महागायत्रिलीलास्तुतिः Mahagayatrililastuti

ॐअथ महागायत्रीलीलास्तुतिः ।सदा गवेषयन् जगत्रयेषु वेदमातरंचिदात्मना कृतस्थितं समत्र चाद्य लब्धवान् ।उदस्रु गददं महोदयात्प्रणौमि भक्तिनौकयासुदुस्तरं द्रुतं तितीर्षुरापदर्णवम् ॥ १॥

oṃatha mahāgāyatrīlīlāstutiḥ |sadā gaveṣayan jagatrayeṣu vedamātaraṃcidātmanā kṛtasthitaṃ samatra cādya labdhavān |udasru gadadaṃ mahodayātpraṇaumi bhaktinaukayāsudustaraṃ drutaṃ titīrṣurāpadarṇavam || 1||

सुहीनलोकपातिनी सतां कृपाऽतिशोभतेह्यत्सुधांशुचक्षुषे क्षयाम्ब ! माद्यशं जनम् ।नवापि हीयते तवेषदीशि ! पालनेननोभवाद्यतः कुपुत्रता न भासते प्रसूह्रदि ॥ २॥

suhīnalokapātinī satāṃ kṛpā'tiśobhatehyatsudhāṃśucakṣuṣe kṣayāmba ! mādyaśaṃ janam |navāpi hīyate taveṣadīśi ! pālanenanobhavādyataḥ kuputratā na bhāsate prasūhradi || 2||

नमामि मुक्तविद्रुमप्रतप्तहाटकाऽसितावदातवर्णसुन्दरैः षडर्धलोललोचनैः ।सरोजषण्डबान्धवप्रतप्तपावकप्रभैःकिरीटरत्नरञ्जितैः सुधांशुखण्डमण्डितैः ॥ ३॥

namāmi muktavidrumaprataptahāṭakā'sitāvadātavarṇasundaraiḥ ṣaḍardhalolalocanaiḥ |sarojaṣaṇḍabāndhavaprataptapāvakaprabhaiḥkirīṭaratnarañjitaiḥ sudhāṃśukhaṇḍamaṇḍitaiḥ || 3||

मुखैर्दशार्धसंमितैर्विराजमानविग्रहांसुरेशचापसप्रभां समस्तदेववन्दिताम् ।वराभयाङ्कुशान्वितैः कपालशूल शंखचक्रसारसद्वयीगुणाङ्कितैः करैर्विराजिताम् ॥ ४॥

mukhairdaśārdhasaṃmitairvirājamānavigrahāṃsureśacāpasaprabhāṃ samastadevavanditām |varābhayāṅkuśānvitaiḥ kapālaśūla śaṃkhacakrasārasadvayīguṇāṅkitaiḥ karairvirājitām || 4||

भवद्रुमस्य मूलतां गतां मुनीन्द्रवन्दिताम्अखण्ड भावमण्डलप्रकाशकारिणीं शिवाम् ।समस्तदेवतामयीं समस्त सिद्धिदयिनीम्पूर्वरूप विग्रहां सरस्वतीं भवार्तिहाम् ॥ ५॥

bhavadrumasya mūlatāṃ gatāṃ munīndravanditāmakhaṇḍa bhāvamaṇḍalaprakāśakāriṇīṃ śivām |samastadevatāmayīṃ samasta siddhidayinīmpūrvarūpa vigrahāṃ sarasvatīṃ bhavārtihām || 5||

शुचीन्दुसूर्यलोचनां शुचीन्दुसूर्य विग्रहाम्शुचीन्दुसूर्यसङ्गमस्वभावशालिनीं शुभाम् ।पदद्वयानुकम्पितस्वशक्तिचक्रसेवितांपरेशशक्तिमुत्तमां भजे त्रिलोकसुन्दरीम् ॥ ६॥

śucīndusūryalocanāṃ śucīndusūrya vigrahāmśucīndusūryasaṅgamasvabhāvaśālinīṃ śubhām |padadvayānukampitasvaśakticakrasevitāṃpareśaśaktimuttamāṃ bhaje trilokasundarīm || 6||

महामहेश्वरी जगद्विसर्गसुस्थितिक्षयस्वतंत्रता शरीरिणी बभूव या महेशितुः ।द्विपत्रितादिभेदतो लतायमानविग्रहात्रयीश्वरी सदा तु सा जगञ्जयाय जायताम् ॥ ७॥

mahāmaheśvarī jagadvisargasusthitikṣayasvataṃtratā śarīriṇī babhūva yā maheśituḥ |dvipatritādibhedato latāyamānavigrahātrayīśvarī sadā tu sā jagañjayāya jāyatām || 7||

नमामि तन्मुखारविन्दपञ्चकं मलापहंगलैकनालकं सदाविकासि भक्तिसम्भवम् ।स्वभक्तहंससेवितं शुचीन्दुपद्मबन्धवःप्रतीकभूतविग्रहा गता हि यत्र पञ्चताम् ॥ ८॥

namāmi tanmukhāravindapañcakaṃ malāpahaṃgalaikanālakaṃ sadāvikāsi bhaktisambhavam |svabhaktahaṃsasevitaṃ śucīndupadmabandhavaḥpratīkabhūtavigrahā gatā hi yatra pañcatām || 8||

भवार्णवेऽतिदुःसहस्मराधिदिग्धमानसंषडूर्मिनित्यपीडितं जनं दिधीर्षुमानसा ।श्रुतिध्वनिस्फुरन्मुखारविन्दभूसुरैः सदात्रिसन्ध्यमीश्वरी नुताऽस्तु सा सुखप्रदा हि नः ॥ ९॥

bhavārṇave'tiduḥsahasmarādhidigdhamānasaṃṣaḍūrminityapīḍitaṃ janaṃ didhīrṣumānasā |śrutidhvanisphuranmukhāravindabhūsuraiḥ sadātrisandhyamīśvarī nutā'stu sā sukhapradā hi naḥ || 9||

त्रयीप्रसूः स्वदृष्टिपातधूतभक्तकल्मषासमैर्जुनैर्नुता मुदा स्ववर्णधर्मभेदतः ।निलिम्पनिम्नगामिषेण पादद्यौतजं जलंयदीयमागतं क्षिर्ति तनोतु नः शिवं तु सा ॥ १०॥

trayīprasūḥ svadṛṣṭipātadhūtabhaktakalmaṣāsamairjunairnutā mudā svavarṇadharmabhedataḥ |nilimpanimnagāmiṣeṇa pādadyautajaṃ jalaṃyadīyamāgataṃ kṣirti tanotu naḥ śivaṃ tu sā || 10||

स्वदम्भवञ्चिताखिलं कुभोगसक्तमानसंसदाऽशुचिं कुमार्गगं शठं च शङ्कसे यदि ।कथं स्वपादचिन्तनोत्थवैभवं नहीश्वरि !यतोङ्व्रिचिन्तकं दयादृशेक्षसे न माद्यशम् ॥ ११॥

svadambhavañcitākhilaṃ kubhogasaktamānasaṃsadā'śuciṃ kumārgagaṃ śaṭhaṃ ca śaṅkase yadi |kathaṃ svapādacintanotthavaibhavaṃ nahīśvari !yatoṅvricintakaṃ dayādṛśekṣase na mādyaśam || 11||

अनेकदोषदूषितेष्वनिर्विवेचना सतीस्वतंत्रशक्तिरीश्वरी भवाधनाशकारिणी ।कृपामयीम् दृशं विधाय सा स्वभक्तिपात्रितंस्वपत्कजे मधुव्रतं करोतु मामहर्निशम् ॥ १२॥

anekadoṣadūṣiteṣvanirvivecanā satīsvataṃtraśaktirīśvarī bhavādhanāśakāriṇī |kṛpāmayīm dṛśaṃ vidhāya sā svabhaktipātritaṃsvapatkaje madhuvrataṃ karotu māmaharniśam || 12||

त्रिसन्ध्यमिष्टदैवतं सुकेशवास्यजं स्तवंस्मरन् हृदीद्धभावनो विधाय वेदमातरम् ।विधूय पापसंचयं वितीर्य कीर्तिमुत्तमाम्इह त्वमुत्र कैवलं पदं स याति निर्भयम् ॥ १३॥

trisandhyamiṣṭadaivataṃ sukeśavāsyajaṃ stavaṃsmaran hṛdīddhabhāvano vidhāya vedamātaram |vidhūya pāpasaṃcayaṃ vitīrya kīrtimuttamāmiha tvamutra kaivalaṃ padaṃ sa yāti nirbhayam || 13||

इति श्रीमहागायत्रीलीलास्तुतिः ।

iti śrīmahāgāyatrīlīlāstutiḥ |