कामाख्यास्तोत्रम् Kamakhya Dhyanam and Stotram

कामाख्या ध्यानम्रविशशियुतकर्णा कुंकुमापीतवर्णामणिकनकविचित्रा लोलजिह्वा त्रिनेत्रा ।अभयवरदहस्ता साक्षसूत्रप्रहस्ताप्रणतसुरनरेशा सिद्धकामेश्वरी सा ॥ १॥

kāmākhyā dhyānamraviśaśiyutakarṇā kuṃkumāpītavarṇāmaṇikanakavicitrā lolajihvā trinetrā |abhayavaradahastā sākṣasūtraprahastāpraṇatasuranareśā siddhakāmeśvarī sā || 1||

अरुणकमलसंस्था रक्तपद्मासनस्थानवतरुणशरीरा मुक्तकेशी सुहारा ।शवहृदि पृथुतुङ्गा स्वाङ्घ्रियुग्मा मनोज्ञाशिशुरविसमवस्त्रा सर्वकामेश्वरी सा ॥ २॥

aruṇakamalasaṃsthā raktapadmāsanasthānavataruṇaśarīrā muktakeśī suhārā |śavahṛdi pṛthutuṅgā svāṅghriyugmā manojñāśiśuravisamavastrā sarvakāmeśvarī sā || 2||

विपुलविभवदात्री स्मेरवक्त्रा सुकेशीदलितकरकदन्ता सामिचन्द्रावतंसा ।मनसिजदृशदिस्था योनिमुद्रालसन्तीपवनगगनसक्ता संश्रुतस्थानभागा ।चिन्ता चैवं दीप्यदग्निप्रकाशाधर्मार्थाद्यैः साधकैर्वाञ्छितार्था ॥ ३॥

vipulavibhavadātrī smeravaktrā sukeśīdalitakarakadantā sāmicandrāvataṃsā |manasijadṛśadisthā yonimudrālasantīpavanagaganasaktā saṃśrutasthānabhāgā |cintā caivaṃ dīpyadagniprakāśādharmārthādyaiḥ sādhakairvāñchitārthā || 3||

कामाख्या स्तोत्रम्जय कामेशि चामुण्डे जय भूतापहारिणि ।जय सर्वगते देवि कामेश्वरि नमोऽस्तु ते ॥ १॥

kāmākhyā stotramjaya kāmeśi cāmuṇḍe jaya bhūtāpahāriṇi |jaya sarvagate devi kāmeśvari namo'stu te || 1||

विश्वमूर्ते शुभे शुद्धे विरूपाक्षि त्रिलोचने ।भीमरूपे शिवे विद्ये कामेश्वरि नमोऽस्तु ते ॥ २॥

viśvamūrte śubhe śuddhe virūpākṣi trilocane |bhīmarūpe śive vidye kāmeśvari namo'stu te || 2||

मालाजये जये जम्भे भूताक्षि क्षुभितेऽक्षये ।महामाये महेशानि कामेश्वरि नमोऽस्तु ते ॥ ३॥

mālājaye jaye jambhe bhūtākṣi kṣubhite'kṣaye |mahāmāye maheśāni kāmeśvari namo'stu te || 3||

भीमाक्षि भीषणे देवि सर्वभूतभयङ्करि ।करालि विकरालि च कामेश्वरि नमोऽस्तु ते ॥ ४॥

bhīmākṣi bhīṣaṇe devi sarvabhūtabhayaṅkari |karāli vikarāli ca kāmeśvari namo'stu te || 4||

कालि करालविक्रान्ते कामेश्वरि हरप्रिये ।सर्वशास्त्रसारभूते कामेश्वरि नमोऽस्तु ते ॥ ५॥

kāli karālavikrānte kāmeśvari harapriye |sarvaśāstrasārabhūte kāmeśvari namo'stu te || 5||

कामरूपप्रदीपे च नीलकूटनिवासिनि ।निशुम्भशुम्भमथनि कामेश्वरि नमोऽस्तु ते ॥ ६॥

kāmarūpapradīpe ca nīlakūṭanivāsini |niśumbhaśumbhamathani kāmeśvari namo'stu te || 6||

कामाख्ये कामरूपस्थे कामेश्वरि हरिप्रिये ।कामनां देहि मे नित्यं कामेश्वरि नमोऽस्तु ते ॥ ७॥

kāmākhye kāmarūpasthe kāmeśvari haripriye |kāmanāṃ dehi me nityaṃ kāmeśvari namo'stu te || 7||

वपानाढ्यमहावकत्रे तथा त्रिभुवनेश्वरि ।महिषासुरवधे देवि कामेश्वरि नमोऽस्तु ते ॥ ८॥

vapānāḍhyamahāvakatre tathā tribhuvaneśvari |mahiṣāsuravadhe devi kāmeśvari namo'stu te || 8||

छागतुष्टे महाभीमे कामाख्ये सुरवन्दिते ।जय कामप्रदे तुष्टे कामेश्वरि नमोऽस्तु ते ॥ ९॥

chāgatuṣṭe mahābhīme kāmākhye suravandite |jaya kāmaprade tuṣṭe kāmeśvari namo'stu te || 9||

भ्रष्टराज्यो यदा राजा नवम्यां नियतः शुचिः ।अष्टम्याञ्च चतुर्दश्यामुपवासी नरोत्तमः ॥ १०॥

bhraṣṭarājyo yadā rājā navamyāṃ niyataḥ śuciḥ |aṣṭamyāñca caturdaśyāmupavāsī narottamaḥ || 10||

संवत्सरेण लभते राज्यं निष्कण्टकं पुनः ।य इदंशृणुयाद् भक्त्या तव देवि समुद्भवम् ॥ ११॥

saṃvatsareṇa labhate rājyaṃ niṣkaṇṭakaṃ punaḥ |ya idaṃśṛṇuyād bhaktyā tava devi samudbhavam || 11||

सर्वपापविनिर्मुक्तः परं निर्वाणमृच्छति ।श्रीकामरूपेश्वरि भास्करप्रभे प्रकाशिताम्भोजनिभायतानने ।सुरारिरक्षःस्तुतिपातनोत्सुके त्रयीमये देवनुते नमामि ॥ १२॥

sarvapāpavinirmuktaḥ paraṃ nirvāṇamṛcchati |śrīkāmarūpeśvari bhāskaraprabhe prakāśitāmbhojanibhāyatānane |surārirakṣaḥstutipātanotsuke trayīmaye devanute namāmi || 12||

सितासिते रक्तपिशाङ्गविग्रहे रूपाणि यस्याः प्रतिभान्ति तानि ।विकाररूपा च विकल्पितानि शुभाशुभानामपि तां नमामि ॥ १३॥

sitāsite raktapiśāṅgavigrahe rūpāṇi yasyāḥ pratibhānti tāni |vikārarūpā ca vikalpitāni śubhāśubhānāmapi tāṃ namāmi || 13||

कामरूपसमुद्भूते कामपीठावतंसके ।विश्वाधारे महामाये कामेश्वरि नमोऽस्तु ते ॥ १४॥

kāmarūpasamudbhūte kāmapīṭhāvataṃsake |viśvādhāre mahāmāye kāmeśvari namo'stu te || 14||

अव्यक्तविग्रहे शान्ते सन्तते कामरूपिणि ।कालगम्ये परे शान्ते कामेश्वरि नमोऽस्तु ते ॥ १५॥

avyaktavigrahe śānte santate kāmarūpiṇi |kālagamye pare śānte kāmeśvari namo'stu te || 15||

या सुषुम्नान्तरालस्था चिन्त्यते ज्योतिरूपिणि ।प्रणतोऽस्मि परां धीरां कामेश्वरि नमोऽस्तु ते ॥ १६॥

yā suṣumnāntarālasthā cintyate jyotirūpiṇi |praṇato'smi parāṃ dhīrāṃ kāmeśvari namo'stu te || 16||

दंष्ट्राकरालवदने मुण्डमालोपशोभिते ।सर्वतः सर्वगे देवि कामेश्वरि नमोऽस्तु ते ॥ १७॥

daṃṣṭrākarālavadane muṇḍamālopaśobhite |sarvataḥ sarvage devi kāmeśvari namo'stu te || 17||

चामुण्डे च महाकालि कालि कपोलहारिणि ।पाशहस्ते दण्डहस्ते कामेश्वरि नमोऽस्तु ते ॥ १८॥

cāmuṇḍe ca mahākāli kāli kapolahāriṇi |pāśahaste daṇḍahaste kāmeśvari namo'stu te || 18||

चामुण्डे कुलमालास्ये तीक्ष्णदंष्ट्रामहावले ।शवयानास्थिते देवि कामेश्वरि नमोऽस्तु ते ॥ १९॥

cāmuṇḍe kulamālāsye tīkṣṇadaṃṣṭrāmahāvale |śavayānāsthite devi kāmeśvari namo'stu te || 19||