मुक्तिचिन्तामणिगायत्रीकवचम् Muktichintamani Gayatri Kavacham

श्रीदेव्युवाचभगवन् सर्वलोकेश, वेदतत्त्वाधिसागर ।सर्वज्ञ भैरवेशान, जगन्नाथ कृपानिधे ॥ १॥

śrīdevyuvācabhagavan sarvalokeśa, vedatattvādhisāgara |sarvajña bhairaveśāna, jagannātha kṛpānidhe || 1||

कवचं देव गायत्र्याः, सर्वतत्त्वमयं परम् ।मुक्तिचिन्तामणिं नाम, त्वया मे प्राङ्निवेदितम् ॥ २॥

kavacaṃ deva gāyatryāḥ, sarvatattvamayaṃ param |mukticintāmaṇiṃ nāma, tvayā me prāṅniveditam || 2||

मन्त्रगर्भं सुरैः पूज्यं, सर्वापत्तारणं विभो! ।ब्रह्मवेधमयं ब्रूहि, यद्यहं तव वल्लभा ॥ ३॥

mantragarbhaṃ suraiḥ pūjyaṃ, sarvāpattāraṇaṃ vibho! |brahmavedhamayaṃ brūhi, yadyahaṃ tava vallabhā || 3||

श्रीभैरव उवाचशृणु देवि ! प्रवक्ष्यामि, तव स्नेहाद् रहस्यकम् ।कवचं तत्त्वभूतं ते, सर्वमन्त्रैकविग्रहम् ॥ ४॥

śrībhairava uvācaśṛṇu devi ! pravakṣyāmi, tava snehād rahasyakam |kavacaṃ tattvabhūtaṃ te, sarvamantraikavigraham || 4||

मुक्तिचिन्तामणिं नाम, गायत्रीमन्त्रविग्रहम् ।मातृकाबीजनिलयं, व्याहृतिब्रह्मसम्मितम् ॥ ५॥

mukticintāmaṇiṃ nāma, gāyatrīmantravigraham |mātṛkābījanilayaṃ, vyāhṛtibrahmasammitam || 5||

सर्वशक्तिमयं देवि ! सर्वारिष्टविमर्दनम् ।महापातकविघ्नौघब्रह्महत्यादिनाशनम् ॥ ६॥

sarvaśaktimayaṃ devi ! sarvāriṣṭavimardanam |mahāpātakavighnaughabrahmahatyādināśanam || 6||

विनियोगःॐ अस्य श्रीकवचस्यापि, ऋषिः प्रोक्तः सदाशिवः ।गायत्रीदेवता देवि, बीजं प्रणव ईरितः ॥ ७॥

viniyogaḥoṃ asya śrīkavacasyāpi, ṛṣiḥ proktaḥ sadāśivaḥ |gāyatrīdevatā devi, bījaṃ praṇava īritaḥ || 7||

लक्ष्मीशक्तिः शिवा भीमा कीलकं समुदाहृतम् ।धर्मार्थकाममोक्षार्थे, विनियोगस्तु धारणे ॥ ८॥

lakṣmīśaktiḥ śivā bhīmā kīlakaṃ samudāhṛtam |dharmārthakāmamokṣārthe, viniyogastu dhāraṇe || 8||

एवं विनियुज्यॐ अं शिरो मेऽवताद्देवी, गायत्री परमार्थदा ।ॐ आं सौः मेऽवताद्देवी भालं वेदार्थसुन्दरी ॥ १॥

evaṃ viniyujyaoṃ aṃ śiro me'vatāddevī, gāyatrī paramārthadā |oṃ āṃ sauḥ me'vatāddevī bhālaṃ vedārthasundarī || 1||

ॐ इं हसौः भ्रुवौ पातु, मम तन्त्रार्थसुन्दरी ।ॐ ईं सौः नयने पातु मम व्याहृतिसुन्दरी ॥ २॥

oṃ iṃ hasauḥ bhruvau pātu, mama tantrārthasundarī |oṃ īṃ sauḥ nayane pātu mama vyāhṛtisundarī || 2||

ॐ उं ऐं मेऽवतात् कर्णौ, सदा भूर्लोकसुन्दरी ।ॐ ऊं क्लीं मेऽवताद् गण्डौ श्रीभुवोलोकसुन्दरी ॥ ३॥

oṃ uṃ aiṃ me'vatāt karṇau, sadā bhūrlokasundarī |oṃ ūṃ klīṃ me'vatād gaṇḍau śrībhuvolokasundarī || 3||

ॐ ऋं श्रीं मेऽवताद् नासां सा स्वर्लोकैकसुन्दरी ।ॐ ऋं ह्रीं मेऽवतादोष्ठौ महर्लोकैकसुन्दरी ॥ ४॥

oṃ ṛṃ śrīṃ me'vatād nāsāṃ sā svarlokaikasundarī |oṃ ṛṃ hrīṃ me'vatādoṣṭhau maharlokaikasundarī || 4||

ॐ ऌं क्लीं मेऽवताद्दन्ताञ्जनलोकैकसुन्दरी ।ॐ ऌं ग्लौं मेऽवताज्जिह्वां तपोलोकैकसुन्दरी ॥ ५॥

oṃ ḷṃ klīṃ me'vatāddantāñjanalokaikasundarī |oṃ ḷṃ glauṃ me'vatājjihvāṃ tapolokaikasundarī || 5||

ॐ एं गां पातु मे वक्त्रं सत्यलोकैकसुन्दरी ।ॐ ऐं यं पातु मे कण्ठं सदाभुवनसुन्दरी ॥ ६॥

oṃ eṃ gāṃ pātu me vaktraṃ satyalokaikasundarī |oṃ aiṃ yaṃ pātu me kaṇṭhaṃ sadābhuvanasundarī || 6||

ॐ ॐ त्रीं पातु मे स्कन्धौ, सदा ब्रह्माण्डसुन्दरी ।ॐ औं श्रीं पातु मे बाहू सदा सर्वाङ्गसुन्दरी ॥ ७॥

oṃ oṃ trīṃ pātu me skandhau, sadā brahmāṇḍasundarī |oṃ auṃ śrīṃ pātu me bāhū sadā sarvāṅgasundarī || 7||

ॐ अं श्रीं पातु मे हस्तौ, सदा सर्वार्थसुन्दरी ।ॐ अः ह्रीं पातु मे वक्षः सदा देवेन्द्रसुन्दरी ॥ ८॥

oṃ aṃ śrīṃ pātu me hastau, sadā sarvārthasundarī |oṃ aḥ hrīṃ pātu me vakṣaḥ sadā devendrasundarī || 8||

ॐ कं श्रीं पातु मे पृष्ठं, सदा दानवसुन्दरी ।ॐ खं श्रीं पातु मे पार्श्वौः श्रीविद्याधरसुन्दरी ॥ ९॥

oṃ kaṃ śrīṃ pātu me pṛṣṭhaṃ, sadā dānavasundarī |oṃ khaṃ śrīṃ pātu me pārśvauḥ śrīvidyādharasundarī || 9||

ॐ गं ह्रीं पातु मे कुक्षी, अप्सरोलोकसुन्दरी ।ॐ घं ऐं पातु मे नाभिं यक्षलोकैकसुन्दरी ॥ १०॥

oṃ gaṃ hrīṃ pātu me kukṣī, apsarolokasundarī |oṃ ghaṃ aiṃ pātu me nābhiṃ yakṣalokaikasundarī || 10||

ॐ ङ प्रिं मेऽवतान्मेढ्रं, रक्षोलोकैकसुन्दरी ।ॐ चं स्त्रीं मेऽवताच्छिश्नं सदा गन्धर्वसुन्दरी ॥ ११॥

oṃ ṅa priṃ me'vatānmeḍhraṃ, rakṣolokaikasundarī |oṃ caṃ strīṃ me'vatācchiśnaṃ sadā gandharvasundarī || 11||

ॐ छं हां पातु मे ऊरू, सदा गुह्यकसुन्दरी ।ॐ जं स्वा पातु मे जानू सिद्धलोकैकसुन्दरी ॥ १२॥

oṃ chaṃ hāṃ pātu me ūrū, sadā guhyakasundarī |oṃ jaṃ svā pātu me jānū siddhalokaikasundarī || 12||

ॐ झं ह्रीं पातु मे तत्र पृथुलं मांससञ्चयम् ।ॐ ञं ऐं पातु मे तत्र दृढमस्थिचयं सदा ॥ १३॥

oṃ jhaṃ hrīṃ pātu me tatra pṛthulaṃ māṃsasañcayam |oṃ ñaṃ aiṃ pātu me tatra dṛḍhamasthicayaṃ sadā || 13||

ॐ टं स्त्रीं पातु मे जङ्घे भूतलोकैकसुन्दरी ।ॐ ठं प्रिं पातु मे गुल्फो नागलोकैकसुन्दरी ॥ १४॥

oṃ ṭaṃ strīṃ pātu me jaṅghe bhūtalokaikasundarī |oṃ ṭhaṃ priṃ pātu me gulpho nāgalokaikasundarī || 14||

ॐ डं ऐं पातु मे पादौ मर्त्यलोकैकसुन्दरी ।विस्मारितं च तत्स्थानं यत्स्थानं नामवर्जितम् ॥ १५॥

oṃ ḍaṃ aiṃ pātu me pādau martyalokaikasundarī |vismāritaṃ ca tatsthānaṃ yatsthānaṃ nāmavarjitam || 15||

ॐ ढं ह्रीं पातु तत्सर्वं वपुस्त्रिपुरसुन्दरी ।ॐ णं ह्रीं पूर्व इन्द्रोऽव्यात् ॐ तं श्रीं अग्निरग्रतः ॥ १६॥

oṃ ḍhaṃ hrīṃ pātu tatsarvaṃ vapustripurasundarī |oṃ ṇaṃ hrīṃ pūrva indro'vyāt oṃ taṃ śrīṃ agniragrataḥ || 16||

ॐ थं ह्रीं दक्षिणे धर्मो, ॐ दं श्रीं नैऋत्यां स्वतः ।ॐ धं श्रीं श्री वरुणः पातु पश्चिमे मां जलेश्वरः ॥ १७॥

oṃ thaṃ hrīṃ dakṣiṇe dharmo, oṃ daṃ śrīṃ naiṛtyāṃ svataḥ |oṃ dhaṃ śrīṃ śrī varuṇaḥ pātu paścime māṃ jaleśvaraḥ || 17||

ॐ नं श्रीं वायुतो वायुर्वायव्वे मां सदाऽवतु ।ॐ पं श्रीं मामुदरे पातु कुबेरोयक्षराट् सदा ॥ १८॥

oṃ naṃ śrīṃ vāyuto vāyurvāyavve māṃ sadā'vatu |oṃ paṃ śrīṃ māmudare pātu kuberoyakṣarāṭ sadā || 18||

ॐ फं यं मामीश्वरः पातु स्वयमीशाननायकः ।ॐ बं गां ऊर्ध्वमात्मभूर्भगवान् सर्वदाऽवतु ॥ १९॥

oṃ phaṃ yaṃ māmīśvaraḥ pātu svayamīśānanāyakaḥ |oṃ baṃ gāṃ ūrdhvamātmabhūrbhagavān sarvadā'vatu || 19||

ॐ भं ग्लौं पातु मां विष्णुरधस्तात् सर्वदा हरिः ।ॐ मं भै मे गुरुः प्रातः ॐ यं श्रीं मां मध्यवासरे ॥ २०॥

oṃ bhaṃ glauṃ pātu māṃ viṣṇuradhastāt sarvadā hariḥ |oṃ maṃ bhai me guruḥ prātaḥ oṃ yaṃ śrīṃ māṃ madhyavāsare || 20||

ॐ रं ह्रीं मेऽवतात् सायं परात्परगुरुस्तथा ।ॐ लं क्लीं मां निशीथेऽव्यात् परमेष्ठि गुरुः सदा ॥ २१॥

oṃ raṃ hrīṃ me'vatāt sāyaṃ parātparagurustathā |oṃ laṃ klīṃ māṃ niśīthe'vyāt parameṣṭhi guruḥ sadā || 21||

ॐ वं ऐं मां निशीथान्ते पातु साधकनायकी ।ॐ शं श्रीं मां भगवती ब्रह्मरूपा दिनेऽवतु ॥ २२॥

oṃ vaṃ aiṃ māṃ niśīthānte pātu sādhakanāyakī |oṃ śaṃ śrīṃ māṃ bhagavatī brahmarūpā dine'vatu || 22||

ॐ षं ह्रीं मां जगन्माता विष्णुरूपा सदाऽवतु ।ॐ सं ऐं मां वेदमाता शिवरूपा सदाऽवतु ॥ २३॥

oṃ ṣaṃ hrīṃ māṃ jaganmātā viṣṇurūpā sadā'vatu |oṃ saṃ aiṃ māṃ vedamātā śivarūpā sadā'vatu || 23||

ॐ ह्रं श्रीं मां चक्रतः पातु गायत्री चक्रनायकी ।ॐ (मूलं) लं क्ष रूपं मां पायात् सदा सद्ब्रह्मनायकी ॥ २४॥

oṃ hraṃ śrīṃ māṃ cakrataḥ pātu gāyatrī cakranāyakī |oṃ (mūlaṃ) laṃ kṣa rūpaṃ māṃ pāyāt sadā sadbrahmanāyakī || 24||

लक्ष्मीर्लक्ष्मीं सदा पातु, कीर्तिं कीर्तिः सदाऽवतु ।धृतिंधैर्यं सदा पातु धन्या भाग्यं ममाऽवतु ॥ २५॥

lakṣmīrlakṣmīṃ sadā pātu, kīrtiṃ kīrtiḥ sadā'vatu |dhṛtiṃdhairyaṃ sadā pātu dhanyā bhāgyaṃ mamā'vatu || 25||

स्थितं स्थिता सदा पातु, शान्तिः शान्तिं प्रयच्छतु ।विभा दीप्तिं सदा पातु मतिर्बुद्धिं ममाऽवतु ॥ २६॥

sthitaṃ sthitā sadā pātu, śāntiḥ śāntiṃ prayacchatu |vibhā dīptiṃ sadā pātu matirbuddhiṃ mamā'vatu || 26||

गतिर्गतिं च मे पातु, भ्रान्तिर्भ्रान्तिं सदाऽवतु ।नतिर्नतिं च मे पातु वाणी वाणीं प्रयच्छतु ॥ २७॥

gatirgatiṃ ca me pātu, bhrāntirbhrāntiṃ sadā'vatu |natirnatiṃ ca me pātu vāṇī vāṇīṃ prayacchatu || 27||

सेना सेनाधिपत्यं मे, शोभा शोभां प्रयच्छतु ।क्रियादेवी क्रियासिद्धिं नुतिर्नुतिं प्रयच्छतु ॥ २८॥

senā senādhipatyaṃ me, śobhā śobhāṃ prayacchatu |kriyādevī kriyāsiddhiṃ nutirnutiṃ prayacchatu || 28||

एताः षोडशपत्रस्थाः, पान्तु मां सर्वतोभयात् ।ब्राह्मी पूर्वदले पातु वह्नौ नारायणी तथा ॥ २९॥

etāḥ ṣoḍaśapatrasthāḥ, pāntu māṃ sarvatobhayāt |brāhmī pūrvadale pātu vahnau nārāyaṇī tathā || 29||

दक्षिणे पातु मां चण्डी, नैऋते शाम्भवी तथा ।पश्चिमेऽपराजिताऽव्यात्कौमारीवायुकोणतः ॥ ३०॥

dakṣiṇe pātu māṃ caṇḍī, naiṛte śāmbhavī tathā |paścime'parājitā'vyātkaumārīvāyukoṇataḥ || 30||

वाराही चोत्तरे पातु, ईशाने नारसिंहिका ।रुरुः सङ्ग्रामतः पातु चण्डो भूपभयात् सदा ॥ ३१॥

vārāhī cottare pātu, īśāne nārasiṃhikā |ruruḥ saṅgrāmataḥ pātu caṇḍo bhūpabhayāt sadā || 31||

करालोऽव्यात् श्मशानेमां संहारोऽव्यात् समुद्रतः ।भीषणः पातु दुर्भिक्षात् कालाग्निः कालपाशतः ॥ ३२॥

karālo'vyāt śmaśānemāṃ saṃhāro'vyāt samudrataḥ |bhīṣaṇaḥ pātu durbhikṣāt kālāgniḥ kālapāśataḥ || 32||

उन्मत्तः पातु मां चौरात् क्रोधोऽव्यान्मां विपत्तितः ।एते सशक्तिकाः पान्तु वसुपत्रेषु भैरवाः ॥ ३३॥

unmattaḥ pātu māṃ caurāt krodho'vyānmāṃ vipattitaḥ |ete saśaktikāḥ pāntu vasupatreṣu bhairavāḥ || 33||

सरस्वती गिरं पातु, सती सत्यं सदाऽवतु ।दुर्गा दुर्गतितो रक्षेत् सावित्री वसु रक्षतु ॥ ३४॥

sarasvatī giraṃ pātu, satī satyaṃ sadā'vatu |durgā durgatito rakṣet sāvitrī vasu rakṣatu || 34||

श्रीब्रह्मवादिनी ज्ञानं श्रीमतीं श्रियमुत्तमाम् ।कुब्जिका च कुलं क्षिप्रं पाशं संसारबन्धनात् ॥ ३५॥

śrībrahmavādinī jñānaṃ śrīmatīṃ śriyamuttamām |kubjikā ca kulaṃ kṣipraṃ pāśaṃ saṃsārabandhanāt || 35||

तारिणी चारितो रक्षेद् ध्रुवं मां विश्वमङ्गला ।बहिर्दशारचक्रस्था पातु मां सर्वतः सदा ॥ ३६॥

tāriṇī cārito rakṣed dhruvaṃ māṃ viśvamaṅgalā |bahirdaśāracakrasthā pātu māṃ sarvataḥ sadā || 36||

त्रिपुरा पातु मां नित्यं, कालिकाऽवतु मां सदा ।तारा मां पातु सततं सखी च सर्वदाऽवतु ॥ ३७॥

tripurā pātu māṃ nityaṃ, kālikā'vatu māṃ sadā |tārā māṃ pātu satataṃ sakhī ca sarvadā'vatu || 37||

बगला पातु मां नित्यं, बाला मां पातु सर्वतः ।बैखरी पातु मां नित्यं, देवी तुर्या सदाऽवतु ।छिन्नशीर्षावतान्नित्यं, पातु मां भुवनेश्वरी ।अन्तर्दशारचक्रस्था देवता पातु मां सदा ॥ ३९॥

bagalā pātu māṃ nityaṃ, bālā māṃ pātu sarvataḥ |baikharī pātu māṃ nityaṃ, devī turyā sadā'vatu |chinnaśīrṣāvatānnityaṃ, pātu māṃ bhuvaneśvarī |antardaśāracakrasthā devatā pātu māṃ sadā || 39||

गङ्गा मां पावनं पातु, यमुना पातु सर्वदा ।सरस्वती च मां पातु त्रिकोणस्थाश्च देवताः ॥ ४०॥

gaṅgā māṃ pāvanaṃ pātu, yamunā pātu sarvadā |sarasvatī ca māṃ pātu trikoṇasthāśca devatāḥ || 40||

मूलविद्या च मां पातु, गायत्री त्रिपदास्तवा ।चतुर्मुखः शिवः पातु पातु पद्मासनः प्रभुः ॥ ४१॥

mūlavidyā ca māṃ pātu, gāyatrī tripadāstavā |caturmukhaḥ śivaḥ pātu pātu padmāsanaḥ prabhuḥ || 41||

अक्षसूत्रं च मां पातु, पद्मं पातु शिवप्रियः ।त्रिशूलं सर्वदा पातु लगुडं पातु सर्वदा ॥ ४२॥

akṣasūtraṃ ca māṃ pātu, padmaṃ pātu śivapriyaḥ |triśūlaṃ sarvadā pātu laguḍaṃ pātu sarvadā || 42||

मूलं च सर्वदा पातु चतुर्विंशाक्षरात्मकम् ।सर्वत्र सर्वदा पातु परमार्थाधिदेवता ॥ ४३॥

mūlaṃ ca sarvadā pātu caturviṃśākṣarātmakam |sarvatra sarvadā pātu paramārthādhidevatā || 43||

इति मन्त्रमयं दिव्यं कवचं देवदुर्लभम् ।गायत्र्यास्त्रिपदा देव्या लयाङ्गनिलयं परम् ॥ ४४॥

iti mantramayaṃ divyaṃ kavacaṃ devadurlabham |gāyatryāstripadā devyā layāṅganilayaṃ param || 44||

मूलविद्यामयं ब्रह्म, विद्यानिधिमयं परम् ।सर्वदेवप्रियं मुक्तेः साधनं भुक्तिवर्धनम् ॥ ४५॥

mūlavidyāmayaṃ brahma, vidyānidhimayaṃ param |sarvadevapriyaṃ mukteḥ sādhanaṃ bhuktivardhanam || 45||

मुक्तिचिन्तामणिर्नाम गायत्रीतत्त्वकारिणी ।मारणं सर्वशत्रूणां वारणं सकलापदाम् ॥ ४६॥

mukticintāmaṇirnāma gāyatrītattvakāriṇī |māraṇaṃ sarvaśatrūṇāṃ vāraṇaṃ sakalāpadām || 46||

तारणं च भवाम्भोधेः सर्वैश्वर्यैककारणम् ।र वौ यो ह्यष्टगन्धेन लिखेद् भूर्जे महेश्वरि ! ॥ ४७॥

tāraṇaṃ ca bhavāmbhodheḥ sarvaiśvaryaikakāraṇam |ra vau yo hyaṣṭagandhena likhed bhūrje maheśvari ! || 47||

श्वेतसूत्रेण संवेष्ट्य सौवर्णेनाथ वेष्टयेत् ।पञ्चगव्येन संशोध्य गायत्रीरूपेण स्मरेत् ॥ ४८॥

śvetasūtreṇa saṃveṣṭya sauvarṇenātha veṣṭayet |pañcagavyena saṃśodhya gāyatrīrūpeṇa smaret || 48||

तामर्चयेन्महादेवि ! विद्यया यन्त्रराजवत् ।मकारैः पञ्चभिर्गोप्यर्महार्चनक्रमेश्वरः ॥ ४९॥

tāmarcayenmahādevi ! vidyayā yantrarājavat |makāraiḥ pañcabhirgopyarmahārcanakrameśvaraḥ || 49||

यथार्थतस्तत् सम्पूज्य गुटिं भोगापवर्गदाम् ।बध्नीयात् कण्ठदेशे तु सर्वसिद्धिः प्रजायते ॥ ५०॥

yathārthatastat sampūjya guṭiṃ bhogāpavargadām |badhnīyāt kaṇṭhadeśe tu sarvasiddhiḥ prajāyate || 50||

शिरःस्था गुटिका देवि राजलोकवशङ्करी ।भूतस्था गुटिका देवि ! रणे विजयदायिनी ॥ ५१॥

śiraḥsthā guṭikā devi rājalokavaśaṅkarī |bhūtasthā guṭikā devi ! raṇe vijayadāyinī || 51||

कुक्षिस्था रोगशमनी, वक्षःस्था पुत्रपौत्रदा ।कण्ठस्थैश्वर्यदा लोके सर्वसारस्वतप्रदा ॥ ५२॥

kukṣisthā rogaśamanī, vakṣaḥsthā putrapautradā |kaṇṭhasthaiśvaryadā loke sarvasārasvatapradā || 52||

इत्येवं कवचं देवि! गायत्रीतत्त्वमुत्तमम् ।गुह्यं गोप्यतमं देवि! गोपनीयं स्वयोनिवत् ॥ ५३॥

ityevaṃ kavacaṃ devi! gāyatrītattvamuttamam |guhyaṃ gopyatamaṃ devi! gopanīyaṃ svayonivat || 53||

मणिमय कवच है ।इसका पुरश्चरण अथवा प्रमुख पर्व, ग्रहणादि के समय पाठ करकेइति श्रीरुद्रयामले तन्त्रे मुक्तिचिन्तामणि गायत्रीकवचं समाप्तम् ।

maṇimaya kavaca hai |isakā puraścaraṇa athavā pramukha parva, grahaṇādi ke samaya pāṭha karakeiti śrīrudrayāmale tantre mukticintāmaṇi gāyatrīkavacaṃ samāptam |