गोदास्तुतिः २ Shri Godastuti 2

सर्वं सहे तुलसिमूलकृतावतारेश्रीविष्णुचित्तपरितोषितबाल्यवृत्ते ।श्रीरङ्गराजकरपद्मगृहीतपाणेगोदे नमोऽस्तु सततं जगदम्ब तुभ्यम् ॥ १॥

sarvaṃ sahe tulasimūlakṛtāvatāreśrīviṣṇucittaparitoṣitabālyavṛtte |śrīraṅgarājakarapadmagṛhītapāṇegode namo'stu satataṃ jagadamba tubhyam || 1||

नित्याभूषा निगमशिरसां निःसमोत्तुङ्गवार्ताकान्तो यस्याः कचविलुलितैः कामुको माल्यरत्नैः ।सूक्त्या यस्याः श्रुतिसुभगया सुप्रभाता धरित्रीसैषा देवी सकलजननी सिञ्चतां मामपाङ्गैः ॥ २॥

nityābhūṣā nigamaśirasāṃ niḥsamottuṅgavārtākānto yasyāḥ kacavilulitaiḥ kāmuko mālyaratnaiḥ |sūktyā yasyāḥ śrutisubhagayā suprabhātā dharitrīsaiṣā devī sakalajananī siñcatāṃ māmapāṅgaiḥ || 2||

माता चेत्तुलसी पिता यदि तव श्रीविष्णुचित्तो महान्भ्राता चेद्यतिशेखरः प्रियतमः श्रीरङ्गधामा यदि ।ज्ञातारस्तनयास्त्वदुक्तिसरसस्तन्येन संवर्धितागोदे त्वं हि कथं त्वनन्यविभवा साधारणा श्रीरसि ॥ ३॥

mātā cettulasī pitā yadi tava śrīviṣṇucitto mahānbhrātā cedyatiśekharaḥ priyatamaḥ śrīraṅgadhāmā yadi |jñātārastanayāstvaduktisarasastanyena saṃvardhitāgode tvaṃ hi kathaṃ tvananyavibhavā sādhāraṇā śrīrasi || 3||

कल्पादौ हरिणा स्वयं जनहितं कृष्णेन सर्वात्मनाप्रोक्तं स्वस्य च कीर्तनं प्रपदनं स्वस्मै प्रसूनार्पणम् ।सर्वेषां प्रकटं विधातुमनिशं श्रीधन्विनव्ये पुरेयां तां वैदिकविष्णुचित्ततनयां गोदामुदारां स्तुमः ॥ ४॥

kalpādau hariṇā svayaṃ janahitaṃ kṛṣṇena sarvātmanāproktaṃ svasya ca kīrtanaṃ prapadanaṃ svasmai prasūnārpaṇam |sarveṣāṃ prakaṭaṃ vidhātumaniśaṃ śrīdhanvinavye pureyāṃ tāṃ vaidikaviṣṇucittatanayāṃ godāmudārāṃ stumaḥ || 4||

आकूतस्य परिष्क्रियां निरुपमामासेचनं चक्षुषोःआनन्दांशपरम्परामनुगुणामारामशैलेशितुः ।तद्धीरत्वकिरीटकोटिघटितत्वोच्छिष्टकस्तूरिकामाल्यामोदसमेधितात्मविभवां गोदामुदारां स्तुमः ॥ ५॥

ākūtasya pariṣkriyāṃ nirupamāmāsecanaṃ cakṣuṣoḥānandāṃśaparamparāmanuguṇāmārāmaśaileśituḥ |taddhīratvakirīṭakoṭighaṭitatvocchiṣṭakastūrikāmālyāmodasamedhitātmavibhavāṃ godāmudārāṃ stumaḥ || 5||

इति श्रीगोदास्तुतिः समाप्ता ॥

iti śrīgodāstutiḥ samāptā ||