वल्लभशरणाष्टकम् Vallabhasharanashtakam

निःसाधनजनोद्धारकरणप्रकटीकृतः ।गोकुलेशस्वरूपः श्रीवल्लभश्शरणं मम ॥ १॥

niḥsādhanajanoddhārakaraṇaprakaṭīkṛtaḥ |gokuleśasvarūpaḥ śrīvallabhaśśaraṇaṃ mama || 1||

भजनानन्ददानार्थं पुष्टिमार्गप्रकाशकः ।करुणावरणीयः श्रीवल्लभः शरणं मम ॥ २॥

bhajanānandadānārthaṃ puṣṭimārgaprakāśakaḥ |karuṇāvaraṇīyaḥ śrīvallabhaḥ śaraṇaṃ mama || 2||

स्वामिनीभावसंयुक्तभगवद्भावभावितः ।अत्यलौकिकमूर्तिः श्रीवल्लभः शरणं मम ॥ ३॥

svāminībhāvasaṃyuktabhagavadbhāvabhāvitaḥ |atyalaukikamūrtiḥ śrīvallabhaḥ śaraṇaṃ mama || 3||

श्रीकृष्णवदनानन्दो वियोगानलमूर्तिमान् ।भक्तिमार्गाब्जभानुः श्रीवल्लभः शरणं मम ॥ ४॥

śrīkṛṣṇavadanānando viyogānalamūrtimān |bhaktimārgābjabhānuḥ śrīvallabhaḥ śaraṇaṃ mama || 4||

रासलीलारसभरसमाक्रान्ताऽखिलाङ्गभृत् ।भावरूपाखिलाङ्गः श्रीवल्लभः शरणं मम ॥ ५॥

rāsalīlārasabharasamākrāntā'khilāṅgabhṛt |bhāvarūpākhilāṅgaḥ śrīvallabhaḥ śaraṇaṃ mama || 5||

श्रीभागवतभावार्थाविर्भावार्थानतारितः ।स्वामिसन्तोषहेतुः श्रीवल्लभः शरणं मम ॥ ६॥

śrībhāgavatabhāvārthāvirbhāvārthānatāritaḥ |svāmisantoṣahetuḥ śrīvallabhaḥ śaraṇaṃ mama || 6||

वल्लावीवल्लाभातःस्थलीलानुभववल्लभः ।अन्यास्फुरणरूपः श्रीवल्लभः शरणं मम ॥ ७॥

vallāvīvallābhātaḥsthalīlānubhavavallabhaḥ |anyāsphuraṇarūpaḥ śrīvallabhaḥ śaraṇaṃ mama || 7||

जिताम्भोजपदाम्भोजविभूषितवसुन्धरः ।सदा गोवर्धनस्थः श्रीवल्लभः शरणं मम ॥ ८॥

jitāmbhojapadāmbhojavibhūṣitavasundharaḥ |sadā govardhanasthaḥ śrīvallabhaḥ śaraṇaṃ mama || 8||

अनन्यस्तन्मना नित्यं पठेद्यः शरणाष्टकम् ।स लभेत्साधनाभावयुक्तोऽप्येतत्पदाश्रयः ॥ ९॥

ananyastanmanā nityaṃ paṭhedyaḥ śaraṇāṣṭakam |sa labhetsādhanābhāvayukto'pyetatpadāśrayaḥ || 9||

इति श्रीहरिरायजीविरचितं श्रीवल्लभशरणाष्टकं सम्पूर्णम् ।

iti śrīharirāyajīviracitaṃ śrīvallabhaśaraṇāṣṭakaṃ sampūrṇam |