गायत्रीसहस्रनामस्तोत्रम् १-१ दिव्यसहस्रनामस्तोत्रं Shri Gayatri Sahasranama Stotram

श्रीगणेशाय नमः ।ध्यानम्रक्तश्वेतहिरण्यनीलधवलैर्युक्तां त्रिनेत्रोज्ज्वलांरक्तारक्तनवस्रजं मणिगणैर्युक्तां कुमारीमिमाम् ।गायत्री कमलासनां करतलव्यानद्धकुण्डाम्बुजांपद्माक्षीं च वरस्रजञ्च दधतीं हंसाधिरूढां भजे ॥ॐ तत्काररूपा तत्त्वज्ञा तत्पदार्थस्वरूपिणि ।तपस्स्व्याध्यायनिरता तपस्विजननन्नुता ॥ १॥

śrīgaṇeśāya namaḥ |dhyānamraktaśvetahiraṇyanīladhavalairyuktāṃ trinetrojjvalāṃraktāraktanavasrajaṃ maṇigaṇairyuktāṃ kumārīmimām |gāyatrī kamalāsanāṃ karatalavyānaddhakuṇḍāmbujāṃpadmākṣīṃ ca varasrajañca dadhatīṃ haṃsādhirūḍhāṃ bhaje ||oṃ tatkārarūpā tattvajñā tatpadārthasvarūpiṇi |tapassvyādhyāyaniratā tapasvijananannutā || 1||

तत्कीर्तिगुणसम्पन्ना तथ्यवाक्च तपोनिधिः ।तत्त्वोपदेशसम्बन्धा तपोलोकनिवासिनी ॥ २॥

tatkīrtiguṇasampannā tathyavākca taponidhiḥ |tattvopadeśasambandhā tapolokanivāsinī || 2||

तरुणादित्यसङ्काशा तप्तकाञ्चनभूषणा ।तमोपहारिणि तन्त्री तारिणि ताररूपिणि ॥ ३॥

taruṇādityasaṅkāśā taptakāñcanabhūṣaṇā |tamopahāriṇi tantrī tāriṇi tārarūpiṇi || 3||

तलादिभुवनान्तस्था तर्कशास्त्रविधायिनी ।तन्त्रसारा तन्त्रमाता तन्त्रमार्गप्रदर्शिनी ॥ ४॥

talādibhuvanāntasthā tarkaśāstravidhāyinī |tantrasārā tantramātā tantramārgapradarśinī || 4||

तत्त्वा तन्त्रविधानज्ञा तन्त्रस्था तन्त्रसाक्षिणि ।तदेकध्याननिरता तत्त्वज्ञानप्रबोधिनी ॥ ५॥

tattvā tantravidhānajñā tantrasthā tantrasākṣiṇi |tadekadhyānaniratā tattvajñānaprabodhinī || 5||

तन्नाममन्त्रसुप्रीता तपस्विजनसेविता ।साकाररूपा सावित्री सर्वरूपा सनातनी ॥ ६॥

tannāmamantrasuprītā tapasvijanasevitā |sākārarūpā sāvitrī sarvarūpā sanātanī || 6||

संसारदुःखशमनी सर्वयागफलप्रदा ।सकला सत्यसङ्कल्पा सत्या सत्यप्रदायिनी ॥ ७॥

saṃsāraduḥkhaśamanī sarvayāgaphalapradā |sakalā satyasaṅkalpā satyā satyapradāyinī || 7||

सन्तोषजननी सारा सत्यलोकनिवासिनी ।समुद्रतनयाराध्या सामगानप्रिया सती ॥ ८॥

santoṣajananī sārā satyalokanivāsinī |samudratanayārādhyā sāmagānapriyā satī || 8||

समानी सामदेवी च समस्तसुरसेविता ।सर्वसम्पत्तिजननी सद्गुणा सकलेष्टदा ॥ ९॥

samānī sāmadevī ca samastasurasevitā |sarvasampattijananī sadguṇā sakaleṣṭadā || 9||

सनकादिमुनिध्येया समानाधिकवर्जिता ।साध्या सिद्धा सुधावासा सिद्धिस्साध्यप्रदायिनी ॥ १०॥

sanakādimunidhyeyā samānādhikavarjitā |sādhyā siddhā sudhāvāsā siddhissādhyapradāyinī || 10||

सद्युगाराध्यनिलया समुत्तीर्णा सदाशिवा ।सर्ववेदान्तनिलया सर्वशास्त्रार्थगोचरा ॥ ११॥

sadyugārādhyanilayā samuttīrṇā sadāśivā |sarvavedāntanilayā sarvaśāstrārthagocarā || 11||

सहस्रदलपद्मस्था सर्वज्ञा सर्वतोमुखी ।समया समयाचारा सदसद्ग्रन्थिभेदिनी ॥ १२॥

sahasradalapadmasthā sarvajñā sarvatomukhī |samayā samayācārā sadasadgranthibhedinī || 12||

सप्तकोटिमहामन्त्रमाता सर्वप्रदायिनी ।सगुणा सम्भ्रमा साक्षी सर्वचैतन्यरूपिणी ॥ १३॥

saptakoṭimahāmantramātā sarvapradāyinī |saguṇā sambhramā sākṣī sarvacaitanyarūpiṇī || 13||

सत्कीर्तिस्सात्विका साध्वी सच्चिदानन्दरूपिणी ।सङ्कल्परूपिणी सन्ध्या सालग्रामनिवासिनी ॥ १४॥

satkīrtissātvikā sādhvī saccidānandarūpiṇī |saṅkalparūpiṇī sandhyā sālagrāmanivāsinī || 14||

सर्वोपाधिविनिर्मुक्ता सत्यज्ञानप्रबोधिनी ।विकाररूपा विप्रश्रीर्विप्राराधनतत्परा ॥ १५॥

sarvopādhivinirmuktā satyajñānaprabodhinī |vikārarūpā vipraśrīrviprārādhanatatparā || 15||

विप्रप्रीर्विप्रकल्याणी विप्रवाक्यस्वरूपिणी ।विप्रमन्दिरमध्यस्था विप्रवादविनोदिनी ॥ १६॥

vipraprīrviprakalyāṇī vipravākyasvarūpiṇī |vipramandiramadhyasthā vipravādavinodinī || 16||

विप्रोपाधिविनिर्भेत्री विप्रहत्याविमोचनी ।विप्रत्राता विप्रगोत्रा विप्रगोत्रविवर्धिनी ॥ १७॥

vipropādhivinirbhetrī viprahatyāvimocanī |vipratrātā vipragotrā vipragotravivardhinī || 17||

विप्रभोजनसन्तुष्टा विष्णुरूपा विनोदिनी ।विष्णुमाया विष्णुवन्द्या विष्णुगर्भा विचित्रिणी ॥ १८॥

viprabhojanasantuṣṭā viṣṇurūpā vinodinī |viṣṇumāyā viṣṇuvandyā viṣṇugarbhā vicitriṇī || 18||

वैष्णवी विष्णुभगिनी विष्णुमायाविलासिनी ।विकाररहिता विश्वविज्ञानघनरूपिणी ॥ १९॥

vaiṣṇavī viṣṇubhaginī viṣṇumāyāvilāsinī |vikārarahitā viśvavijñānaghanarūpiṇī || 19||

विबुधा विष्णुसङ्कल्पा विश्वामित्रप्रसादिनी ।विष्णुचैतन्यनिलया विष्णुस्वा विश्वसाक्षिणी ॥ २०॥

vibudhā viṣṇusaṅkalpā viśvāmitraprasādinī |viṣṇucaitanyanilayā viṣṇusvā viśvasākṣiṇī || 20||

विवेकिनी वियद्रूपा विजया विश्वमोहिनी ।विद्याधरी विधानज्ञा वेदतत्त्वार्थरूपिणी ॥ २१॥

vivekinī viyadrūpā vijayā viśvamohinī |vidyādharī vidhānajñā vedatattvārtharūpiṇī || 21||

विरूपाक्षी विराड्रूपा विक्रमा विश्वमङ्गला ।विश्वम्भरासमाराध्या विश्वभ्रमणकारिणी ॥ २२॥

virūpākṣī virāḍrūpā vikramā viśvamaṅgalā |viśvambharāsamārādhyā viśvabhramaṇakāriṇī || 22||

विनायकी विनोदस्था वीरगोष्ठीविवर्धिनी ।विवाहरहिता विन्ध्या विन्ध्याचलनिवासिनी ॥ २३॥

vināyakī vinodasthā vīragoṣṭhīvivardhinī |vivāharahitā vindhyā vindhyācalanivāsinī || 23||

विद्याविद्याकरी विद्या विद्याविद्याप्रबोधिनी ।विमला विभवा वेद्या विश्वस्था विविधोज्ज्वला ॥ २४॥

vidyāvidyākarī vidyā vidyāvidyāprabodhinī |vimalā vibhavā vedyā viśvasthā vividhojjvalā || 24||

वीरमध्या वरारोहा वितन्त्रा विश्वनायिका ।वीरहत्याप्रशमनी विनम्रजनपालिनी ॥ २५॥

vīramadhyā varārohā vitantrā viśvanāyikā |vīrahatyāpraśamanī vinamrajanapālinī || 25||

वीरधीर्विविधाकारा विरोधिजननाशिनी ।तुकाररूपा तुर्यश्रीस्तुलसीवनवासिनी ॥ २६॥

vīradhīrvividhākārā virodhijananāśinī |tukārarūpā turyaśrīstulasīvanavāsinī || 26||

तुरङ्गी तुरगारूढा तुलादानफलप्रदा ।तुलामाघस्नानतुष्टा तुष्टिपुष्टिप्रदायिनी ॥ २७॥

turaṅgī turagārūḍhā tulādānaphalapradā |tulāmāghasnānatuṣṭā tuṣṭipuṣṭipradāyinī || 27||

तुरङ्गमप्रसन्तुष्टा तुलिता तुल्यमध्यगा ।तुङ्गोत्तुङ्गा तुङ्गकुचा तुहिनाचलसंस्थिता ॥ २८॥

turaṅgamaprasantuṣṭā tulitā tulyamadhyagā |tuṅgottuṅgā tuṅgakucā tuhinācalasaṃsthitā || 28||

तुम्बुरादिस्तुतिप्रीता तुषारशिखरीश्वरी ।तुष्टा च तुष्टिजननी तुष्टलोकनिवासिनी ॥ २९॥

tumburādistutiprītā tuṣāraśikharīśvarī |tuṣṭā ca tuṣṭijananī tuṣṭalokanivāsinī || 29||

तुलाधारा तुलामध्या तुलस्था तुर्यरूपिणी ।तुरीयगुणगम्भीरा तुर्यनादस्वरूपिणी ॥ ३०॥

tulādhārā tulāmadhyā tulasthā turyarūpiṇī |turīyaguṇagambhīrā turyanādasvarūpiṇī || 30||

तुर्यविद्यालास्यतुष्टा तूर्यशास्त्रार्थवादिनी ।तुरीयशास्त्रतत्त्वज्ञा तूर्यनादविनोदिनी ॥ ३१॥

turyavidyālāsyatuṣṭā tūryaśāstrārthavādinī |turīyaśāstratattvajñā tūryanādavinodinī || 31||

तूर्यनादान्तनिलया तूर्यानन्दस्वरूपिणी ।तुरीयभक्तिजननी तुर्यमार्गप्रदर्शिनी ॥ ३२॥

tūryanādāntanilayā tūryānandasvarūpiṇī |turīyabhaktijananī turyamārgapradarśinī || 32||

वकाररूपा वागीशी वरेण्या वरसंविधा ।वरा वरिष्ठा वैदेही वेदशास्त्रप्रदर्शिनी ॥ ३३॥

vakārarūpā vāgīśī vareṇyā varasaṃvidhā |varā variṣṭhā vaidehī vedaśāstrapradarśinī || 33||

विकल्पशमनी वाणी वाञ्छितार्थफलप्रदा ।वयस्था च वयोमध्या वयोवस्थाविवर्जिता ॥ ३४॥

vikalpaśamanī vāṇī vāñchitārthaphalapradā |vayasthā ca vayomadhyā vayovasthāvivarjitā || 34||

वन्दिनी वादिनी वर्या वाङ्मयी वीरवन्दिता ।वानप्रस्थाश्रमस्था च वनदुर्गा वनालया ॥ ३५॥

vandinī vādinī varyā vāṅmayī vīravanditā |vānaprasthāśramasthā ca vanadurgā vanālayā || 35||

वनजाक्षी वनचरी वनिता विश्वमोहिनी ।वसिष्ठावामदेवादिवन्द्या वन्द्यस्वरूपिणी ॥ ३६॥

vanajākṣī vanacarī vanitā viśvamohinī |vasiṣṭhāvāmadevādivandyā vandyasvarūpiṇī || 36||

वैद्या वैद्यचिकित्सा च वषट्कारी वसुन्धरा ।वसुमाता वसुत्राता वसुजन्मविमोचनी ॥ ३७॥

vaidyā vaidyacikitsā ca vaṣaṭkārī vasundharā |vasumātā vasutrātā vasujanmavimocanī || 37||

वसुप्रदा वासुदेवी वासुदेव मनोहरी ।वासवार्चितपादश्रीर्वासवारिविनाशिनी ॥ ३८॥

vasupradā vāsudevī vāsudeva manoharī |vāsavārcitapādaśrīrvāsavārivināśinī || 38||

वागीशी वाङ्मनस्थायी वशिनी वनवासभूः ।वामदेवी वरारोहा वाद्यघोषणतत्परा ॥ ३९॥

vāgīśī vāṅmanasthāyī vaśinī vanavāsabhūḥ |vāmadevī varārohā vādyaghoṣaṇatatparā || 39||

वाचस्पतिसमाराध्या वेदमाता विनोदिनी ।रेकाररूपा रेवा च रेवातीरनिवासिनी ॥ ४०॥

vācaspatisamārādhyā vedamātā vinodinī |rekārarūpā revā ca revātīranivāsinī || 40||

राजीवलोचना रामा रागिणिरतिवन्दिता ।रमणीरामजप्ता च राज्यपा राजताद्रिगा ॥ ४१॥

rājīvalocanā rāmā rāgiṇirativanditā |ramaṇīrāmajaptā ca rājyapā rājatādrigā || 41||

राकिणी रेवती रक्षा रुद्रजन्मा रजस्वला ।रेणुकारमणी रम्या रतिवृद्धा रता रतिः ॥ ४२॥

rākiṇī revatī rakṣā rudrajanmā rajasvalā |reṇukāramaṇī ramyā rativṛddhā ratā ratiḥ || 42||

रावणानन्दसन्धायी राजश्री राजशेखरी ।रणमद्या रथारूढा रविकोटिसमप्रभा ॥ ४३॥

rāvaṇānandasandhāyī rājaśrī rājaśekharī |raṇamadyā rathārūḍhā ravikoṭisamaprabhā || 43||

रविमण्डलमध्यस्था रजनी रविलोचना ।रथाङ्गपाणि रक्षोघ्नी रागिणी रावणार्चिता ॥ ४४॥

ravimaṇḍalamadhyasthā rajanī ravilocanā |rathāṅgapāṇi rakṣoghnī rāgiṇī rāvaṇārcitā || 44||

रम्भादिकन्यकाराध्या राज्यदा राज्यवर्धिनी ।रजताद्रीशसक्थिस्था रम्या राजीवलोचना ॥ ४५॥

rambhādikanyakārādhyā rājyadā rājyavardhinī |rajatādrīśasakthisthā ramyā rājīvalocanā || 45||

रम्यवाणी रमाराध्या राज्यधात्री रतोत्सवा ।रेवती च रतोत्साहा राजहृद्रोगहारिणी ॥ ४६॥

ramyavāṇī ramārādhyā rājyadhātrī ratotsavā |revatī ca ratotsāhā rājahṛdrogahāriṇī || 46||

रङ्गप्रवृद्धमधुरा रङ्गमण्डपमध्यगा ।रञ्जिता राजजननी रम्या राकेन्दुमध्यगा ॥ ४७॥

raṅgapravṛddhamadhurā raṅgamaṇḍapamadhyagā |rañjitā rājajananī ramyā rākendumadhyagā || 47||

राविणी रागिणी रञ्ज्या राजराजेश्वरार्चिता ।राजन्वती राजनीती रजताचलवासिनी ॥ ४८॥

rāviṇī rāgiṇī rañjyā rājarājeśvarārcitā |rājanvatī rājanītī rajatācalavāsinī || 48||

राघवार्चितपादश्री राघवा राघवप्रिया ।रत्ननूपुरमध्याढ्या रत्नद्वीपनिवासिनी ॥ ४९॥

rāghavārcitapādaśrī rāghavā rāghavapriyā |ratnanūpuramadhyāḍhyā ratnadvīpanivāsinī || 49||

रत्नप्राकारमध्यस्था रत्नमण्डपमध्यगा ।रत्नाभिषेकसन्तुष्टा रत्नाङ्गी रत्नदायिनी ॥ ५०॥

ratnaprākāramadhyasthā ratnamaṇḍapamadhyagā |ratnābhiṣekasantuṣṭā ratnāṅgī ratnadāyinī || 50||