाक्ष्यष्टकम् Kamakshyashtakam

श्रीकाञ्चीपुरवासिनीं भगवतीं श्रीचक्रमध्ये स्थितांकल्याणीं कमनीयचारुमकुटां कौसुम्भवस्त्रान्विताम् ।श्रीवाणीशचिपूजिताङ्घ्रियुगलां चारुस्मितां सुप्रभांकामाक्क्षीं करुणामयीं भगवतीं वन्दे परां देवताम् ॥ १॥

śrīkāñcīpuravāsinīṃ bhagavatīṃ śrīcakramadhye sthitāṃkalyāṇīṃ kamanīyacārumakuṭāṃ kausumbhavastrānvitām |śrīvāṇīśacipūjitāṅghriyugalāṃ cārusmitāṃ suprabhāṃkāmākkṣīṃ karuṇāmayīṃ bhagavatīṃ vande parāṃ devatām || 1||

मालामौक्तिककन्धरां शशिमुखीं शम्भुप्रियां सुन्दरींशर्वाणीं शरचापमण्डितकरां शीतांशुबिम्बाननाम् ।वीणागानविनोदकेलिरसिकां विद्युत्प्रभाभासुरांकामाक्षीं करुणामयीं भगवतीं वन्दे परां देवताम् ॥ २॥

mālāmauktikakandharāṃ śaśimukhīṃ śambhupriyāṃ sundarīṃśarvāṇīṃ śaracāpamaṇḍitakarāṃ śītāṃśubimbānanām |vīṇāgānavinodakelirasikāṃ vidyutprabhābhāsurāṃkāmākṣīṃ karuṇāmayīṃ bhagavatīṃ vande parāṃ devatām || 2||

श्यामां चारुनितम्बिनीं गुरुभुजां चन्द्रावतंसां शिवांशर्वालिङ्गितनीलचारुवपुषीं शान्तां प्रवालाधराम् ।बालां बालतमालकान्तिरुचिरां बालार्कबिम्बोज्ज्वलांकामाक्षीं करुणामयीं भगवतीं वन्दे परां देवताम् ॥ ३॥

śyāmāṃ cārunitambinīṃ gurubhujāṃ candrāvataṃsāṃ śivāṃśarvāliṅgitanīlacāruvapuṣīṃ śāntāṃ pravālādharām |bālāṃ bālatamālakāntirucirāṃ bālārkabimbojjvalāṃkāmākṣīṃ karuṇāmayīṃ bhagavatīṃ vande parāṃ devatām || 3||

लीलाकल्पितजीवकोटिनिवहां चिद्रूपिणीं शङ्करींब्रह्माणीं भवरोगतापशमनीं भव्यात्मिकां शाश्वतीम् ।देवीं माधवसोदरीं शुभकरीं पञ्चाक्षरीं पावनींकामाक्षीं करुणामयीं भगवतीं वन्दे परां देवताम् ॥ ४॥

līlākalpitajīvakoṭinivahāṃ cidrūpiṇīṃ śaṅkarīṃbrahmāṇīṃ bhavarogatāpaśamanīṃ bhavyātmikāṃ śāśvatīm |devīṃ mādhavasodarīṃ śubhakarīṃ pañcākṣarīṃ pāvanīṃkāmākṣīṃ karuṇāmayīṃ bhagavatīṃ vande parāṃ devatām || 4||

वामां वारिजलोचनां हरिहरब्रह्मेन्द्रसम्पूजितांकारुण्यामृतवर्षिणीं गुणमयीं कात्यायनीं चिन्मयीम् ।देवीं शुम्भनिषूदिनीं भगवतीं कामेश्वरीं देवतांकामाक्षीं करुणामयीं भगवतीं वन्दे परां देवताम् ॥ ५॥

vāmāṃ vārijalocanāṃ hariharabrahmendrasampūjitāṃkāruṇyāmṛtavarṣiṇīṃ guṇamayīṃ kātyāyanīṃ cinmayīm |devīṃ śumbhaniṣūdinīṃ bhagavatīṃ kāmeśvarīṃ devatāṃkāmākṣīṃ karuṇāmayīṃ bhagavatīṃ vande parāṃ devatām || 5||

कान्तां काञ्चनरत्नभूषितगलां सौभाग्यमुक्तिप्रदांकौमारीं त्रिपुरान्तकप्रणयिनीं कादम्बिनीं चण्डिकाम् ।देवीं शङ्करहृत्सरोजनिलयां सर्वाघहन्त्रीं शुभांकामाक्षीं करुणामयीं भगवतीं वन्दे परां देवताम् ॥ ६॥

kāntāṃ kāñcanaratnabhūṣitagalāṃ saubhāgyamuktipradāṃkaumārīṃ tripurāntakapraṇayinīṃ kādambinīṃ caṇḍikām |devīṃ śaṅkarahṛtsarojanilayāṃ sarvāghahantrīṃ śubhāṃkāmākṣīṃ karuṇāmayīṃ bhagavatīṃ vande parāṃ devatām || 6||

शान्तां चञ्चलचारुनेत्रयुगलां शैलेन्द्रकन्यां शिवांवाराहीं दनुजान्तकीं त्रिनयनीं सर्वात्मिकां माधवीम् ।सौम्यां सिन्धुसुतां सरोजवदनां वाग्देवतामम्बिकांकामाक्षीं करुणामयीं भगवतीं वन्दे परां देवताम् ॥ ७॥

śāntāṃ cañcalacārunetrayugalāṃ śailendrakanyāṃ śivāṃvārāhīṃ danujāntakīṃ trinayanīṃ sarvātmikāṃ mādhavīm |saumyāṃ sindhusutāṃ sarojavadanāṃ vāgdevatāmambikāṃkāmākṣīṃ karuṇāmayīṃ bhagavatīṃ vande parāṃ devatām || 7||

चन्द्रार्कानललोचनां गुरुकुचां सौन्दर्यचन्द्रोदयांविद्यां विन्ध्यनिवासिनीं पुरहरप्राणप्रियां सुन्दरीम् ।मुग्धस्मेरसमीक्षणेन सततं सम्मोहयन्तीं शिवांकामाक्षीं करुणामयीं भगवतीं वन्दे परां देवताम् ॥ ८॥

candrārkānalalocanāṃ gurukucāṃ saundaryacandrodayāṃvidyāṃ vindhyanivāsinīṃ puraharaprāṇapriyāṃ sundarīm |mugdhasmerasamīkṣaṇena satataṃ sammohayantīṃ śivāṃkāmākṣīṃ karuṇāmayīṃ bhagavatīṃ vande parāṃ devatām || 8||

इति श्रीकामाक्ष्यष्टकं सम्पूर्णम् ।

iti śrīkāmākṣyaṣṭakaṃ sampūrṇam |