हनुमदष्टोत्तरशतनामस्तोत्रम् ०५ Hanumat Ashtottarashatanama stotram 5

(कार्यकारस्वामिनाथार्यविरचितं रामनामाङ्कितम्)ॐ रामदूतो रामभृत्यो रामचित्तापहारकः ।रामनामजपासक्तो रामकीर्तिप्रचारकः ॥ १॥

(kāryakārasvāmināthāryaviracitaṃ rāmanāmāṅkitam)oṃ rāmadūto rāmabhṛtyo rāmacittāpahārakaḥ |rāmanāmajapāsakto rāmakīrtipracārakaḥ || 1||

रामालिङ्गनसौख्यज्ञो रामविक्रमहर्षितः ।रामबाणप्रभावज्ञो रामसेवाधुरन्धरः ॥ २॥

rāmāliṅganasaukhyajño rāmavikramaharṣitaḥ |rāmabāṇaprabhāvajño rāmasevādhurandharaḥ || 2||

रामहृत्पद्ममार्तण्डो रामसङ्कल्पपूरकः ।रामामोदितवाग्वृत्तिः रामसन्देशवाहकः ॥ ३॥

rāmahṛtpadmamārtaṇḍo rāmasaṅkalpapūrakaḥ |rāmāmoditavāgvṛttiḥ rāmasandeśavāhakaḥ || 3||

रामतारकगुह्यज्ञो रामाह्लादनपण्डितः ।रामभूपालसचिवो रामधर्मप्रवर्तकः ॥ ४॥

rāmatārakaguhyajño rāmāhlādanapaṇḍitaḥ |rāmabhūpālasacivo rāmadharmapravartakaḥ || 4||

रामानुजप्राणदाता रामभक्तिलतासुमम् ।रामचन्द्रजयाशंसी रामधैर्यप्रवर्धकः ॥ ५॥

rāmānujaprāṇadātā rāmabhaktilatāsumam |rāmacandrajayāśaṃsī rāmadhairyapravardhakaḥ || 5||

रामप्रभावतत्त्वज्ञो रामपूजनतत्परः ।राममान्यो रामहृद्यो रामकृत्यपरायणः ॥ ६॥

rāmaprabhāvatattvajño rāmapūjanatatparaḥ |rāmamānyo rāmahṛdyo rāmakṛtyaparāyaṇaḥ || 6||

रामसौलभ्यसंवेत्ता रामानुग्रहसाधकः ।रामार्पितवचश्चित्तदेहवृत्तिप्रवर्त्तितः ॥ ७॥

rāmasaulabhyasaṃvettā rāmānugrahasādhakaḥ |rāmārpitavacaścittadehavṛttipravarttitaḥ || 7||

रामसामुद्रिकाभिज्ञो रामपादाब्जषट्पदः ।रामायणमहामालामध्याञ्चितमहामणिः ॥ ८॥

rāmasāmudrikābhijño rāmapādābjaṣaṭpadaḥ |rāmāyaṇamahāmālāmadhyāñcitamahāmaṇiḥ || 8||

रामायणरसास्वादस्रवदश्रुपरिप्लुतः ।रामकोदण्डटङ्कारसहकारिमहास्वनः ॥ ९॥

rāmāyaṇarasāsvādasravadaśrupariplutaḥ |rāmakodaṇḍaṭaṅkārasahakārimahāsvanaḥ || 9||

रामसायूज्यसाम्राज्यद्वारोद्घाटनकर्मकृत् ।रामपादाब्जनिष्यन्दिमधुमाधुर्यलोलुपः ॥ १०॥

rāmasāyūjyasāmrājyadvārodghāṭanakarmakṛt |rāmapādābjaniṣyandimadhumādhuryalolupaḥ || 10||

रामकैङ्कर्यमात्रैकपुरुषार्थकृतादरः ।रामायणमहाम्भोधिमथनोत्थसुधाघटः ॥ ११॥

rāmakaiṅkaryamātraikapuruṣārthakṛtādaraḥ |rāmāyaṇamahāmbhodhimathanotthasudhāghaṭaḥ || 11||

रामाख्यकामधुग्दोग्धा रामवक्त्रेन्दुसागरः ।रामचन्द्रकरस्पर्शद्रवच्छीतकरोपलः ॥रामायणमहाकाव्यशुक्तिनिक्षिप्तमौक्तिकः ।रामायणमहारण्यविहाररतकेसरी ॥ १३॥

rāmākhyakāmadhugdogdhā rāmavaktrendusāgaraḥ |rāmacandrakarasparśadravacchītakaropalaḥ ||rāmāyaṇamahākāvyaśuktinikṣiptamauktikaḥ |rāmāyaṇamahāraṇyavihāraratakesarī || 13||

रामपत्न्येकपत्नीत्वसपत्नायितभक्तिमान् ।रामेङ्गितरहस्यज्ञो राममन्त्रप्रयोगवित् ॥ १४॥

rāmapatnyekapatnītvasapatnāyitabhaktimān |rāmeṅgitarahasyajño rāmamantraprayogavit || 14||

रामविक्रमवर्षर्तुपूर्वभूनीलनीरदः ।रामकारुण्यमार्त्तण्डप्रागुद्यदरुणायितः ॥ १५॥

rāmavikramavarṣartupūrvabhūnīlanīradaḥ |rāmakāruṇyamārttaṇḍaprāgudyadaruṇāyitaḥ || 15||

रामराज्याभिषेकाम्बुपवित्रीकृतमस्तकः ।रामविश्लेषदावाग्निशमनोद्यतनीरदः ॥ १६॥

rāmarājyābhiṣekāmbupavitrīkṛtamastakaḥ |rāmaviśleṣadāvāgniśamanodyatanīradaḥ || 16||

रामायणवियद्गङ्गाकल्लोलायितकीर्तिमान् ।रामप्रपन्नवात्सल्यव्रततात्पर्यकोविदः ॥ १७॥

rāmāyaṇaviyadgaṅgākallolāyitakīrtimān |rāmaprapannavātsalyavratatātparyakovidaḥ || 17||

रामाख्यानसमाश्वस्तसीतामानससंशयः ।रामसुग्रीवमैत्र्याख्यहव्यवाहेन्धनायितः ॥ १८॥

rāmākhyānasamāśvastasītāmānasasaṃśayaḥ |rāmasugrīvamaitryākhyahavyavāhendhanāyitaḥ || 18||

रामाङ्गुलीयमाहात्म्यसमेधितपराक्रमः ।रामार्त्तिध्वंसनचणचूडामणिलसत्करः ॥ १९॥

rāmāṅgulīyamāhātmyasamedhitaparākramaḥ |rāmārttidhvaṃsanacaṇacūḍāmaṇilasatkaraḥ || 19||

रामनाममधुस्यन्दद्वदनाम्बुजशोभितः ।रामनामप्रभावेण गोष्पदीकृतवारिधिः ॥ २०॥

rāmanāmamadhusyandadvadanāmbujaśobhitaḥ |rāmanāmaprabhāveṇa goṣpadīkṛtavāridhiḥ || 20||

रामौदार्यप्रदीपार्चिर्वर्धकस्नेहविग्रहः ।रामश्रीमुखजीमूतवर्षणोन्मुखचातकः ॥ २१॥

rāmaudāryapradīpārcirvardhakasnehavigrahaḥ |rāmaśrīmukhajīmūtavarṣaṇonmukhacātakaḥ || 21||

रामभक्त्येकसुलभब्रह्मचर्यव्रते स्थितः ।रामलक्ष्मणसंवाहकृतार्थीकृतदोर्युगः ॥ २२॥

rāmabhaktyekasulabhabrahmacaryavrate sthitaḥ |rāmalakṣmaṇasaṃvāhakṛtārthīkṛtadoryugaḥ || 22||

रामलक्ष्मणसीताख्यत्रयीराजितहृद्गुहः ।रामरावणसङ्ग्रामवीक्षणोत्फुल्लविग्रहः ॥ २३॥

rāmalakṣmaṇasītākhyatrayīrājitahṛdguhaḥ |rāmarāvaṇasaṅgrāmavīkṣaṇotphullavigrahaḥ || 23||

रामानुजेन्द्रजिद्युद्धलब्धव्रणकिणाङ्कितः ।रामब्रह्मानुसन्धानविधिदीक्षाप्रदायकः ॥ २४॥

rāmānujendrajidyuddhalabdhavraṇakiṇāṅkitaḥ |rāmabrahmānusandhānavidhidīkṣāpradāyakaḥ || 24||

रामरावणसङ्ग्राममहाध्वरविधानकृत् ।रामनाममहारत्ननिक्षेपमणिपेटकः ॥ २५॥

rāmarāvaṇasaṅgrāmamahādhvaravidhānakṛt |rāmanāmamahāratnanikṣepamaṇipeṭakaḥ || 25||

रामताराधिपज्योत्स्नापानोन्मत्तचकोरकः ।रामायणाख्यसौवर्णपञ्जरस्थितशारिकः ॥ २६॥

rāmatārādhipajyotsnāpānonmattacakorakaḥ |rāmāyaṇākhyasauvarṇapañjarasthitaśārikaḥ || 26||

रामवृत्तान्तविध्वस्तसीताहृदयशल्यकः ।रामसन्देशवर्षाम्बुवहन्नीलपयोधरः ॥ २७॥

rāmavṛttāntavidhvastasītāhṛdayaśalyakaḥ |rāmasandeśavarṣāmbuvahannīlapayodharaḥ || 27||

रामराकाहिमकरज्योत्स्नाधवलविग्रहः ।रामसेवामहायज्ञदीक्षितो रामजीवनः ॥ २८॥

rāmarākāhimakarajyotsnādhavalavigrahaḥ |rāmasevāmahāyajñadīkṣito rāmajīvanaḥ || 28||

रामप्राणो रामवित्तं रामायत्तकलेवरः ।रामशोकाशोकवनभञ्जनोद्यत्प्रभञ्जनः ॥ २९॥

rāmaprāṇo rāmavittaṃ rāmāyattakalevaraḥ |rāmaśokāśokavanabhañjanodyatprabhañjanaḥ || 29||

रामप्रीतिवसन्तर्तुसूचकायितकोकिलः ।रामकार्यार्थोपरोधदूरोत्सारणलम्पटः ॥ ३०॥

rāmaprītivasantartusūcakāyitakokilaḥ |rāmakāryārthoparodhadūrotsāraṇalampaṭaḥ || 30||

रामायणसरोजस्थहंसो रामहिते रतः ।रामानुजक्रोधवह्निदग्धसुग्रीवरक्षकः ॥ ३१॥

rāmāyaṇasarojasthahaṃso rāmahite rataḥ |rāmānujakrodhavahnidagdhasugrīvarakṣakaḥ || 31||

रामसौहार्दकल्पद्रुसुमोद्गमनदोहदः ।रामेषुगतिसंवेत्ता रामजैत्ररथध्वजः ॥ ३२॥

rāmasauhārdakalpadrusumodgamanadohadaḥ |rāmeṣugatisaṃvettā rāmajaitrarathadhvajaḥ || 32||

रामब्रह्मनिदिध्यासनिरतो रामवल्लभः ।रामसीताख्ययुगलयोजको राममानितः ॥ ३३॥

rāmabrahmanididhyāsanirato rāmavallabhaḥ |rāmasītākhyayugalayojako rāmamānitaḥ || 33||

रामसेनाग्रणी रामकीर्तिघोषणडिण्डिमः ।रामेतिद्व्यक्षराकारकवचावृतविग्रहः ॥रामायणमहावृक्षफलासक्तकपीश्वरः ।रामपादाश्रयान्वेषिविभीषणविचारवित् ॥ ३५॥

rāmasenāgraṇī rāmakīrtighoṣaṇaḍiṇḍimaḥ |rāmetidvyakṣarākārakavacāvṛtavigrahaḥ ||rāmāyaṇamahāvṛkṣaphalāsaktakapīśvaraḥ |rāmapādāśrayānveṣivibhīṣaṇavicāravit || 35||

राममाहात्म्यसर्वस्वं रामसद्गुणगायकः ।रामजायाविषादाग्निनिर्दग्धरिपुसैनिकः ॥ ३६॥

rāmamāhātmyasarvasvaṃ rāmasadguṇagāyakaḥ |rāmajāyāviṣādāgninirdagdharipusainikaḥ || 36||

रामकल्पद्रुमूलस्थो रामजीमूतवैद्युतः ।रामन्यस्तसमस्ताशो रामविश्वासभाजनम् ॥ ३७॥

rāmakalpadrumūlastho rāmajīmūtavaidyutaḥ |rāmanyastasamastāśo rāmaviśvāsabhājanam || 37||

रामप्रभावरचितशैत्यवालाग्निशोभितः ।रामभद्राश्रयोपात्तधीरोदात्तगुणाकरः ॥ ३८॥

rāmaprabhāvaracitaśaityavālāgniśobhitaḥ |rāmabhadrāśrayopāttadhīrodāttaguṇākaraḥ || 38||

रामदक्षिणहस्ताब्जमुकुटोद्भासिमस्तकः ।रामश्रीवदनोद्भासिस्मितोत्पुलकमूर्तिमान् ।रामब्रह्मानुभूत्याप्तपूर्णानन्दनिमज्जितः ॥ ३९॥

rāmadakṣiṇahastābjamukuṭodbhāsimastakaḥ |rāmaśrīvadanodbhāsismitotpulakamūrtimān |rāmabrahmānubhūtyāptapūrṇānandanimajjitaḥ || 39||

इतीदं रामदूतस्य वायुसूनोर्महात्मनः ।रामनामाङ्कितं नाममष्टोत्तरशतं शुभम् ॥ ४०॥

itīdaṃ rāmadūtasya vāyusūnormahātmanaḥ |rāmanāmāṅkitaṃ nāmamaṣṭottaraśataṃ śubham || 40||

प्रसादादाञ्जनेयस्य देशिकानुग्रहेण च ।रचितं स्वामिनाथेन कार्यकारेण भक्तितः ॥ ४१॥

prasādādāñjaneyasya deśikānugraheṇa ca |racitaṃ svāmināthena kāryakāreṇa bhaktitaḥ || 41||

भूयादभीष्टफलदं श्रद्धया पठतां नृणाम् ।इहलोके परत्रापि रामसायूज्यदायकम् ॥ ४२॥

bhūyādabhīṣṭaphaladaṃ śraddhayā paṭhatāṃ nṛṇām |ihaloke paratrāpi rāmasāyūjyadāyakam || 42||

इति कार्यकारस्वामिनाथार्यविरचितं रामनामाङ्कितंहनुमदष्टोत्तरशतनामस्तोत्रं सम्पूर्णम् ।

iti kāryakārasvāmināthāryaviracitaṃ rāmanāmāṅkitaṃhanumadaṣṭottaraśatanāmastotraṃ sampūrṇam |