गङ्गाकवचम् १ Gangakavacham

नारद उवाचब्रह्मन् ! केन विधानेन सर्वपापक्षयो भवेत् ।कथं रक्षेत्सुरश्रेष्ठ साधकानां सुरापगा ॥ १॥

nārada uvācabrahman ! kena vidhānena sarvapāpakṣayo bhavet |kathaṃ rakṣetsuraśreṣṭha sādhakānāṃ surāpagā || 1||

ब्रह्मोवाचसाधु साधु त्वया पुत्र ! साधु कर्म प्रकाशितम् ।कवचं जह्नुकन्याया त्रिषु लोकेषु दुर्लभम् ॥ २॥

brahmovācasādhu sādhu tvayā putra ! sādhu karma prakāśitam |kavacaṃ jahnukanyāyā triṣu lokeṣu durlabham || 2||

अप्रकाश्यं च यद्गोप्यमतस्तत्त्ववधार्यताम् ।अस्य श्री गङ्गाकवचमन्त्रस्य नारायणऋषिरनुष्टुप्छन्दःसर्वतीर्थोत्तमा गङ्गादेवता गं बीजं गाः शक्तिः अव्यक्तं कीलकंश्रीगङ्गाप्रसादसिद्।ह्ध्यर्थे जपे विनियोगः ।अथ ध्यानंशुभ्राम्भोजशशिप्रभां शशिमुखीं स्वक्षाम्बुजाक्षीं परांमुक्ताहारलसत्कुचां मणिमयैराभूषितां भूषणैः ।कञ्जस्वर्णघटीवराभयकरां श्वेताम्बराडम्बरांपद्मोत्पीठगतां सुधासमुदितां श्रीदेवभूषां भजे ॥ १॥

aprakāśyaṃ ca yadgopyamatastattvavadhāryatām |asya śrī gaṅgākavacamantrasya nārāyaṇaṛṣiranuṣṭupchandaḥsarvatīrthottamā gaṅgādevatā gaṃ bījaṃ gāḥ śaktiḥ avyaktaṃ kīlakaṃśrīgaṅgāprasādasid|hdhyarthe jape viniyogaḥ |atha dhyānaṃśubhrāmbhojaśaśiprabhāṃ śaśimukhīṃ svakṣāmbujākṣīṃ parāṃmuktāhāralasatkucāṃ maṇimayairābhūṣitāṃ bhūṣaṇaiḥ |kañjasvarṇaghaṭīvarābhayakarāṃ śvetāmbarāḍambarāṃpadmotpīṭhagatāṃ sudhāsamuditāṃ śrīdevabhūṣāṃ bhaje || 1||

वन्दे देवतरङ्गिणीं प्रतिदिनं ब्रह्माण्डमाखण्डिनींशम्भोर्मस्तकमण्डिनीं मुररिपोरङ्घ्य्म्बुजासेविनीम् ।कल्याणोत्सवकारिणीं कलिमलोन्मूलत्वनिर्मूलिनीमोक्षद्वारकपाटपाटनकरीं नित्यं चिदानन्दिनी ॥ २॥

vande devataraṅgiṇīṃ pratidinaṃ brahmāṇḍamākhaṇḍinīṃśambhormastakamaṇḍinīṃ murariporaṅghymbujāsevinīm |kalyāṇotsavakāriṇīṃ kalimalonmūlatvanirmūlinīmokṣadvārakapāṭapāṭanakarīṃ nityaṃ cidānandinī || 2||

अथ कवचंशिरो मे पातु सा गङ्गा दिव्याच्युताङ्घ्रिच्युता ।भालं भागीरथी पातु नेत्रे च जह्नुनन्दिनी ॥ ३॥

atha kavacaṃśiro me pātu sā gaṅgā divyācyutāṅghricyutā |bhālaṃ bhāgīrathī pātu netre ca jahnunandinī || 3||

श्रुती मे जाह्नवी पातु घ्राणयुग्मं सुरापगा ।रसनां पातु मे नित्यं गङ्गा पापप्रणाशिनी ॥ ४॥

śrutī me jāhnavī pātu ghrāṇayugmaṃ surāpagā |rasanāṃ pātu me nityaṃ gaṅgā pāpapraṇāśinī || 4||

वदनं सकलं पातु सदा मन्दाकिनी मम ।स्कन्धौ पातु च मे बाहू गङ्गा सागरगामिनी ॥ ५॥

vadanaṃ sakalaṃ pātu sadā mandākinī mama |skandhau pātu ca me bāhū gaṅgā sāgaragāminī || 5||

करौ रक्षतु सा गङ्गा शम्भुमस्तकमण्डिनी ।हृदयं नाभिमध्यं च पातु देवनदी मम ॥ ६॥

karau rakṣatu sā gaṅgā śambhumastakamaṇḍinī |hṛdayaṃ nābhimadhyaṃ ca pātu devanadī mama || 6||

कटिद्वयं सदा पातु ब्रह्माण्डखण्डिनी मम ।जानुनी जह्नुजा पातु पायादूरूं त्रिमार्गगा ॥ ७॥

kaṭidvayaṃ sadā pātu brahmāṇḍakhaṇḍinī mama |jānunī jahnujā pātu pāyādūrūṃ trimārgagā || 7||

गुल्फयुग्मं सदा पातु सा मे शर्मप्रदायिनी ।प्रपदं पातु मे नित्यं कलिकल्मषनाशिनी ॥ ८॥

gulphayugmaṃ sadā pātu sā me śarmapradāyinī |prapadaṃ pātu me nityaṃ kalikalmaṣanāśinī || 8||

काशीतलगता या च कालिन्दीसङ्गमा च या ।सा पातु मम सर्वाङ्गं गङ्गा गगनमेखला ॥ ९॥

kāśītalagatā yā ca kālindīsaṅgamā ca yā |sā pātu mama sarvāṅgaṃ gaṅgā gaganamekhalā || 9||

निर्जरैर्वन्दिता या च चतुर्वर्गफलप्रदा ।तस्या इदं च गङ्गायाः कवचं परमाद्भुतम् ॥ १०॥

nirjarairvanditā yā ca caturvargaphalapradā |tasyā idaṃ ca gaṅgāyāḥ kavacaṃ paramādbhutam || 10||

अथ फलश्रुतिःअनन्तव्याधिविध्वंसि कीर्तिबुद्धिप्रवर्द्धनम् ।शोकदुःखप्रशमनं सर्वरक्षाकरं नृणाम् ॥ ११॥

atha phalaśrutiḥanantavyādhividhvaṃsi kīrtibuddhipravarddhanam |śokaduḥkhapraśamanaṃ sarvarakṣākaraṃ nṛṇām || 11||

शत्रोर्विनाशनं शश्वत्सुखसम्पत्प्रवर्धनम् ।योऽधीयात् कवचं चैतन्मुक्तपापो भवेच्च सः ॥ १२॥

śatrorvināśanaṃ śaśvatsukhasampatpravardhanam |yo'dhīyāt kavacaṃ caitanmuktapāpo bhavecca saḥ || 12||

एककालं द्विकालं च त्रिकालं च पठेत्तु यः ।पठेद्यो वै शतावृत्त्या मासमेकं निरन्तरम् ॥ १३॥

ekakālaṃ dvikālaṃ ca trikālaṃ ca paṭhettu yaḥ |paṭhedyo vai śatāvṛttyā māsamekaṃ nirantaram || 13||

धृत्वेदं कवचं कण्ठे गच्छेद्यो यत्र कुत्रचित् ।स्वप्ने मूर्तिमयीं गङ्गां वरदां सोऽपि पश्यति ॥ १४॥

dhṛtvedaṃ kavacaṃ kaṇṭhe gacchedyo yatra kutracit |svapne mūrtimayīṃ gaṅgāṃ varadāṃ so'pi paśyati || 14||

धनधान्यसमायुक्तः पुत्रपौत्रसमन्वितः ।त्रिषु लोकेषु पूज्यः स्यादस्य पाठान्न संशयः ॥ १५॥

dhanadhānyasamāyuktaḥ putrapautrasamanvitaḥ |triṣu lokeṣu pūjyaḥ syādasya pāṭhānna saṃśayaḥ || 15||

शृणुयात्परया भक्त्या वाच्यमानं नरोत्तमः ।सोऽप्यघौघविनिर्मुक्तो जीवन्मुक्तो भवेच्च यः ॥ १६॥

śṛṇuyātparayā bhaktyā vācyamānaṃ narottamaḥ |so'pyaghaughavinirmukto jīvanmukto bhavecca yaḥ || 16||

दुर्भिक्षे दुर्गबन्धे विषमजलचये कानने दुष्टचौरैःदीप्ते वह्निप्रदाहे प्रबलरिपुभये राज्यदुःखे प्रवृत्ते ।स्मृत्वा देवीं च गङ्गां त्रिभुवनजननीं वा पठेद् यो हि चैतत्तैस्तैर्दुखैर्विमुक्तो सपदि स मनुजो जायते सत्यमेतत् ॥ १७॥

durbhikṣe durgabandhe viṣamajalacaye kānane duṣṭacauraiḥdīpte vahnipradāhe prabalaripubhaye rājyaduḥkhe pravṛtte |smṛtvā devīṃ ca gaṅgāṃ tribhuvanajananīṃ vā paṭhed yo hi caitattaistairdukhairvimukto sapadi sa manujo jāyate satyametat || 17||

कुलीनाय च दातव्यं गङ्गाभक्तिपराय च ।विष्णुभक्ताय शान्ताय श्रद्दधानाय सर्वदा ॥ १८॥

kulīnāya ca dātavyaṃ gaṅgābhaktiparāya ca |viṣṇubhaktāya śāntāya śraddadhānāya sarvadā || 18||

कुशिष्याय न दातव्यं दुष्टाय च विशेषतः ।दत्वाऽभक्ताय पुत्राय नेदं फलप्रदं भवेत् ॥ १९॥

kuśiṣyāya na dātavyaṃ duṣṭāya ca viśeṣataḥ |datvā'bhaktāya putrāya nedaṃ phalapradaṃ bhavet || 19||

साधकाय च शान्ताय गुरोराज्ञानुवर्तिने ।दातव्यं च त्वया तात दत्वाऽनन्तफलं भवेत् ॥ २०॥

sādhakāya ca śāntāya gurorājñānuvartine |dātavyaṃ ca tvayā tāta datvā'nantaphalaṃ bhavet || 20||

इति श्रीब्रह्माण्डपुराणे ब्रह्मनारदसम्वादेश्रीगङ्गाकवचं सम्पूर्णम् ॥

iti śrībrahmāṇḍapurāṇe brahmanāradasamvādeśrīgaṅgākavacaṃ sampūrṇam ||