आचार्यनवरत्नमालिकास्तवः Acharya Navaratnamalika Shtavah

यस्य स्मरणमात्रेण पापौघः शून्यतां ब्रजेत् ।ज्ञानपद्मस्य सूर्यो यः शङ्करो नः प्रसीदतु ॥ १॥

yasya smaraṇamātreṇa pāpaughaḥ śūnyatāṃ brajet |jñānapadmasya sūryo yaḥ śaṅkaro naḥ prasīdatu || 1||

संसारसर्पदष्टानां महाजाङ्गलिको गुरुः ।अवतीर्णो भिषङ्नाथः शङ्करो नः प्रसीदतु ॥ २॥

saṃsārasarpadaṣṭānāṃ mahājāṅgaliko guruḥ |avatīrṇo bhiṣaṅnāthaḥ śaṅkaro naḥ prasīdatu || 2||

चिन्मयानन्दमूर्तिर्यः संसारार्णवतारकः ।महाकारुणिको योगी शङ्करो नः प्रसीदतु ॥ ३॥

cinmayānandamūrtiryaḥ saṃsārārṇavatārakaḥ |mahākāruṇiko yogī śaṅkaro naḥ prasīdatu || 3||

यद्वाग्गङ्गाप्रवाहेण पूताः स्युः पामरा जनाः ।भस्मीकृतास्तु कामाग्न्या शङ्करो नः प्रसीदतु ॥ ४॥

yadvāggaṅgāpravāheṇa pūtāḥ syuḥ pāmarā janāḥ |bhasmīkṛtāstu kāmāgnyā śaṅkaro naḥ prasīdatu || 4||

नष्टमार्गान्भवाटव्यां दुःखपूर्णाश्च विह्वलान् ।मार्गबन्धुः सदा पाति शङ्करो नः प्रसीदतु ॥ ५॥

naṣṭamārgānbhavāṭavyāṃ duḥkhapūrṇāśca vihvalān |mārgabandhuḥ sadā pāti śaṅkaro naḥ prasīdatu || 5||

दुःखद्वारपिधानं यः शिष्याणां विदितात्मनाम् ।प्रेम्णा करोति सततं तं वन्दे लोकशङ्करम् ॥ ६॥

duḥkhadvārapidhānaṃ yaḥ śiṣyāṇāṃ viditātmanām |premṇā karoti satataṃ taṃ vande lokaśaṅkaram || 6||

दृष्टयैव पावयन्तीं करुणातटिनीं सदैव परिपूर्णाम् ।वरतुङ्गोत्तुङ्गझरीं शरणं करवाणि देशिकेन्द्रस्य ॥ ७॥

dṛṣṭayaiva pāvayantīṃ karuṇātaṭinīṃ sadaiva paripūrṇām |varatuṅgottuṅgajharīṃ śaraṇaṃ karavāṇi deśikendrasya || 7||

ज्ञानदं करुणाकरं बुधसेवितं मुनिपुङ्गवंशारदावदनाम्बुजं स्मितशोभितं स्तुतिभानुना ।चारुणा सुविकासयन्तमघौषधं भवरोगिणांचन्द्रशेखरमाश्रये किं करिष्यति मेऽज्ञता ॥ ८॥

jñānadaṃ karuṇākaraṃ budhasevitaṃ munipuṅgavaṃśāradāvadanāmbujaṃ smitaśobhitaṃ stutibhānunā |cāruṇā suvikāsayantamaghauṣadhaṃ bhavarogiṇāṃcandraśekharamāśraye kiṃ kariṣyati me'jñatā || 8||

भक्तिः पूर्णा करतलगतः कर्मशास्त्रप्रवाहोयोगस्तीर्णः सकलविभवो मन्त्रराजप्रयोगः ।ज्ञानं सर्वे सकलसुखदं सर्वदा लब्धमेवप्राप्तो यस्मात्परमसुकृतादेशिकेन्द्रप्रसादः ॥ ९॥

bhaktiḥ pūrṇā karatalagataḥ karmaśāstrapravāhoyogastīrṇaḥ sakalavibhavo mantrarājaprayogaḥ |jñānaṃ sarve sakalasukhadaṃ sarvadā labdhamevaprāpto yasmātparamasukṛtādeśikendraprasādaḥ || 9||

रामस्वामिसुधीहस्तगुम्फितां रत्नमालिकाम् ।अङ्गीकरोतु कृपया चन्द्रशेखरभारती ॥इति के\। एस्\। रामस्वामिशास्त्रिणा विरचितः आचार्यनवरत्नमालिकास्तवः सम्पूर्णः ।(दिवान् बहदूरबि\। ए\।, बि\। एल्\।इत्यादि बिरुदालङ्कृतेनके\। एस्\। रामस्वामिशास्त्रिणा विरचितः)

rāmasvāmisudhīhastagumphitāṃ ratnamālikām |aṅgīkarotu kṛpayā candraśekharabhāratī ||iti ke\| es\| rāmasvāmiśāstriṇā viracitaḥ ācāryanavaratnamālikāstavaḥ sampūrṇaḥ |(divān bahadūrabi\| e\|, bi\| el\|ityādi birudālaṅkṛtenake\| es\| rāmasvāmiśāstriṇā viracitaḥ)