कामाख्याकवचम् २ Shri Kamakhya Kavacham 2

ॐ नमः श्रीकामाख्यायै ॥अस्य श्रीकामाख्याकवचस्य सदाशिव ऋषिः ।अनुष्टुप्छन्दः । श्रीकामाख्या देवता ।धर्मार्थकाममोक्षचतुर्विधफलसिद्।ह्ध्यर्थे जपे विनियोगः ॥ध्यानम् ।सिंहासीनां महादेवीं रक्तवस्त्रां मनोहराम् ।पाशाङ्कुशधरां देवीं कामाख्यां चिन्तयेद् बुधः ॥त्रिनेत्रां चन्द्रवदनां सर्वालङ्कारभूषिताम् ।वराभयकरां देवीं भक्तानुग्रहकारिणीम् ॥अथ कवचम् ।ॐ कामाख्या मे शिरः पातु कामेशी ललाटकम् ।भ्रुवौ त्रिपुरसुन्दरी नेत्रे पातु जगद्गुरुः ॥ १॥

oṃ namaḥ śrīkāmākhyāyai ||asya śrīkāmākhyākavacasya sadāśiva ṛṣiḥ |anuṣṭupchandaḥ | śrīkāmākhyā devatā |dharmārthakāmamokṣacaturvidhaphalasid|hdhyarthe jape viniyogaḥ ||dhyānam |siṃhāsīnāṃ mahādevīṃ raktavastrāṃ manoharām |pāśāṅkuśadharāṃ devīṃ kāmākhyāṃ cintayed budhaḥ ||trinetrāṃ candravadanāṃ sarvālaṅkārabhūṣitām |varābhayakarāṃ devīṃ bhaktānugrahakāriṇīm ||atha kavacam |oṃ kāmākhyā me śiraḥ pātu kāmeśī lalāṭakam |bhruvau tripurasundarī netre pātu jagadguruḥ || 1||

कर्णौ मे कालिका पातु नासिकां भुवनेश्वरी ।मुखं मे सर्वमङ्गल्या जिह्वां वागीश्वरी तथा ॥ २॥

karṇau me kālikā pātu nāsikāṃ bhuvaneśvarī |mukhaṃ me sarvamaṅgalyā jihvāṃ vāgīśvarī tathā || 2||

दन्तान् पातु महादेवी चिबुकं चण्डिकावतु ।कण्ठं मे भैरवी पातु स्कन्धौ दुर्गा सदावतु ॥ ३॥

dantān pātu mahādevī cibukaṃ caṇḍikāvatu |kaṇṭhaṃ me bhairavī pātu skandhau durgā sadāvatu || 3||

बाहू मे भद्रकाली च करौ पातु सुरेश्वरी ।अङ्गुलीः कमला पातु नखान् श्रीर्विजयावतु ॥ ४॥

bāhū me bhadrakālī ca karau pātu sureśvarī |aṅgulīḥ kamalā pātu nakhān śrīrvijayāvatu || 4||

वक्षः पातु जगन्माता हृदयं परमेश्वरी ।स्तनौ मे सर्वसिद्धेशी पार्श्वौ पातु शिवप्रिया ॥ ५॥

vakṣaḥ pātu jaganmātā hṛdayaṃ parameśvarī |stanau me sarvasiddheśī pārśvau pātu śivapriyā || 5||

नाभिं मे कामरूपस्था कटिं पातु परात्परा ।गुह्यं मे गुह्यरूपा च ऊरू पातु महेश्वरी ॥ ६॥

nābhiṃ me kāmarūpasthā kaṭiṃ pātu parātparā |guhyaṃ me guhyarūpā ca ūrū pātu maheśvarī || 6||

जानुनी जगदाधारा जङ्घे पातु जगन्मयी ।गुल्फौ मे कामदायिनी पादौ पातु कृपामयी ॥ ७॥

jānunī jagadādhārā jaṅghe pātu jaganmayī |gulphau me kāmadāyinī pādau pātu kṛpāmayī || 7||

सर्वाङ्गं सर्वदा पातु सर्वशक्तिस्वरूपिणी ।अन्तर्बहिश्च मां पातु कामाख्या कामदायिनी ॥ ८॥

sarvāṅgaṃ sarvadā pātu sarvaśaktisvarūpiṇī |antarbahiśca māṃ pātu kāmākhyā kāmadāyinī || 8||

पूर्वे मां पातु कामाक्षी दक्षिणे दुर्गतारिणी ।पश्चिमे पार्वती पातु उत्तरस्यां शिवप्रिया ॥ ९॥

pūrve māṃ pātu kāmākṣī dakṣiṇe durgatāriṇī |paścime pārvatī pātu uttarasyāṃ śivapriyā || 9||

आग्नेय्यां भैरवी पातु नैऋत्यां कालिकावतु ।वायव्यां पातु मातङ्गी ऐशान्यां बगलामुखी ॥ १०॥

āgneyyāṃ bhairavī pātu naiṛtyāṃ kālikāvatu |vāyavyāṃ pātu mātaṅgī aiśānyāṃ bagalāmukhī || 10||

ऊर्ध्वं पातु महाविद्या अधस्तात् परमाम्बिका ।सर्वतो मां सदा पातु कामाख्या विश्वमोहिनी ॥ ११॥

ūrdhvaṃ pātu mahāvidyā adhastāt paramāmbikā |sarvato māṃ sadā pātu kāmākhyā viśvamohinī || 11||

रणे राजकुले घोरे वने शत्रुसमाकुले ।नद्यां गिरौ च दुर्गे च रक्ष मां परमेश्वरि ॥ १२॥

raṇe rājakule ghore vane śatrusamākule |nadyāṃ girau ca durge ca rakṣa māṃ parameśvari || 12||

यः पठेत् प्रातरुत्थाय श्रद्धाभक्तिसमन्वितः ।तस्य सिद्धिर्भवेद् देवि त्वत्प्रसादान्न संशयः ॥ १३॥

yaḥ paṭhet prātarutthāya śraddhābhaktisamanvitaḥ |tasya siddhirbhaved devi tvatprasādānna saṃśayaḥ || 13||

भुक्तिं मुक्तिं च लभते पुत्रपौत्रादिसम्पदः ।अन्ते देव्या महालोकं याति भक्तः सुदुर्लभम् ॥ १४॥

bhuktiṃ muktiṃ ca labhate putrapautrādisampadaḥ |ante devyā mahālokaṃ yāti bhaktaḥ sudurlabham || 14||

इदं कवचमज्ञात्वा यो जपेन्मन्त्रमीश्वरि ।न तस्य जायते सिद्धिर्विघ्नैर्बाध्येत सर्वदा ॥ १५॥

idaṃ kavacamajñātvā yo japenmantramīśvari |na tasya jāyate siddhirvighnairbādhyeta sarvadā || 15||

कवचेनावृतो नित्यं भक्तो यः साधकोत्तमः ।तस्य हस्ते सदा सिद्धिर्देव्याः करुणया ध्रुवम् ॥ १६॥

kavacenāvṛto nityaṃ bhakto yaḥ sādhakottamaḥ |tasya haste sadā siddhirdevyāḥ karuṇayā dhruvam || 16||

॥ इति मयोन्तन्त्रे श्रीकामाख्याकवचं सम्पूर्णम् ॥

|| iti mayontantre śrīkāmākhyākavacaṃ sampūrṇam ||