नर्मदासहस्रनामस्तोत्रम् १ Narmadasahasranamastotram

श्री गुरुभ्यो नमः ।ॐ श्री गणेशाय नमः ।श्री नर्मदायै नमः ।विनियोगःअस्य श्रीनर्मदासहस्रनामस्तोत्रमालामन्त्रस्य रुद्र ऋषिर्विराट्छन्दःश्रीनर्मदादेवता ह्रीं बीजं श्रीशक्तिः स्वाहाकीलकंश्रीनर्मदाप्रसादसिद्ध्यर्थे पठने पूजने सहस्रार्चने च विनियोगः ।ऋष्यादि न्यासःरुद्रऋषये नमः । शिरसिविराट्छन्दसे नमः । मुखेश्रीनर्मदादेवतायै नमः । हृदयेह्रीं बीजायै नमः । गुह्येश्रीं शक्तये नमः । पादयोःस्वाहा कीलकाय नमः । नाभौश्रीनर्मदाप्रसादसिद्धयर्थे विनियोगाय नमः । सर्वाङ्गेकराङ्गन्यासःॐ ह्रीं श्रीं नर्मदायै स्वाहा इति नवार्णमन्त्रणे ।अथवाॐ नमः अङ्गुष्ठाभ्यां नमः । हृदयाय नमः ।ह्रीं नमः तर्जनीभ्यां नमः । शिरसे स्वाहा ।ॐ नमः मध्यमाभ्यां नमः । शिखायै वषट् ।नर्मदायै नमः अनामिकाभ्यां नमः । कवचाय हुम् ।स्वाहा नमः कनिष्ठिकाभ्यां नमः । नेत्रत्रयाय वौषट् ।ॐ ह्रीं श्रीं नर्मदायै स्वाहाकरतलकरपृष्ठाभ्यां नमः । अस्त्राय फट् ।मूलेन त्रिर्व्यापकम् ।ध्यानम्ध्याये श्री सिद्धनाथां गणवहसरितां नर्मदां शर्म्मदात्रींश्यामां बालेव नीलाम्बरमुखनयनाम्भोजयुग्मैकमिन्दुम् ।चूडाञ्चाभीतिमालां वरजलकरकां हस्तयुग्मे दधानांतीर्थस्थां छत्रहस्तां झषवरनृपगां देशिकस्यासनाग्रे ॥ १॥

śrī gurubhyo namaḥ |oṃ śrī gaṇeśāya namaḥ |śrī narmadāyai namaḥ |viniyogaḥasya śrīnarmadāsahasranāmastotramālāmantrasya rudra ṛṣirvirāṭchandaḥśrīnarmadādevatā hrīṃ bījaṃ śrīśaktiḥ svāhākīlakaṃśrīnarmadāprasādasiddhyarthe paṭhane pūjane sahasrārcane ca viniyogaḥ |ṛṣyādi nyāsaḥrudraṛṣaye namaḥ | śirasivirāṭchandase namaḥ | mukheśrīnarmadādevatāyai namaḥ | hṛdayehrīṃ bījāyai namaḥ | guhyeśrīṃ śaktaye namaḥ | pādayoḥsvāhā kīlakāya namaḥ | nābhauśrīnarmadāprasādasiddhayarthe viniyogāya namaḥ | sarvāṅgekarāṅganyāsaḥoṃ hrīṃ śrīṃ narmadāyai svāhā iti navārṇamantraṇe |athavāoṃ namaḥ aṅguṣṭhābhyāṃ namaḥ | hṛdayāya namaḥ |hrīṃ namaḥ tarjanībhyāṃ namaḥ | śirase svāhā |oṃ namaḥ madhyamābhyāṃ namaḥ | śikhāyai vaṣaṭ |narmadāyai namaḥ anāmikābhyāṃ namaḥ | kavacāya hum |svāhā namaḥ kaniṣṭhikābhyāṃ namaḥ | netratrayāya vauṣaṭ |oṃ hrīṃ śrīṃ narmadāyai svāhākaratalakarapṛṣṭhābhyāṃ namaḥ | astrāya phaṭ |mūlena trirvyāpakam |dhyānamdhyāye śrī siddhanāthāṃ gaṇavahasaritāṃ narmadāṃ śarmmadātrīṃśyāmāṃ bāleva nīlāmbaramukhanayanāmbhojayugmaikamindum |cūḍāñcābhītimālāṃ varajalakarakāṃ hastayugme dadhānāṃtīrthasthāṃ chatrahastāṃ jhaṣavaranṛpagāṃ deśikasyāsanāgre || 1||

नर्मदे हरसम्भूते हरलिङ्गार्चनप्रिये ।हरलिङ्गाञ्चिततटे जयाघं हर नर्मदे ॥ २॥

narmade harasambhūte haraliṅgārcanapriye |haraliṅgāñcitataṭe jayāghaṃ hara narmade || 2||

इति ध्यात्वा यन्त्रेऽथवा प्रवाहे मानसोपचारैः सम्पूज्यनामस्तोत्रपाठं प्रत्येक नाममन्त्रेण पूजनंवा समाचरेत्\, यन्त्रस्वरूपं यथाश्रीनर्मदायै नमः ।अथ सहस्रनामस्तोत्रम् ।नर्मदा नमनीया च नगेज्या नगरेश्वरी ।नगमालावृततटा नगेन्द्रोदरसंसृता ॥ १॥

iti dhyātvā yantre'thavā pravāhe mānasopacāraiḥ sampūjyanāmastotrapāṭhaṃ pratyeka nāmamantreṇa pūjanaṃvā samācaret\, yantrasvarūpaṃ yathāśrīnarmadāyai namaḥ |atha sahasranāmastotram |narmadā namanīyā ca nagejyā nagareśvarī |nagamālāvṛtataṭā nagendrodarasaṃsṛtā || 1||

नदीशसङ्गता नन्दा नन्दिवाहनसन्नता ।नरेन्द्रमालिनी नव्या नक्रास्या नर्मभाषिणी ॥ २॥

nadīśasaṅgatā nandā nandivāhanasannatā |narendramālinī navyā nakrāsyā narmabhāṣiṇī || 2||

नरार्तिघ्ना नरेशानी नरान्तकभयापहा ।नरकासुरहन्त्री च नक्रवाहनशोभना ॥ ३॥

narārtighnā nareśānī narāntakabhayāpahā |narakāsurahantrī ca nakravāhanaśobhanā || 3||

नरप्रिया नरेन्द्राणी नरसौख्यविवर्धिनी ।नमोरूपा च नक्रेशी नगजा नटनप्रिया ॥ ४॥

narapriyā narendrāṇī narasaukhyavivardhinī |namorūpā ca nakreśī nagajā naṭanapriyā || 4||

नन्दिकेश्वरसम्मान्या नन्दिकेशानमोहिनी ।नारायणी नागकन्या नारायणपरायणा ॥ ५॥

nandikeśvarasammānyā nandikeśānamohinī |nārāyaṇī nāgakanyā nārāyaṇaparāyaṇā || 5||

नागसन्धारिणी नारी नागास्या नागवल्लभा ।नाकिनी नाकगमना नारिकेलफलप्रिया ॥ ६॥

nāgasandhāriṇī nārī nāgāsyā nāgavallabhā |nākinī nākagamanā nārikelaphalapriyā || 6||

नादेयजलसंवासा नाविकैरभिसंश्रिता ।निराकारा निरालम्बा निरीहा च निरञ्जना ॥ ७॥

nādeyajalasaṃvāsā nāvikairabhisaṃśritā |nirākārā nirālambā nirīhā ca nirañjanā || 7||

नित्यानन्दा निर्विकारा निःशङ्का निश्रयात्मिका ।नित्यरूपा निःस्पृहा च निर्लोभा निष्कलेश्वरी ॥ ८॥

nityānandā nirvikārā niḥśaṅkā niśrayātmikā |nityarūpā niḥspṛhā ca nirlobhā niṣkaleśvarī || 8||

निर्लेपा निश्चला नित्या निर्धूताननुमोदिनी ।निर्मला निर्मलगतिर्निरामयसुवारिणी ॥ ९॥

nirlepā niścalā nityā nirdhūtānanumodinī |nirmalā nirmalagatirnirāmayasuvāriṇī || 9||

नितम्बिनी च निर्दंष्ट्रा निर्धनत्वनिवारिणी ।निर्विकारा निश्चयिनी निर्भ्रमा निर्जरार्थदा ॥ १०॥

nitambinī ca nirdaṃṣṭrā nirdhanatvanivāriṇī |nirvikārā niścayinī nirbhramā nirjarārthadā || 10||

निष्कलङ्का निर्जरा च निर्दोषा निर्झरा निजा ।निशुम्भशुम्भदमनी निघ्ननिग्रहकारिणी ॥ ११॥

niṣkalaṅkā nirjarā ca nirdoṣā nirjharā nijā |niśumbhaśumbhadamanī nighnanigrahakāriṇī || 11||

नीपप्रिया नीपरता नीचाचरणनिर्दया ।नीलक्रान्ता नीरवाहा नीलालकविलासिनी ॥ १२॥

nīpapriyā nīparatā nīcācaraṇanirdayā |nīlakrāntā nīravāhā nīlālakavilāsinī || 12||

नुतिपात्रा नुतिप्रिया नुतपापनिवारिणी ।नूतनालङ्कारसन्धात्री नूपुराभरणप्रिया ॥ १३॥

nutipātrā nutipriyā nutapāpanivāriṇī |nūtanālaṅkārasandhātrī nūpurābharaṇapriyā || 13||

नेपथ्यरञ्जिता नेत्री नेदीयःस्वरभाजिनी ।नैसर्गिकानन्ददात्री नैरुज्यकारिवारिणी ॥ १४॥

nepathyarañjitā netrī nedīyaḥsvarabhājinī |naisargikānandadātrī nairujyakārivāriṇī || 14||

नन्दवर्धिनी नन्दयित्री नन्दकी नन्दरूपिणी ।परमा परमेशाना पराधारा परमेश्वरी ॥ १५॥

nandavardhinī nandayitrī nandakī nandarūpiṇī |paramā parameśānā parādhārā parameśvarī || 15||

पद्माभा पद्यनयना पद्मा पद्मदलप्रिया ।पद्माक्षी पद्मवदना पद्ममालाविमूषिणी ॥ १६॥

padmābhā padyanayanā padmā padmadalapriyā |padmākṣī padmavadanā padmamālāvimūṣiṇī || 16||

पक्षाधारा पक्षिणी च पक्षेज्या परमेश्वरी ।पशुप्रिया पशुरता पयःसम्मोहकारिणी ॥ १७॥

pakṣādhārā pakṣiṇī ca pakṣejyā parameśvarī |paśupriyā paśuratā payaḥsammohakāriṇī || 17||

पथिप्रिया पथिरता पथिनी पथिरक्षिणी ।पङ्ककर्करकूला च पङ्कग्राहसुसंयुता ॥ १८॥

pathipriyā pathiratā pathinī pathirakṣiṇī |paṅkakarkarakūlā ca paṅkagrāhasusaṃyutā || 18||

प्रभावती प्रगल्भा च प्रभाजितजगत्तमा ।अकृत्रिमप्रभारूपा परब्रह्मस्वरूपिणी ॥ १९॥

prabhāvatī pragalbhā ca prabhājitajagattamā |akṛtrimaprabhārūpā parabrahmasvarūpiṇī || 19||

पापात्मानां पावयित्री पापजालनिवारिणी ।पाकशासनवन्द्या च पापसन्तापहारिणी ॥ २०॥

pāpātmānāṃ pāvayitrī pāpajālanivāriṇī |pākaśāsanavandyā ca pāpasantāpahāriṇī || 20||

पिकरूपा पिकेशी च पिकवाक् पिकवल्लभा ।पीयूषाढ्यप्रपानीया पीतश्वेतादिवर्णिनी ॥ २१॥

pikarūpā pikeśī ca pikavāk pikavallabhā |pīyūṣāḍhyaprapānīyā pītaśvetādivarṇinī || 21||

पुरन्दरी पुण्ड्रधारी पुरुहूताभिवन्दिता ।पुण्डरीकविशालाक्षी पुरुषार्थप्रदायिनी ॥ २२॥

purandarī puṇḍradhārī puruhūtābhivanditā |puṇḍarīkaviśālākṣī puruṣārthapradāyinī || 22||

पूता पूतोदका पूर्णा पूर्वगङ्गा च पूरिता ।पञ्चमी पञ्चप्रेमा च पण्डिता पङ्कजेश्वरी ॥ २३॥

pūtā pūtodakā pūrṇā pūrvagaṅgā ca pūritā |pañcamī pañcapremā ca paṇḍitā paṅkajeśvarī || 23||

फलदा फलरूपा च फलेज्या फलवर्धिनी ।फणिपाला फलेशी च फलावर्ज्या फणिप्रिया ॥ २४॥

phaladā phalarūpā ca phalejyā phalavardhinī |phaṇipālā phaleśī ca phalāvarjyā phaṇipriyā || 24||

बला बाला ब्रह्मरूपा ब्रह्मविष्णुशिवात्मिका ।बदरीफलसन्दोहसंस्थिता बदरीप्रिया ॥ २५॥

balā bālā brahmarūpā brahmaviṣṇuśivātmikā |badarīphalasandohasaṃsthitā badarīpriyā || 25||

बदर्याश्रमसंस्था च बकदाल्भ्यप्रपूजिता ।बदरीफलसंस्नेहा बदरीफलतोषिणी ॥ २६॥

badaryāśramasaṃsthā ca bakadālbhyaprapūjitā |badarīphalasaṃsnehā badarīphalatoṣiṇī || 26||

बदरीफलसम्पूज्या बदरीफलभाविता ।बर्हिभीरञ्जिता चैव वहुला वहुमार्गगा ॥ २७॥

badarīphalasampūjyā badarīphalabhāvitā |barhibhīrañjitā caiva vahulā vahumārgagā || 27||

बाहुदण्डविलासिनी ब्राह्मी बुद्धिविवर्धिनी ।भवानी भयहर्त्री च भवपाशविमोचिनी ॥ २८॥

bāhudaṇḍavilāsinī brāhmī buddhivivardhinī |bhavānī bhayahartrī ca bhavapāśavimocinī || 28||

भस्मचन्दनसंयुक्ता भयशोकविनाशिनी ।भगा भगवती भव्या भगेज्या भगपूजिता ॥ २९॥

bhasmacandanasaṃyuktā bhayaśokavināśinī |bhagā bhagavatī bhavyā bhagejyā bhagapūjitā || 29||

भावुका भास्वती भामा भ्रामरी भासकारिणी ।भारद्वाजर्षिसम्पूज्या भासुरा भानुपूजिता ॥ ३०॥

bhāvukā bhāsvatī bhāmā bhrāmarī bhāsakāriṇī |bhāradvājarṣisampūjyā bhāsurā bhānupūjitā || 30||

भालिनी भार्गवी भासा भास्करानन्ददायिनी ।भिक्षुप्रिया भिक्षुपाला भिक्षुवृन्दसुवन्दिता ॥ ३१॥

bhālinī bhārgavī bhāsā bhāskarānandadāyinī |bhikṣupriyā bhikṣupālā bhikṣuvṛndasuvanditā || 31||

भीषणा भीमशौर्या च भीतिदा भीतिहारिणी ।भुजगेन्द्रशयप्रीता भुविष्ठा भुवनेश्वरी ॥ ३२॥

bhīṣaṇā bhīmaśauryā ca bhītidā bhītihāriṇī |bhujagendraśayaprītā bhuviṣṭhā bhuvaneśvarī || 32||

भूतात्मिका भूतपाला भूतिदा भूतलेश्वरी ।भूतभव्यात्मिका भूरिदा भूर्भूरिवारिणी । ३३॥

bhūtātmikā bhūtapālā bhūtidā bhūtaleśvarī |bhūtabhavyātmikā bhūridā bhūrbhūrivāriṇī | 33||

भूमिभोगरता भुमिर्भूमिस्था भूधरात्मजा ।भूतनाथसदाप्रीता भूतनाथसुपूजिता ॥ ३४॥

bhūmibhogaratā bhumirbhūmisthā bhūdharātmajā |bhūtanāthasadāprītā bhūtanāthasupūjitā || 34||

भूदेवार्चितपादाब्जा भूधरावृतसत्तटा ।भूतप्रिया भूपश्रीर्भूपरक्षिणी भूरिभूषणा ॥ ३५॥

bhūdevārcitapādābjā bhūdharāvṛtasattaṭā |bhūtapriyā bhūpaśrīrbhūparakṣiṇī bhūribhūṣaṇā || 35||

भृशप्रवाहा भृतिदा भृतकाशाप्रपूरिता ।भेदयित्री भेदकर्त्री भेदाभेदविवर्जिता ॥ ३६॥

bhṛśapravāhā bhṛtidā bhṛtakāśāprapūritā |bhedayitrī bhedakartrī bhedābhedavivarjitā || 36||

भैरवप्रीतिपात्री च भैरवानन्दवर्धिनी ।भोगिनी भोगदात्री च भोगकृद्भोगवर्धिनी ॥ ३७॥

bhairavaprītipātrī ca bhairavānandavardhinī |bhoginī bhogadātrī ca bhogakṛdbhogavardhinī || 37||

भौमप्राणिहिताकाङ्क्षी भौमौषधिविवर्धिनी ।महामाया महादेवी महिला च महेश्वरी ॥ ३८॥

bhaumaprāṇihitākāṅkṣī bhaumauṣadhivivardhinī |mahāmāyā mahādevī mahilā ca maheśvarī || 38||

महामोहापहन्त्री च महायोगपरायणा ।मखानुकूला मखिनी मखभूस्तरभूषणा ॥ ३९॥

mahāmohāpahantrī ca mahāyogaparāyaṇā |makhānukūlā makhinī makhabhūstarabhūṣaṇā || 39||

मनस्विनी महाप्रज्ञा मनोज्ञा मनोमोहिनी ।मनश्चाञ्चल्यसंहर्त्री मनोमलविनाशिनी ॥ ४०॥

manasvinī mahāprajñā manojñā manomohinī |manaścāñcalyasaṃhartrī manomalavināśinī || 40||

मदहन्त्री मथुमती मधुरा मदिरेक्षणा ।मणिप्रिया मनःसंस्था मदनायुधरूपिणी ॥ ४१॥ वर् मनीषिणी

madahantrī mathumatī madhurā madirekṣaṇā |maṇipriyā manaḥsaṃsthā madanāyudharūpiṇī || 41|| var manīṣiṇī

मत्स्योदरी महागर्ता मकरावासरूपिणी ।मानिनी मानदा मान्या मानैक्या मानमानिनी ॥ ४२॥

matsyodarī mahāgartā makarāvāsarūpiṇī |māninī mānadā mānyā mānaikyā mānamāninī || 42||

मार्गदा मार्जनरता मार्गिणी २०० मार्गणप्रिया ।मितामितस्वरूपिणी मिहिका मिहिरप्रिया ॥ ४३॥

mārgadā mārjanaratā mārgiṇī 200 mārgaṇapriyā |mitāmitasvarūpiṇī mihikā mihirapriyā || 43||

मीढुष्टमस्तुतपदा मीढुष्टा मीरगामिनी ।मुक्तप्रवाहा मुखरा मुक्तिदा मुनिसेबिता ॥ ४४॥

mīḍhuṣṭamastutapadā mīḍhuṣṭā mīragāminī |muktapravāhā mukharā muktidā munisebitā || 44||

मूल्यवद्वस्तुगर्भा च मूलिका मूर्तरूपिणी ।मृगदृष्टिर्मृदुरवा मृतसञ्जीववारिणी ॥ ४५॥

mūlyavadvastugarbhā ca mūlikā mūrtarūpiṇī |mṛgadṛṣṭirmṛduravā mṛtasañjīvavāriṇī || 45||

मेधाविनी मेघपुष्टिर्मेघमानातिगामिनी ।मोहिनी मोहहन्त्री च मोदिनी मोक्षदायिनी ॥ ४६॥

medhāvinī meghapuṣṭirmeghamānātigāminī |mohinī mohahantrī ca modinī mokṣadāyinī || 46||

मन्त्ररूपा मन्त्रगर्भा मन्त्रविज्जनसेविता ।यक्षिणी यक्षपाला च यक्षप्रीतिविवद्धिनी ॥ ४७॥

mantrarūpā mantragarbhā mantravijjanasevitā |yakṣiṇī yakṣapālā ca yakṣaprītivivaddhinī || 47||

यक्षवारणदक्षा च यक्षसम्मोहकारिणी ।यशोधरा यशोदा च यदुनाथविमोहिनी ॥ ४८॥

yakṣavāraṇadakṣā ca yakṣasammohakāriṇī |yaśodharā yaśodā ca yadunāthavimohinī || 48||