तापीस्तोत्रम् Tapi Stotram
tāpīstotram
Tapi Stotram (तापीस्तोत्रम्): a stotra to Gaṅgā, by vAsudevAnandasarasvatI TembesvAmi. 10 verses in Sanskrit with Devanagari and IAST.
- Stotra
- Stotra
- Gaṅgā
- Stotra
तापीस्तोत्रम्
1 / 10
छाया विवस्वद्दुहिता हितार्था पुरातनी त्वत्र धुनी कृतार्था ।ययाऽऽस भूरन्यविभूषितापि तापीसरित्साऽवतु मां स्मृतापि ॥ १॥
chāyā vivasvadduhitā hitārthā purātanī tvatra dhunī kṛtārthā |yayā''sa bhūranyavibhūṣitāpi tāpīsaritsā'vatu māṃ smṛtāpi || 1||
तपती पतिमाप्तुमुद्गता वरविन्ध्याद्रिपदान्महोन्नता ।प्रययौ नवयौवनाञ्चिता जलधिं पश्चिमकं ह्यवञ्चिता ॥ २॥
tapatī patimāptumudgatā varavindhyādripadānmahonnatā |prayayau navayauvanāñcitā jaladhiṃ paścimakaṃ hyavañcitā || 2||
पुनानापि नानाजनानंहसोऽत्र पदं राति याति प्रशस्तं परत्र ।यदीये प्रतीरेऽत्र पापी न तापी न कोपीयमस्मानवत्वत्र तापी ॥ ३॥
punānāpi nānājanānaṃhaso'tra padaṃ rāti yāti praśastaṃ paratra |yadīye pratīre'tra pāpī na tāpī na kopīyamasmānavatvatra tāpī || 3||
भुजङ्गप्रयातोपमा यद्गतिर्या मतिं नः पुनाना ददाना गतिं या ।वरं पश्चिमाब्धि सुखेनोपमेये हतत्वद्य तान् पाप्मनः सन्ति ये मे ॥ ४॥
bhujaṅgaprayātopamā yadgatiryā matiṃ naḥ punānā dadānā gatiṃ yā |varaṃ paścimābdhi sukhenopameye hatatvadya tān pāpmanaḥ santi ye me || 4||
अवरजा वरजातिसुपूजिता द्युमणिजा मणिजातिविभूषिता ।सुतपती तपती पतितान्नतावती सा यशसा पयसान्विता ॥ ५॥
avarajā varajātisupūjitā dyumaṇijā maṇijātivibhūṣitā |sutapatī tapatī patitānnatāvatī sā yaśasā payasānvitā || 5||
या वारयत्याशु यदिन्द्रवज्रलेपोपमं पातकमाप्लवेन ।प्लवेन यज्ञेन तथा गतिर्न यथा नदी राति सहाप्लवेन ॥ ६॥
yā vārayatyāśu yadindravajralepopamaṃ pātakamāplavena |plavena yajñena tathā gatirna yathā nadī rāti sahāplavena || 6||
जगति तपनशीला याहि तापी सुशीला\,चलति भुवि विशाला मुक्तिपानीयशाला ।परिहृतजनकाला खेलदुच्चोर्मिमाला\,निखिलसुकृतपाला पातु नः सूर्यबाला ॥ ७॥
jagati tapanaśīlā yāhi tāpī suśīlā\,calati bhuvi viśālā muktipānīyaśālā |parihṛtajanakālā kheladuccormimālā\,nikhilasukṛtapālā pātu naḥ sūryabālā || 7||
अये तापीहापि प्रशमितभये ते सुखमये\,सदा दत्तात्रेयो निवसति सतिप्रार्पितनये ।न ये त्वां सेवन्ते त इह जनिभाजोऽत्र भजते\,गतिः सद्यो रासीत्यत ऋषिगणस्त्वां हि भजते ॥ ८॥
aye tāpīhāpi praśamitabhaye te sukhamaye\,sadā dattātreyo nivasati satiprārpitanaye |na ye tvāṃ sevante ta iha janibhājo'tra bhajate\,gatiḥ sadyo rāsītyata ṛṣigaṇastvāṃ hi bhajate || 8||
दत्तात्रेयादृतां तापीं पापिनिर्मुक्तिमष्टभिः ।पद्यैस्तुष्टाव सुकृती वासुदेवसरस्वती ॥ ९॥
dattātreyādṛtāṃ tāpīṃ pāpinirmuktimaṣṭabhiḥ |padyaistuṣṭāva sukṛtī vāsudevasarasvatī || 9||
इति श्रीवासुदेवानन्दसरस्वतीविरचितं तापीस्तोत्रं सम्पूर्णम् ।
iti śrīvāsudevānandasarasvatīviracitaṃ tāpīstotraṃ sampūrṇam |
॥ इति तापीस्तोत्रम् सम्पूर्णम् ॥
Recitation complete
- Meaning
- Grammar
Meanings, sources and related recitations appear here once you finish reading.
Questions
How many verses are in Tapi Stotram?
Tapi Stotram has 10 verses on this page, each shown with its number, Devanagari text and transliteration, and meaning where available.
Can I read Tapi Stotram in Telugu, Kannada or Tamil?
Yes. Use the script buttons at the top of the text (देवनागरी, తెలుగు, ಕನ್ನಡ, தமிழ்) to read the same verses in Telugu, Kannada or Tamil script. Turn on IAST for Roman letters with pronunciation marks. Your choice is remembered on this device.
Is there a PDF of Tapi Stotram?
You do not need a PDF: this page has the complete text, kept up to date when corrections are made, in every script and with meanings. Tap Save to keep it in your library and open it any time.
Who composed Tapi Stotram?
vAsudevAnandasarasvatI TembesvAmi.
