वल्लभपञ्चाक्षरस्तोत्रम् Vallabhapanchaksharastotram

श्रीवल्लवीवल्लभस्य वियोगाग्ने कृपाकर ।अलौकिकनिजानन्द श्रीवल्लभ तवास्म्यहम् ॥ १॥

śrīvallavīvallabhasya viyogāgne kṛpākara |alaukikanijānanda śrīvallabha tavāsmyaham || 1||

कृष्णाधरसुधाधारभरितावयवावृत ।श्रीभागवतभावाब्धे श्रीवल्लभ तवास्म्यहम् ॥ २॥

kṛṣṇādharasudhādhārabharitāvayavāvṛta |śrībhāgavatabhāvābdhe śrīvallabha tavāsmyaham || 2||

भावात्मकस्वरूपार्तिभावसेवाप्रदर्शक ।भाववल्लभ्यपादाब्ज श्रीवल्लभ तवास्म्यहम् ॥ ३॥

bhāvātmakasvarūpārtibhāvasevāpradarśaka |bhāvavallabhyapādābja śrīvallabha tavāsmyaham || 3||

करुणायुतदृक्प्रान्तपातपातकनाशक ।निःसाधनजनाधीश श्रीवल्लभ तवास्म्यहम् ॥ ४॥

karuṇāyutadṛkprāntapātapātakanāśaka |niḥsādhanajanādhīśa śrīvallabha tavāsmyaham || 4||

मधुरास्यातिमधुरदृगन्त मधुराधर ।स्वरूपमधुराकार श्रीवल्लभ तवास्म्यहम् ॥ ५॥

madhurāsyātimadhuradṛganta madhurādhara |svarūpamadhurākāra śrīvallabha tavāsmyaham || 5||

दीनतामात्रसन्तुष्ट दीनतामार्गबोधक ।दीनतापूर्णहृदय श्रीवल्लभ तवास्म्यहम् ॥ ६॥

dīnatāmātrasantuṣṭa dīnatāmārgabodhaka |dīnatāpūrṇahṛdaya śrīvallabha tavāsmyaham || 6||

अङ्गीकृतकृतानेकापराधविहतिक्षम ।गृहीतहस्तनिर्वाह श्रीवल्लभ तवास्म्यहम् ॥ ७॥

aṅgīkṛtakṛtānekāparādhavihatikṣama |gṛhītahastanirvāha śrīvallabha tavāsmyaham || 7||

अशेषहरिदासैकसेवितस्वपदाम्बुज ।अदेयफलदानर्थं श्रीवल्लभ तवास्म्यहम् ॥ ८॥

aśeṣaharidāsaikasevitasvapadāmbuja |adeyaphaladānarthaṃ śrīvallabha tavāsmyaham || 8||

इति श्रीहरिदासोक्तं श्रीवलभपञ्चाक्षरस्तोत्रं सम्पूर्णम् ।

iti śrīharidāsoktaṃ śrīvalabhapañcākṣarastotraṃ sampūrṇam |