गोदाष्टोत्तरशतनामस्तोत्रम् Shri Goda Ashtottarashatanamastotram

ध्यानम् ।शतमखमणि नीला चारुकल्हारहस्तास्तनभरनमिताङ्गी सान्द्रवात्सल्यसिन्धुः ।अलकविनिहिताभिः स्रग्भिराकृष्टनाथाविलसतु हृदि गोदा विष्णुचित्तात्मजा नः ॥अथ स्तोत्रम् ।श्रीरङ्गनायकी गोदा विष्णुचित्तात्मजा सती ।गोपीवेषधरा देवी भूसुता भोगशालिनी ॥ १॥

dhyānam |śatamakhamaṇi nīlā cārukalhārahastāstanabharanamitāṅgī sāndravātsalyasindhuḥ |alakavinihitābhiḥ sragbhirākṛṣṭanāthāvilasatu hṛdi godā viṣṇucittātmajā naḥ ||atha stotram |śrīraṅganāyakī godā viṣṇucittātmajā satī |gopīveṣadharā devī bhūsutā bhogaśālinī || 1||

तुलसीकाननोद्भूता श्रीधन्विपुरवासिनी ।भट्टनाथप्रियकरी श्रीकृष्णहितभोगिनी ॥ २॥

tulasīkānanodbhūtā śrīdhanvipuravāsinī |bhaṭṭanāthapriyakarī śrīkṛṣṇahitabhoginī || 2||

आमुक्तमाल्यदा बाला रङ्गनाथप्रिया परा ।विश्वम्भरा कलालापा यतिराजसहोदरी ॥ ३॥

āmuktamālyadā bālā raṅganāthapriyā parā |viśvambharā kalālāpā yatirājasahodarī || 3||

कृष्णानुरक्ता सुभगा सुलभश्रीः सुलक्षणा ।लक्ष्मीप्रियसखी श्यामा दयाञ्चितदृगञ्चला ॥ ४॥

kṛṣṇānuraktā subhagā sulabhaśrīḥ sulakṣaṇā |lakṣmīpriyasakhī śyāmā dayāñcitadṛgañcalā || 4||

फल्गुन्याविर्भवा रम्या धनुर्मासकृतव्रता ।चम्पकाशोकपुन्नागमालतीविलसत्कचा ॥ ५॥

phalgunyāvirbhavā ramyā dhanurmāsakṛtavratā |campakāśokapunnāgamālatīvilasatkacā || 5||

आकारत्रयसम्पन्ना नारायणपदाश्रिता ।श्रीमदष्टाक्षरीमन्त्रराजस्थितमनोरथा ॥ ६॥

ākāratrayasampannā nārāyaṇapadāśritā |śrīmadaṣṭākṣarīmantrarājasthitamanorathā || 6||

मोक्षप्रदाननिपुणा मनुरत्नाधिदेवता ।ब्रह्मण्या लोकजननी लीलामानुषरूपिणी ॥ ७॥

mokṣapradānanipuṇā manuratnādhidevatā |brahmaṇyā lokajananī līlāmānuṣarūpiṇī || 7||

ब्रह्मज्ञानप्रदा माया सच्चिदानन्दविग्रहा ।महापतिव्रता विष्णुगुणकीर्तनलोलुपा ॥ ८॥

brahmajñānapradā māyā saccidānandavigrahā |mahāpativratā viṣṇuguṇakīrtanalolupā || 8||

प्रपन्नार्तिहरा नित्या वेदसौधविहारिणी ।श्रीरङ्गनाथमाणिक्यमञ्जरी मञ्जुभाषिणी ॥ ९॥

prapannārtiharā nityā vedasaudhavihāriṇī |śrīraṅganāthamāṇikyamañjarī mañjubhāṣiṇī || 9||

पद्मप्रिया पद्महस्ता वेदान्तद्वयबोधिनी ।सुप्रसन्ना भगवती श्रीजनार्दनदीपिका ॥ १०॥

padmapriyā padmahastā vedāntadvayabodhinī |suprasannā bhagavatī śrījanārdanadīpikā || 10||

सुगन्धवयवा चारुरङ्गमङ्गलदीपिका ।ध्वजवज्राङ्कुशाब्जाङ्कमृदुपादलताञ्चिता ॥ ११॥

sugandhavayavā cāruraṅgamaṅgaladīpikā |dhvajavajrāṅkuśābjāṅkamṛdupādalatāñcitā || 11||

तारकाकारनखरा प्रवालमृदुलाङ्गुली ।कूर्मोपमेयपादोर्ध्वभागा शोभनपार्ष्णिका ॥ १२॥

tārakākāranakharā pravālamṛdulāṅgulī |kūrmopameyapādordhvabhāgā śobhanapārṣṇikā || 12||

वेदार्थभावतत्त्वज्ञा लोकाराध्याङ्घ्रिपङ्कजा ।आनन्दबुद्बुदाकारसुगुल्फा परमाऽणुका ॥ १३॥

vedārthabhāvatattvajñā lokārādhyāṅghripaṅkajā |ānandabudbudākārasugulphā paramā'ṇukā || 13||

तेजःश्रियोज्ज्वलधृतपादाङ्गुलिसुभूषिता ।मीनकेतनतूणीरचारुजङ्घाविराजिता ॥ १४॥

tejaḥśriyojjvaladhṛtapādāṅgulisubhūṣitā |mīnaketanatūṇīracārujaṅghāvirājitā || 14||

ककुद्वज्जानुयुग्माढ्या स्वर्णरम्भाभसक्थिका ।विशालजघना पीनसुश्रोणी मणिमेखला ॥ १५॥

kakudvajjānuyugmāḍhyā svarṇarambhābhasakthikā |viśālajaghanā pīnasuśroṇī maṇimekhalā || 15||

आनन्दसागरावर्तगम्भीराम्भोजनाभिका ।भास्वद्बलित्रिका चारुजगत्पूर्णमहोदरी ॥ १६॥

ānandasāgarāvartagambhīrāmbhojanābhikā |bhāsvadbalitrikā cārujagatpūrṇamahodarī || 16||

नववल्लीरोमराजी सुधाकुम्भायितस्तनी ।कल्पमालानिभभुजा चन्द्रखण्डनखाञ्चिता ॥ १७॥

navavallīromarājī sudhākumbhāyitastanī |kalpamālānibhabhujā candrakhaṇḍanakhāñcitā || 17||

सुप्रवाशाङ्गुलीन्यस्तमहारत्नाङ्गुलीयका ।नवारुणप्रवालाभपाणिदेशसमञ्चिता ॥ १८॥

supravāśāṅgulīnyastamahāratnāṅgulīyakā |navāruṇapravālābhapāṇideśasamañcitā || 18||

कम्बुकण्ठी सुचुबुका बिम्बोष्ठी कुन्ददन्तयुक् ।कारुण्यरसनिष्यन्दनेत्रद्वयसुशोभिता ॥ १९॥

kambukaṇṭhī sucubukā bimboṣṭhī kundadantayuk |kāruṇyarasaniṣyandanetradvayasuśobhitā || 19||

मुक्ताशुचिस्मिता चारुचाम्पेयनिभनासिका ।दर्पणाकारविपुलकपोलद्वितयाञ्चिता ॥ २०॥

muktāśucismitā cārucāmpeyanibhanāsikā |darpaṇākāravipulakapoladvitayāñcitā || 20||

अनन्तार्कप्रकाशोद्यन्मणिताटङ्कशोभिता ।कोटिसूर्याग्निसङ्काशनानाभूषणभूषिता ॥ २१॥

anantārkaprakāśodyanmaṇitāṭaṅkaśobhitā |koṭisūryāgnisaṅkāśanānābhūṣaṇabhūṣitā || 21||

सुगन्धवदना सुभ्रू अर्धचन्द्रललाटिका ।पूर्णचन्द्रानना नीलकुटिलालकशोभिता ॥ २२॥

sugandhavadanā subhrū ardhacandralalāṭikā |pūrṇacandrānanā nīlakuṭilālakaśobhitā || 22||

सौन्दर्यसीमा विलसत्कस्तूरीतिलकोज्ज्वला ।धगद्धगायमानोद्यन्मणिसीमन्तभूषणा ॥ २३॥

saundaryasīmā vilasatkastūrītilakojjvalā |dhagaddhagāyamānodyanmaṇisīmantabhūṣaṇā || 23||

जाज्वल्यमालसद्रत्नदिव्यचूडावतंसका ।सूर्यार्धचन्द्रविलसत्भूषणाञ्चितवेणिका ॥ २४॥

jājvalyamālasadratnadivyacūḍāvataṃsakā |sūryārdhacandravilasatbhūṣaṇāñcitaveṇikā || 24||

अत्यर्कानलतेजोधिमणिकञ्चुकधारिणी ।सद्रत्नाञ्चितविद्योतविद्युत्कुञ्जाभशाटिका ॥ २५॥

atyarkānalatejodhimaṇikañcukadhāriṇī |sadratnāñcitavidyotavidyutkuñjābhaśāṭikā || 25||

नानामणिगणाकीर्णहेमाङ्गदसुभूषिता ।कुङ्कुमागरुकस्तूरीदिव्यचन्दनचर्चिता ॥ २६॥

nānāmaṇigaṇākīrṇahemāṅgadasubhūṣitā |kuṅkumāgarukastūrīdivyacandanacarcitā || 26||

स्वोचितौज्ज्वल्यविविधविचित्रमणिहारिणी ।असङ्ख्येयसुखस्पर्शसर्वातिशयभूषणा ॥ २७॥

svocitaujjvalyavividhavicitramaṇihāriṇī |asaṅkhyeyasukhasparśasarvātiśayabhūṣaṇā || 27||

मल्लिकापारिजातादि दिव्यपुष्पस्रगञ्चिता ।श्रीरङ्गनिलया पूज्या दिव्यदेशसुशोभिता ॥ २८॥

mallikāpārijātādi divyapuṣpasragañcitā |śrīraṅganilayā pūjyā divyadeśasuśobhitā || 28||

॥ इति श्रीगोदाष्टोत्तरशतनामस्तोत्रं सम्पूर्णम् ॥

|| iti śrīgodāṣṭottaraśatanāmastotraṃ sampūrṇam ||