हनुमान चालीसा Hanuman Chalisa

श्री गुरु चरन सरोज रज, निज मनु मुकुर सुधारि।बरनउं रघुबर विमल जसु, जो दायकु फल चारि॥

Shri Guru Charana Saroja Raja, Nija Manu Mukura Sudhari।Baranaun Raghubara Vimala Jasu, Jo Dayaku Phala Chari॥

बुद्धिहीन तनु जानिकै, सुमिरौं पवन-कुमार।बल बुद्धि विद्या देहु मोहिं, हरहु कलेश विकार॥

Buddhihina Tanu Janikai, Sumiraun Pavana-Kumara।Bala Buddhi Vidya Dehu Mohin, Harahu Kalesha Vikara॥

जय हनुमान ज्ञान गुण सागर।जय कपीस तिहुँ लोक उजागर॥

Jaya Hanumana Jnana Guna Sagara।Jaya Kapisa Tihun Loka Ujagara॥

राम दूत अतुलित बल धामा।अंजनि-पुत्र पवनसुत नामा॥

Rama Duta Atulita Bala Dhama।Anjani-Putra Pavanasuta Nama॥

महावीर विक्रम बजरंगी।कुमति निवार सुमति के संगी॥

Mahavira Vikrama Bajarangi।Kumati Nivara Sumati Ke Sangi॥

कंचन बरन बिराज सुवेसा।कानन कुण्डल कुंचित केसा॥

Kanchana Barana Biraja Suvesa।Kanana Kundala Kunchita Kesa॥

हाथ वज्र औ ध्वजा बिराजै।काँधे मूँज जनेऊ साजै॥

Hatha Vajra Au Dhvaja Birajai।Kandhe Munja Janeu Sajai॥

शंकर सुवन केसरीनन्दन।तेज प्रताप महा जग वन्दन॥

Shankara Suvana Kesarinandana।Teja Pratapa Maha Jaga Vandana॥

विद्यावान गुणी अति चातुर।राम काज करिबे को आतुर॥

Vidyavana Guni Ati Chatura।Rama Kaja Karibe Ko Atura॥

प्रभु चरित्र सुनिबे को रसिया।राम लखन सीता मन बसिया॥

Prabhu Charitra Sunibe Ko Rasiya।Rama Lakhana Sita Mana Basiya॥

सूक्ष्म रुप धरि सियहिं दिखावा।विकट रुप धरि लंक जरावा॥

Sukshma Rupa Dhari Siyahin Dikhava।Vikata Rupa Dhari Lanka Jarava॥

भीम रुप धरि असुर संहारे।रामचन्द्र के काज संवारे॥

Bhima Rupa Dhari Asura Sanhare।Ramachandra Ke Kaja Sanvare॥

लाय सजीवन लखन जियाये।श्रीरघुवीर हरषि उर लाये॥

Laya Sajivana Lakhana Jiyaye।Shriraghuvira Harashi Ura Laye॥

रघुपति कीन्ही बहुत बड़ाई।तुम मम प्रिय भरतहि सम भाई॥

Raghupati Kinhi Bahuta Badai।Tuma Mama Priya Bharatahi Sama Bhai॥

सहस बदन तुम्हरो यश गावैं।अस कहि श्री पति कंठ लगावैं॥

Sahasa Badana Tumharo Yasha Gavain।Asa Kahi Shri Pati Kantha Lagavain॥

सनकादिक ब्रह्मादि मुनीसा।नारद सारद सहित अहीसा॥

Sanakadika Brahmadi Munisa।Narada Sarada Sahita Ahisa॥

जम कुबेर दिकपाल जहां ते।कवि कोबिद कहि सके कहां ते॥

Jama Kubera Dikapala Jahan Te।Kavi Kobida Kahi Sake Kahan Te॥

तुम उपकार सुग्रीवहिं कीन्हा।राम मिलाय राज पद दीन्हा॥

Tuma Upakara Sugrivahin Kinha।Rama Milaya Raja Pada Dinha॥

तुम्हरो मन्त्र विभीषन माना।लंकेश्वर भये सब जग जाना॥

Tumharo Mantra Vibhishana Mana।Lankeshvara Bhaye Saba Jaga Jana॥

जुग सहस्र योजन पर भानू।लील्यो ताहि मधुर फल जानू॥

Juga Sahasra Yojana Para Bhanu।Lilyo Tahi Madhura Phala Janu॥

प्रभु मुद्रिका मेलि मुख माहीं।जलधि लांघि गए अचरज नाहीं॥

Prabhu Mudrika Meli Mukha Mahin।Jaladhi Langhi Gaye Acharaja Nahin॥

दुर्गम काज जगत के जेते।सुगम अनुग्रह तुम्हरे तेते॥

Durgama Kaja Jagata Ke Jete।Sugama Anugraha Tumhare Tete॥

राम दुआरे तुम रखवारे।होत न आज्ञा बिनु पैसारे॥

Rama Duare Tuma Rakhavare।Hota Na Ajna Binu Paisare॥

सब सुख लहै तुम्हारी सरना।तुम रक्षक काहू को डरना॥

Saba Sukha Lahai Tumhari Sarana।Tuma Rakshaka Kahu Ko Darana॥

आपन तेज सम्हारो आपै।तीनों लोक हांक तें कांपै॥

Apana Teja Samharo Apai।Tinon Loka Hanka Tein Kampai॥

भूत पिशाच निकट नहिं आवै।महावीर जब नाम सुनावै॥

Bhuta Pishacha Nikata Nahin Avai।Mahavira Jaba Nama Sunavai॥

नासै रोग हरै सब पीरा।जपत निरंतर हनुमत बीरा॥

Nasai Roga Harai Saba Pira।Japata Nirantara Hanumata Bira॥

संकट ते हनुमान छुड़ावै।मन क्रम वचन ध्यान जो लावै॥

Sankata Te Hanumana Chhudavai।Mana Krama Vachana Dhyana Jo Lavai॥

सब पर राम तपस्वी राजा।तिन के काज सकल तुम साजा॥

Saba Para Rama Tapasvi Raja।Tina Ke Kaja Sakala Tuma Saja॥

और मनोरथ जो कोई लावै।सोइ अमित जीवन फल पावै॥

Aura Manoratha Jo Koi Lavai।Soi Amita Jivana Phala Pavai॥

चारों जुग परताप तुम्हारा।है परसिद्ध जगत उजियारा॥

Charon Juga Paratapa Tumhara।Hai Parasiddha Jagata Ujiyara॥

साधु सन्त के तुम रखवारे।असुर निकन्दन राम दुलारे॥

Sadhu Santa Ke Tuma Rakhavare।Asura Nikandana Rama Dulare॥

अष्ट सिद्धि नवनिधि के दाता।अस बर दीन जानकी माता॥

Ashta Siddhi Navanidhi Ke Data।Asa Bara Dina Janaki Mata॥

राम रसायन तुम्हरे पासा।सदा रहो रघुपति के दासा॥

Rama Rasayana Tumhare Pasa।Sada Raho Raghupati Ke Dasa॥

तुम्हरे भजन राम को पावै।जनम जनम के दुख बिसरावै॥

Tumhare Bhajana Rama Ko Pavai।Janama Janama Ke Dukha Bisaravai॥

अन्तकाल रघुबर पुर जाई।जहाँ जन्म हरि-भक्त कहाई॥

Antakala Raghubara Pura Jai।Jahan Janma Hari-Bhakta Kahai॥

और देवता चित्त न धरई।हनुमत सेई सर्व सुख करई॥

Aura Devata Chitta Na Dharai।Hanumata Sei Sarva Sukha Karai॥

संकट कटै मिटै सब पीरा।जो सुमिरै हनुमत बलबीरा॥

Sankata Katai Mitai Saba Pira।Jo Sumirai Hanumata Balabira॥

जय जय जय हनुमान गोसाई।कृपा करहु गुरुदेव की नाई॥

Jaya Jaya Jaya Hanumana Gosai।Kripa Karahu Gurudeva Ki Nai॥

जो शत बार पाठ कर कोई।छूटहिं बंदि महा सुख होई॥

Jo Shata Bara Patha Kara Koi।Chhutahin Bandi Maha Sukha Hoi॥

जो यह पढ़ै हनुमान चालीसा।होय सिद्धि साखी गौरीसा॥

Jo Yaha Padhai Hanumana Chalisa।Hoya Siddhi Sakhi Gaurisa॥

तुलसीदास सदा हरि चेरा।कीजै नाथ हृदय महँ डेरा॥

Tulasidasa Sada Hari Chera।Kijai Natha Hridaya Mahan Dera॥

पवनतनय संकट हरन, मंगल मूरति रुप।राम लखन सीता सहित, हृदय बसहु सुर भूप॥

Pavanatanaya Sankata Harana, Mangala Murati Rupa।Rama Lakhana Sita Sahita, Hridaya Basahu Sura Bhupa॥