वन्देमातरम् Vandemataram

बङ्गक्षौण्यां रामचन्द्र द्विजातेर्धर्मक्षेत्रे लीलयैवावतीर्णाम् ।सत्यज्ञानानन्दवात्सल्यमूर्तिंनित्यं वन्दे मातरं शारदाख्याम् ॥ १॥

baṅgakṣauṇyāṃ rāmacandra dvijāterdharmakṣetre līlayaivāvatīrṇām |satyajñānānandavātsalyamūrtiṃnityaṃ vande mātaraṃ śāradākhyām || 1||

देहासवत्या क्लिश्यमानप्रपुंसांसुप्तं बोधं सम्यगुन्मीलयन्तीम् ।शोकं मोहं चाशु निर्मूलयन्तींभक्त्या वन्देमातरं शारदाख्याम् ॥ २॥

dehāsavatyā kliśyamānaprapuṃsāṃsuptaṃ bodhaṃ samyagunmīlayantīm |śokaṃ mohaṃ cāśu nirmūlayantīṃbhaktyā vandemātaraṃ śāradākhyām || 2||

मायासिन्धौ मज्जतः प्राणिवर्गान्प्रेमोदारेणात्मपादप्लवेन ।उद्धृत्य द्रागस्य पारं नयन्तींमूर्ध्ना वन्देमातरं शारदाख्याम् ॥ ३॥

māyāsindhau majjataḥ prāṇivargānpremodāreṇātmapādaplavena |uddhṛtya drāgasya pāraṃ nayantīṃmūrdhnā vandemātaraṃ śāradākhyām || 3||

तच्छब्दार्थश्चण्डिकेति प्रसिद्धश्छन्दोवासच्छादितो राजतीति ।पश्यन्नार्चद् रामकृष्णोऽपि यां तांदोर्भ्यां वन्देमातरं शारदाख्याम् ॥ ४॥

tacchabdārthaścaṇḍiketi prasiddhaśchandovāsacchādito rājatīti |paśyannārcad rāmakṛṣṇo'pi yāṃ tāṃdorbhyāṃ vandemātaraṃ śāradākhyām || 4||

रम्भादीनां स्वर्वधूनामधीशांराधादीनां मानुषीणामधीनाम् ।आर्तत्राणैर्कार्पित स्वाखिलार्थांभूयो वन्दे मातरं शारदाख्याम् ॥ ५॥

rambhādīnāṃ svarvadhūnāmadhīśāṃrādhādīnāṃ mānuṣīṇāmadhīnām |ārtatrāṇairkārpita svākhilārthāṃbhūyo vande mātaraṃ śāradākhyām || 5||

इति श्रीओट्टुरूउन्निनम्पूतिरिप्पादविरचितं वन्देमातरम् स्तोत्रं सम्पूर्णम् ।

iti śrīoṭṭurūunninampūtirippādaviracitaṃ vandemātaram stotraṃ sampūrṇam |