वल्लभभावाष्टकम् Vallabhabhavashtakam

पतिः श्रीवल्लभोऽस्माकं गतिः श्रीवल्लभः सदा ।मतिः श्रीवल्लभे ह्यस्तां रतिः श्रीवल्लभेऽस्तु मे ॥ १॥

patiḥ śrīvallabho'smākaṃ gatiḥ śrīvallabhaḥ sadā |matiḥ śrīvallabhe hyastāṃ ratiḥ śrīvallabhe'stu me || 1||

वृत्तिः श्रीवस्त्वभीयैव कृतिः श्रीवल्लभार्थिनी ।दर्शनं श्रीवल्लभस्य स्मरणं वल्लभप्रभोः ॥ २॥

vṛttiḥ śrīvastvabhīyaiva kṛtiḥ śrīvallabhārthinī |darśanaṃ śrīvallabhasya smaraṇaṃ vallabhaprabhoḥ || 2||

त्वत्प्रसादसुधाघ्राणं त्वदुच्छिष्टरसाग्रहः ।श्रवणं त्वद्गुणानां हि स्मरणं त्वत्पदाब्जयोः ॥ ३॥

tvatprasādasudhāghrāṇaṃ tvaducchiṣṭarasāgrahaḥ |śravaṇaṃ tvadguṇānāṃ hi smaraṇaṃ tvatpadābjayoḥ || 3||

गृणनं तन्महित्वस्य सेवनं करयोर्भवेत् ।त्वत्स्वरूपान्तरो भोगो गमनं तव सन्निधौ ॥ ४॥

gṛṇanaṃ tanmahitvasya sevanaṃ karayorbhavet |tvatsvarūpāntaro bhogo gamanaṃ tava sannidhau || 4||

त्वदग्रे सर्वदा स्थानं सङ्गस्त्वत्सेवकैः सदा ।त्वद्वार्ताऽतिरुचिर्निष्ठा भूयात्त्वद्वाक्यमात्रगा ॥ ५॥

tvadagre sarvadā sthānaṃ saṅgastvatsevakaiḥ sadā |tvadvārtā'tirucirniṣṭhā bhūyāttvadvākyamātragā || 5||

श्रद्धा त्वदेकसम्बधे विश्वासस्त्वत्पदाब्जयोः ।दास्यं त्वदीयमेवास्तु भूयात्त्वच्चरणाश्रयः ॥ ६॥

śraddhā tvadekasambadhe viśvāsastvatpadābjayoḥ |dāsyaṃ tvadīyamevāstu bhūyāttvaccaraṇāśrayaḥ || 6||

मस्तके श्रीवल्लभोस्तु हृदि तिष्ठतु वल्लभः ।अभितः श्रीवल्लभोऽस्तु सर्वं श्रीवल्लभो मम ॥ ७॥

mastake śrīvallabhostu hṛdi tiṣṭhatu vallabhaḥ |abhitaḥ śrīvallabho'stu sarvaṃ śrīvallabho mama || 7||

नमः श्रीवल्लभायैव दैन्यं श्रीवल्लभे सदा ।प्रार्थना श्रीवल्लभेऽस्तु तत्पदाधीनता मम ॥ ८॥

namaḥ śrīvallabhāyaiva dainyaṃ śrīvallabhe sadā |prārthanā śrīvallabhe'stu tatpadādhīnatā mama || 8||

एतदष्टकपाठेन श्रीवल्लभपदाम्बुजे ।भवेद्भावो विनाऽऽयासं भक्तिमार्गवतात्मनाम् ॥ ९॥

etadaṣṭakapāṭhena śrīvallabhapadāmbuje |bhavedbhāvo vinā''yāsaṃ bhaktimārgavatātmanām || 9||

इति श्रीहरिदासोक्तं श्रीवल्लभभावाष्टकं सम्पूर्णम् ।

iti śrīharidāsoktaṃ śrīvallabhabhāvāṣṭakaṃ sampūrṇam |