हनुमदष्टोत्तरशतनामस्तोत्रम् ०३ Hanumadashtottarashatanamastotram 3

(ब्रह्मवैवर्ते घटिकाचलमाहात्म्यतः)अतिपाटलवक्त्राब्जं धृतहेमाद्रिविग्रहम् ।आञ्जनेयं शङ्खचक्रपाणिं चेतसि धीमहि ॥ १॥

(brahmavaivarte ghaṭikācalamāhātmyataḥ)atipāṭalavaktrābjaṃ dhṛtahemādrivigraham |āñjaneyaṃ śaṅkhacakrapāṇiṃ cetasi dhīmahi || 1||

ॐ पारिजातप्रियो योगी हनूमान् नृहरिप्रियः ।प्लवगेन्द्रः पिङ्गलाक्षः शीघ्रगामी दृढव्रतः ॥ २॥

oṃ pārijātapriyo yogī hanūmān nṛharipriyaḥ |plavagendraḥ piṅgalākṣaḥ śīghragāmī dṛḍhavrataḥ || 2||

शङ्खचक्रवराभीतिपाणिरानन्ददायकः ।स्थायी विक्रमसम्पन्नो रामदूतो महायशाः ॥ ३॥

śaṅkhacakravarābhītipāṇirānandadāyakaḥ |sthāyī vikramasampanno rāmadūto mahāyaśāḥ || 3||

सौमित्रिजीवनकरो लङ्काविक्षोभकारकः ।उदधिक्रमणः सीताशोकहेतुहरो हरिः ॥ ४॥

saumitrijīvanakaro laṅkāvikṣobhakārakaḥ |udadhikramaṇaḥ sītāśokahetuharo hariḥ || 4||

बली राक्षससंहर्ता दशकण्ठमदापहः ।बुद्धिमान् नैरृतवधूकण्ठसूत्रविदारकः ॥सुग्रीवसचिवो भीमो भीमसेनसहोदरः ।सावित्रविद्यासंसेवी चरितार्थो महोदयः ॥ ६॥

balī rākṣasasaṃhartā daśakaṇṭhamadāpahaḥ |buddhimān nairṛtavadhūkaṇṭhasūtravidārakaḥ ||sugrīvasacivo bhīmo bhīmasenasahodaraḥ |sāvitravidyāsaṃsevī caritārtho mahodayaḥ || 6||

वासवाभीष्टदो भव्यो हेमशैलनिवासवान् ।किंशुकाभोऽग्रयतनू ऋजुरोमा महामतिः ॥ ७॥

vāsavābhīṣṭado bhavyo hemaśailanivāsavān |kiṃśukābho'grayatanū ṛjuromā mahāmatiḥ || 7||

महाक्रमो वनचरः स्थिरबुद्धिरभीशुमान् ।सिंहिकागर्भनिर्भेत्ता भेत्ता लङ्कानिवासिनाम् ॥ ८॥

mahākramo vanacaraḥ sthirabuddhirabhīśumān |siṃhikāgarbhanirbhettā bhettā laṅkānivāsinām || 8||

अक्षशत्रुविनिघ्नश्च रक्षोऽमात्यभयावहः ।वीरहा मृदुहस्तश्च पद्मपाणिर्जटाधरः ॥ ९॥

akṣaśatruvinighnaśca rakṣo'mātyabhayāvahaḥ |vīrahā mṛduhastaśca padmapāṇirjaṭādharaḥ || 9||

सर्वप्रियः सर्वकामप्रदः प्रांशुमुखश्शुचिः ।विशुद्धात्मा विज्वरश्च सटावान् पाटलाधरः ॥ १०॥

sarvapriyaḥ sarvakāmapradaḥ prāṃśumukhaśśuciḥ |viśuddhātmā vijvaraśca saṭāvān pāṭalādharaḥ || 10||

भरतप्रेमजनकश्चीरवासा महोक्षधृक् ।महास्त्रबन्धनसहो ब्रह्मचारी यतीश्वरः ॥ ११॥

bharatapremajanakaścīravāsā mahokṣadhṛk |mahāstrabandhanasaho brahmacārī yatīśvaraḥ || 11||

महौषधोपहर्ता च वृषपर्वा वृषोदरः ।सूर्योपलालितः स्वामी पारिजातावतंसकः ॥ १२॥

mahauṣadhopahartā ca vṛṣaparvā vṛṣodaraḥ |sūryopalālitaḥ svāmī pārijātāvataṃsakaḥ || 12||

सर्वप्राणधरोऽनन्तः सर्वभूतादिगो मनुः ।रौद्राकृतिर्भीमकर्मा भीमाक्षो भीमदर्शनः ॥ १३॥

sarvaprāṇadharo'nantaḥ sarvabhūtādigo manuḥ |raudrākṛtirbhīmakarmā bhīmākṣo bhīmadarśanaḥ || 13||

सुदर्शनकरोऽव्यक्तो व्यक्तास्यो दुन्दुभिस्वनः ।सुवेलचारी मैनाकहर्षदो हर्षणप्रियः ॥ १४॥

sudarśanakaro'vyakto vyaktāsyo dundubhisvanaḥ |suvelacārī mainākaharṣado harṣaṇapriyaḥ || 14||

सुलभः सुव्रतो योगी योगिसेव्यो भयापहः ।वालाग्निमथितानेकलङ्कावासिगृहोच्चयः ॥ १५॥

sulabhaḥ suvrato yogī yogisevyo bhayāpahaḥ |vālāgnimathitānekalaṅkāvāsigṛhoccayaḥ || 15||

वर्धनो वर्धमानश्च रोचिष्णू रोमशो महान् ।महादंष्ट्रो महाशूरः सद्गतिः सत्परायणः ॥सौम्यदर्शी सौम्यवेषो हेमयज्ञोपवीतिमान् ।मौञ्जीकृष्णाजिनधरो मन्त्रज्ञो मन्त्रसारथिः ।जितारातिः षडूर्मिश्च सर्वप्रियहिते रतः ॥ १७॥

vardhano vardhamānaśca rociṣṇū romaśo mahān |mahādaṃṣṭro mahāśūraḥ sadgatiḥ satparāyaṇaḥ ||saumyadarśī saumyaveṣo hemayajñopavītimān |mauñjīkṛṣṇājinadharo mantrajño mantrasārathiḥ |jitārātiḥ ṣaḍūrmiśca sarvapriyahite rataḥ || 17||

एतैर्नामपदैर्दिव्यैर्यः स्तौति तव सन्निधौ ।हनुमंस्तस्य किं नाम नो भवेद्भक्तिशालिनः ॥ १८॥

etairnāmapadairdivyairyaḥ stauti tava sannidhau |hanumaṃstasya kiṃ nāma no bhavedbhaktiśālinaḥ || 18||

प्रणवं च पुरस्कृत्य चतुर्थ्यन्तैर्नमोऽन्तकैः ।एतैर्नामभिरव्यग्रैरुच्यते हनुमान् भवान् ॥ १९॥

praṇavaṃ ca puraskṛtya caturthyantairnamo'ntakaiḥ |etairnāmabhiravyagrairucyate hanumān bhavān || 19||

ऋणरोगादिदारिद्र्यपापक्षुदपमृत्यवः ।विनश्यन्ति हनुमंस्ते नामसङ्कीर्तनक्षणे ॥ २०॥

ṛṇarogādidāridryapāpakṣudapamṛtyavaḥ |vinaśyanti hanumaṃste nāmasaṅkīrtanakṣaṇe || 20||

भगवन् हनुमन् नित्यं राजवश्यं तथैव च ।लक्ष्मीवश्यं च श्रीवश्यमारोग्यं दीर्घमायुषम् ॥ २१॥

bhagavan hanuman nityaṃ rājavaśyaṃ tathaiva ca |lakṣmīvaśyaṃ ca śrīvaśyamārogyaṃ dīrghamāyuṣam || 21||

प्राधान्यं सकलानां च ज्ञातिप्राधान्यमेव च ।वीर्यं तेजश्च भक्तानां प्रयच्छसि महामते ॥ २२॥

prādhānyaṃ sakalānāṃ ca jñātiprādhānyameva ca |vīryaṃ tejaśca bhaktānāṃ prayacchasi mahāmate || 22||

(ब्रह्मवैवर्ते घटिकाचलमाहात्म्यतः)(घटिकाचले शङ्खचक्रधरो हनुमान्)

(brahmavaivarte ghaṭikācalamāhātmyataḥ)(ghaṭikācale śaṅkhacakradharo hanumān)