हनुमद्ध्यानम् २ Hanumaddhyanam 2

नमस्ते देवदेवेश नमस्ते राक्षसान्तक ।नमस्ते वानराधीश नमस्ते वायुनन्दन ॥ १॥

namaste devadeveśa namaste rākṣasāntaka |namaste vānarādhīśa namaste vāyunandana || 1||

नमस्त्रिमूर्तिवपुषे वेदवेद्याय ते नमः ।रेवानदी विहाराय सहस्रभुजधारिणे ॥ २॥

namastrimūrtivapuṣe vedavedyāya te namaḥ |revānadī vihārāya sahasrabhujadhāriṇe || 2||

सहस्रवनितालोल कपिरूपाय ते नमः ।दशाननवधार्थाय पञ्चाननधराय च ॥ ३॥

sahasravanitālola kapirūpāya te namaḥ |daśānanavadhārthāya pañcānanadharāya ca || 3||

सुवर्चलाकलत्राय तस्मै हनुमते नमः ।कर्कटीवधवेलायां षडाननधराय च ॥ ४॥

suvarcalākalatrāya tasmai hanumate namaḥ |karkaṭīvadhavelāyāṃ ṣaḍānanadharāya ca || 4||

सर्वलोकहितार्थाय वायुपुत्राय ते नमः ।रामाङ्कमुद्राधराय ब्रह्मलोकनिवासिने ॥ ५॥

sarvalokahitārthāya vāyuputrāya te namaḥ |rāmāṅkamudrādharāya brahmalokanivāsine || 5||

विंशद्भुजसमेताय तस्मै रुद्रात्मने नमः ।सर्वस्वतन्त्रदेवाय नानायुधधराय च ॥ ६॥

viṃśadbhujasametāya tasmai rudrātmane namaḥ |sarvasvatantradevāya nānāyudhadharāya ca || 6||

दिव्यमङ्गलरूपाय हनूमद्ब्रह्मणे नमः ।दुर्दण्डिबन्धमोक्षाय कालनेमिहराय च ॥ ७॥

divyamaṅgalarūpāya hanūmadbrahmaṇe namaḥ |durdaṇḍibandhamokṣāya kālanemiharāya ca || 7||

मैरावणविनाशाय वज्रदेहाय ते नमः ।सर्वलोकप्रपूर्णाय भक्तानां हृन्निवासिने ॥ ८॥

mairāvaṇavināśāya vajradehāya te namaḥ |sarvalokaprapūrṇāya bhaktānāṃ hṛnnivāsine || 8||

आर्तानां रक्षणार्थाय वेदवेद्याय ते नमः ।सर्वमन्त्रस्वरूपाय सृष्टिस्थित्यन्तहेतवे ॥ ९॥

ārtānāṃ rakṣaṇārthāya vedavedyāya te namaḥ |sarvamantrasvarūpāya sṛṣṭisthityantahetave || 9||

नानावर्णधरायास्तु पापनाशय ते नमः ।गङ्गातीरे विप्रमुख कपिलानुग्रहेच्छया ॥ १०॥

nānāvarṇadharāyāstu pāpanāśaya te namaḥ |gaṅgātīre vipramukha kapilānugrahecchayā || 10||

चतुर्भुजावताराय भविष्यद्ब्रह्मणे नमः ।कौपीनकटिसूत्राय दिव्ययज्ञोपवीतिने ॥ ११॥

caturbhujāvatārāya bhaviṣyadbrahmaṇe namaḥ |kaupīnakaṭisūtrāya divyayajñopavītine || 11||

पीताम्बरधरायास्तु कालरूपाय ते नमः ।यज्ञकर्त्रे यज्ञभोक्त्रे नानाविद्याविहारिणे ॥ १२॥

pītāmbaradharāyāstu kālarūpāya te namaḥ |yajñakartre yajñabhoktre nānāvidyāvihāriṇe || 12||

त्रिमूर्तितेजोवपुषे दिव्यरूपाय ते नमः ।कदलीफलहस्ताय हेमरम्भाविहारिणे ॥ १३॥

trimūrtitejovapuṣe divyarūpāya te namaḥ |kadalīphalahastāya hemarambhāvihāriṇe || 13||

भक्तध्यानावसन्ताय सर्वभूतात्मने नमः ।वल्लरीधार्ययुक्ताय सहस्राश्वरथाय च ॥ १४॥

bhaktadhyānāvasantāya sarvabhūtātmane namaḥ |vallarīdhāryayuktāya sahasrāśvarathāya ca || 14||

गुण्डक्रियागीतगानचतुराय नमो नमः ।पञ्चाशद्वर्णरूपाय सूक्ष्मरूपाय विष्णवे ॥ १५॥

guṇḍakriyāgītagānacaturāya namo namaḥ |pañcāśadvarṇarūpāya sūkṣmarūpāya viṣṇave || 15||

नरवानरवेषाय बहुरूपाय ते नमः ।लङ्किणीवशवेलायामष्टादशभुजात्मने ॥ १६॥

naravānaraveṣāya bahurūpāya te namaḥ |laṅkiṇīvaśavelāyāmaṣṭādaśabhujātmane || 16||

ध्वजदत्तप्रपन्नाय अग्निगर्भाय ते नमः ।उष्ट्रारोहविराराय पार्वतीनन्दनाय च ॥ १७॥

dhvajadattaprapannāya agnigarbhāya te namaḥ |uṣṭrārohavirārāya pārvatīnandanāya ca || 17||

वज्रप्रहारचिह्नाय तस्मै सर्वात्मने नमः ।पम्पातीरविहाराय केसरीनन्दनाय च ।तप्तकाञ्चनवर्णाय वीररूपाय ते नमः ॥ १८॥

vajraprahāracihnāya tasmai sarvātmane namaḥ |pampātīravihārāya kesarīnandanāya ca |taptakāñcanavarṇāya vīrarūpāya te namaḥ || 18||

शक्तिं पाशं च कुन्तं परशुमपि हलं तोमरं खेटकं चशङ्खं चक्रं त्रिशूलं मुसलमपि गदां पट्टसं मुद्गरं च ।गाण्डीवं चारुपद्मं द्विनवभुजवरे खड्गमप्याददानंवन्देऽहं वायुसूनुं सुररिपुमथनं भक्तरक्षाधुरीणम् ॥ १९॥

śaktiṃ pāśaṃ ca kuntaṃ paraśumapi halaṃ tomaraṃ kheṭakaṃ caśaṅkhaṃ cakraṃ triśūlaṃ musalamapi gadāṃ paṭṭasaṃ mudgaraṃ ca |gāṇḍīvaṃ cārupadmaṃ dvinavabhujavare khaḍgamapyādadānaṃvande'haṃ vāyusūnuṃ suraripumathanaṃ bhaktarakṣādhurīṇam || 19||

इति श्रीहनुमद्।ह्ध्यानं समाप्तम् ।

iti śrīhanumad|hdhyānaṃ samāptam |