गायत्र्यष्टोत्तरशतनामस्तोत्रम् Shri Gayatri Ashtottarashatanama Stotram

हरिः ॐ ।तरुणादित्यसङ्काशा सहस्रनयनोज्ज्वला ।विचित्रमाल्याभरणा तुहिनाचलवासिनी ॥ १॥

hariḥ oṃ |taruṇādityasaṅkāśā sahasranayanojjvalā |vicitramālyābharaṇā tuhinācalavāsinī || 1||

वरदाभयहस्ताब्जा रेवातीरनिवासिनी ।प्रणित्ययविशेषज्ञा यन्त्राकृतविराजित ॥ २॥

varadābhayahastābjā revātīranivāsinī |praṇityayaviśeṣajñā yantrākṛtavirājita || 2||

भद्रपादप्रिया चैव गोविन्दपथगामिनी ।देवर्षिगणसन्तुष्टा वनमालाविभूषिता ॥ ३॥

bhadrapādapriyā caiva govindapathagāminī |devarṣigaṇasantuṣṭā vanamālāvibhūṣitā || 3||

स्यन्दनोत्तमसंस्था च धीरजीमूतनिःस्वना ।मत्तमातङ्गगमना हिरण्यकमलासना ॥ ४॥

syandanottamasaṃsthā ca dhīrajīmūtaniḥsvanā |mattamātaṅgagamanā hiraṇyakamalāsanā || 4||

दीनजनोद्धारनिरता योगिनी योगधारिणी ।नटनात्यैकनिरता प्रणवाद्यक्षरात्मिका ॥ ५॥

dīnajanoddhāraniratā yoginī yogadhāriṇī |naṭanātyaikaniratā praṇavādyakṣarātmikā || 5||

घोराचारा क्रियासक्ता दारिद्र्यच्छेदकारिणी ।यादवेन्द्रकुलोद्भूता तुरीयपदगामिनी ॥ ६॥

ghorācārā kriyāsaktā dāridryacchedakāriṇī |yādavendrakulodbhūtā turīyapadagāminī || 6||

गायत्री गोमती गङ्गा गौतमी गरुडासना ।गेयगानप्रिया गौरी गोविन्दपदपूजिता ॥ ७॥

gāyatrī gomatī gaṅgā gautamī garuḍāsanā |geyagānapriyā gaurī govindapadapūjitā || 7||

गन्धर्वनगरागारा गौरवर्णा गणेश्वरी ।गुणाश्रया गुणवती गह्वरी गणपूजिता ॥ ८॥

gandharvanagarāgārā gauravarṇā gaṇeśvarī |guṇāśrayā guṇavatī gahvarī gaṇapūjitā || 8||

गुणत्रयसमायुक्ता गुणत्रयविवर्जिता ।गुहावासा गुणाधारा गुह्या गन्धर्वरूपिणी ॥ ९॥

guṇatrayasamāyuktā guṇatrayavivarjitā |guhāvāsā guṇādhārā guhyā gandharvarūpiṇī || 9||

गार्गप्रिया गुरुपदा गुहलिङ्गाङ्गधारिणी ।सावित्री सूर्यतनया सुषुम्नानाडिभेदिनी ॥ १०॥

gārgapriyā gurupadā guhaliṅgāṅgadhāriṇī |sāvitrī sūryatanayā suṣumnānāḍibhedinī || 10||

सुप्रकाशा सुखासीना सुमतिस्सुरपूजिता ।सुषुप्त्यवस्था सुदती सुन्दरी सागराम्बरा ॥ ११॥

suprakāśā sukhāsīnā sumatissurapūjitā |suṣuptyavasthā sudatī sundarī sāgarāmbarā || 11||

सुधांशुबिम्बवदना सुस्तनी सुविलोचना ।सीता सत्त्वाश्रया सन्ध्या सुफला सुविधायिनी ॥ १२॥

sudhāṃśubimbavadanā sustanī suvilocanā |sītā sattvāśrayā sandhyā suphalā suvidhāyinī || 12||

सुभ्रूस्सुवासा सुश्रोणी संसारार्णवतारिणी ।सामगानप्रिया साध्वी सर्वाभरणभूषिता ॥ १३॥

subhrūssuvāsā suśroṇī saṃsārārṇavatāriṇī |sāmagānapriyā sādhvī sarvābharaṇabhūṣitā || 13||

वैष्णवी विमलाकारा महेन्द्री मन्त्ररूपिणी ।महलक्ष्मीर्महासिद्धिर्महामाया महेश्वरी ॥ १४॥

vaiṣṇavī vimalākārā mahendrī mantrarūpiṇī |mahalakṣmīrmahāsiddhirmahāmāyā maheśvarī || 14||

मोहिनी मदनाकारा मधुसूदनचोदिता ।मीनाक्षी मधुरावासा नगेन्द्रतना उमा ॥ १५॥

mohinī madanākārā madhusūdanacoditā |mīnākṣī madhurāvāsā nagendratanā umā || 15||

त्रिविक्रमपदाक्रान्ता त्रिसर्वा त्रिविलोचना ।सूर्यमण्डलमध्यस्था चन्द्रमण्डलसंस्थिता ॥ १६॥

trivikramapadākrāntā trisarvā trivilocanā |sūryamaṇḍalamadhyasthā candramaṇḍalasaṃsthitā || 16||

वह्निमण्डलमध्यस्था वायुमण्डलसंस्थिता ।व्योममण्डलमध्यस्था चक्रिणी चक्ररूपिणी ॥ १७॥

vahnimaṇḍalamadhyasthā vāyumaṇḍalasaṃsthitā |vyomamaṇḍalamadhyasthā cakriṇī cakrarūpiṇī || 17||

कालचक्रवितानस्था चन्द्रमण्डल दर्पणा ।ज्योत्स्नातपासुलिप्ताङ्गी महामारुतवीजिता ॥ १८॥

kālacakravitānasthā candramaṇḍala darpaṇā |jyotsnātapāsuliptāṅgī mahāmārutavījitā || 18||

सर्वमन्त्राश्रया धेनुः पापघ्नी परमेश्वरी ।नमस्तेऽस्तु महालक्ष्मि महासम्पत्तिदायिनि ॥ १९॥

sarvamantrāśrayā dhenuḥ pāpaghnī parameśvarī |namaste'stu mahālakṣmi mahāsampattidāyini || 19||

नमस्ते करुणामूर्ति नमस्ते भक्तवत्सले ।गायत्र्याः प्रजपेद्यस्तु नाम्नामष्टोत्तरं शतम् ॥ २०॥

namaste karuṇāmūrti namaste bhaktavatsale |gāyatryāḥ prajapedyastu nāmnāmaṣṭottaraṃ śatam || 20||

फलश्रुतिः ।तस्य पुण्यफलं रोद्धुं ब्रह्मणापि न शक्यते ।प्रातःकाले च मध्याह्ने सायह्ने वा द्विजोत्तम ॥ २१॥

phalaśrutiḥ |tasya puṇyaphalaṃ roddhuṃ brahmaṇāpi na śakyate |prātaḥkāle ca madhyāhne sāyahne vā dvijottama || 21||

ये पठन्तीह लोकेऽस्मिन् सर्वान्कामानवाप्नुयात् ।पठनादेव गायत्री नाम्नामष्टोत्तरं शतम् ॥ २२॥

ye paṭhantīha loke'smin sarvānkāmānavāpnuyāt |paṭhanādeva gāyatrī nāmnāmaṣṭottaraṃ śatam || 22||

ब्रह्महत्यादि पापेभ्यो मुच्यते नात्र संशयः ।दिने दिने पठेद्यस्तु गायत्रीस्तवमुत्तमम् ॥ २३॥

brahmahatyādi pāpebhyo mucyate nātra saṃśayaḥ |dine dine paṭhedyastu gāyatrīstavamuttamam || 23||

स नरो मोक्षमाप्नोति पुनरावृत्तिवर्जितंपुत्रप्रदमपुत्राणां दरिद्राणां धनपदम् ॥ २४॥

sa naro mokṣamāpnoti punarāvṛttivarjitaṃputrapradamaputrāṇāṃ daridrāṇāṃ dhanapadam || 24||

रोगिणां रोगशमनं सर्वैश्वर्यप्रदायकंबहुनात्र किमुना स्तोत्रं शीघ्रं फलप्रदम् ॥ २५॥

rogiṇāṃ rogaśamanaṃ sarvaiśvaryapradāyakaṃbahunātra kimunā stotraṃ śīghraṃ phalapradam || 25||

इति श्रीगायत्र्यष्टोत्तरशतनामस्तोत्रं सम्पूर्णम् ।

iti śrīgāyatryaṣṭottaraśatanāmastotraṃ sampūrṇam |