नदीस्तोत्रम् Nadi Stotram

नदी स्तोत्रं प्रवक्ष्यामि सर्वपापप्रणाशनम् ।भागीरथी वारणासी यमुना च सरस्वती ॥ १॥

nadī stotraṃ pravakṣyāmi sarvapāpapraṇāśanam |bhāgīrathī vāraṇāsī yamunā ca sarasvatī || 1||

फल्गुनी शोणभद्रा च नर्मदा गण्डकी तथा ।मणिकर्णिका गोमती प्रयागी च पुनः पुनी ॥ २॥

phalgunī śoṇabhadrā ca narmadā gaṇḍakī tathā |maṇikarṇikā gomatī prayāgī ca punaḥ punī || 2||

गोदावरी सिन्धुनदी सरयूर्वर्णिनी तथा ।कृष्णवेणी भीमरथी खागिनी भवनाशिनी ॥ ३॥

godāvarī sindhunadī sarayūrvarṇinī tathā |kṛṣṇaveṇī bhīmarathī khāginī bhavanāśinī || 3||

तुङ्गभद्रा मलहरी वरदा च कुमुद्वती ।कावेरी कपिला कुन्ती हेमावती हरिद्वती ॥ ४॥

tuṅgabhadrā malaharī varadā ca kumudvatī |kāverī kapilā kuntī hemāvatī haridvatī || 4||

नेत्रावती वेदवती सुद्योती कनकावती ।ताम्रपर्णी भरद्वाजा श्वेता रामेश्वरी कुशा ॥ ५॥

netrāvatī vedavatī sudyotī kanakāvatī |tāmraparṇī bharadvājā śvetā rāmeśvarī kuśā || 5||

मन्दरी तपती काली कालिन्दी जाह्नवी तथा ।कौमोदकी कुरुक्षेत्रा गोविन्दा द्वारकी भवेत् ॥ ६॥

mandarī tapatī kālī kālindī jāhnavī tathā |kaumodakī kurukṣetrā govindā dvārakī bhavet || 6||

ब्राह्मी माहेश्वरी मात्रा इन्द्राणी अत्रिणी तथा ।नलिनी नन्दिनी सीता मालती च मलापहा ॥ ७॥

brāhmī māheśvarī mātrā indrāṇī atriṇī tathā |nalinī nandinī sītā mālatī ca malāpahā || 7||

सम्भूता वैष्णवी वेणी त्रिपथा भोगवती तथा ।कमण्डलु धनुष्कोटी तपिनी गौतमी तथा ॥ ८॥

sambhūtā vaiṣṇavī veṇī tripathā bhogavatī tathā |kamaṇḍalu dhanuṣkoṭī tapinī gautamī tathā || 8||

नारदी च नदी पूर्णा सर्वनद्यः प्रकीर्तिताः ।प्रातःकाले पठेन्नित्यं स्नानकाले विशेषतः ॥ ९॥

nāradī ca nadī pūrṇā sarvanadyaḥ prakīrtitāḥ |prātaḥkāle paṭhennityaṃ snānakāle viśeṣataḥ || 9||

कोटिजन्मार्जितं पापं स्मरणेन विनश्यति ।इहलोके सुखी भूत्वा विष्णुलोकं सगच्छति ॥ १०॥

koṭijanmārjitaṃ pāpaṃ smaraṇena vinaśyati |ihaloke sukhī bhūtvā viṣṇulokaṃ sagacchati || 10||

॥ इति नारदीयपुराणे नदीस्तोत्रं सम्पूर्णम् ॥

|| iti nāradīyapurāṇe nadīstotraṃ sampūrṇam ||