कृष्णापञ्चकस्तोत्रम् Shri Krishna Panchaka Stotram

कृष्णा नः पातु तृष्णाहरमधुररसा चिद्रसासारसाक्षीसाक्षीभूता नतानां निखिलमलहरा या हरानन्तमूर्तिः ।जूर्तिघ्नी भीतिनिघ्नी सकलहितरता तारतम्यव्यतीताऽतीतावाक्चित्तमार्गं जगति गतिदयत्ख्यातिरेषा विशेषा ॥ १॥

kṛṣṇā naḥ pātu tṛṣṇāharamadhurarasā cidrasāsārasākṣīsākṣībhūtā natānāṃ nikhilamalaharā yā harānantamūrtiḥ |jūrtighnī bhītinighnī sakalahitaratā tāratamyavyatītā'tītāvākcittamārgaṃ jagati gatidayatkhyātireṣā viśeṣā || 1||

कृष्णावेणी सतततरुणी वीक्षिता मध्यनीवृद्योषा वेषा सुषुमवपुषा भासमाना समाना ।मानातीतापि भजतां दृश्यतां याति मातामाता पादेरित उपरि परिक्रान्तिवार्ता मयीह ॥ २॥

kṛṣṇāveṇī satatataruṇī vīkṣitā madhyanīvṛdyoṣā veṣā suṣumavapuṣā bhāsamānā samānā |mānātītāpi bhajatāṃ dṛśyatāṃ yāti mātāmātā pāderita upari parikrāntivārtā mayīha || 2||

तव गुणगणं वारं वारं सुधारुचिरं चिरेभगवति सति स्मारं स्मारं परं त्ववरं वरम् ।न लषति मतिः सारं सारं विचार्य परावरंलषति म इतो दूरं दूरं प्रदर्शय तं परम् ॥ ३॥

tava guṇagaṇaṃ vāraṃ vāraṃ sudhāruciraṃ cirebhagavati sati smāraṃ smāraṃ paraṃ tvavaraṃ varam |na laṣati matiḥ sāraṃ sāraṃ vicārya parāvaraṃlaṣati ma ito dūraṃ dūraṃ pradarśaya taṃ param || 3||

कृष्णे कृष्णतनो मनोहरकथे नाथेश्वरि प्रार्थयेदत्तं दत्तपदं प्रदर्शय परं नातो वरं त्वर्थये ।अन्यं योऽटति ते तटे नट इवानेकाङ्गधारी हरिःसंसारारिररिन्दमः शमपरः साक्षाद्य आत्मा विभुः ॥ ४॥

kṛṣṇe kṛṣṇatano manoharakathe nātheśvari prārthayedattaṃ dattapadaṃ pradarśaya paraṃ nāto varaṃ tvarthaye |anyaṃ yo'ṭati te taṭe naṭa ivānekāṅgadhārī hariḥsaṃsārārirarindamaḥ śamaparaḥ sākṣādya ātmā vibhuḥ || 4||

प्रत्यक्प्रवाहितखहृत्सु महत्सु देवउद्यन्स्वयं हरति हार्दतमः स एव ।तीरे भ्रमत्यनुदिनं तव भावगम्यस्तं दर्शयाद्य कृपयाप्यनुपाधिगम्यम् ॥ ५॥

pratyakpravāhitakhahṛtsu mahatsu devaudyansvayaṃ harati hārdatamaḥ sa eva |tīre bhramatyanudinaṃ tava bhāvagamyastaṃ darśayādya kṛpayāpyanupādhigamyam || 5||

इति श्रीवासुदेवानन्दसरस्वतीविरचितं श्रीकृष्णापञ्चकं सम्पूर्णम् ।

iti śrīvāsudevānandasarasvatīviracitaṃ śrīkṛṣṇāpañcakaṃ sampūrṇam |