गङ्गाकवचम् २ सर्वार्थसाधनाभिधम् Gangakavacham (2)

विप्र उवाचकवचं ते प्रवक्ष्यामः पार्वत्यै यच्छिवोऽब्रवीत ।यस्य सन्धारणान्मर्त्यः साक्षाद्वैश्रवणो भवेत् ॥ १॥

vipra uvācakavacaṃ te pravakṣyāmaḥ pārvatyai yacchivo'bravīta |yasya sandhāraṇānmartyaḥ sākṣādvaiśravaṇo bhavet || 1||

तद्यथाॐ कैलासशिखरे रम्ये सुखासीनं सुरार्चितम् ।गिरिशं गिरिजा नत्वा स्तोत्रैर्वेदार्थगर्भितैः ॥ २॥

tadyathāoṃ kailāsaśikhare ramye sukhāsīnaṃ surārcitam |giriśaṃ girijā natvā stotrairvedārthagarbhitaiḥ || 2||

प्रणम्य परया भक्त्या ततोऽपृच्छत् कृताञ्जलिः ।श्रीमहादेव्युवाचमहादेव सुराध्यक्ष करुणासागर प्रभो ॥भवद्भिः शतसाहस्रकोटिवारं निवारिता ।मह्यं किं किं न दत्तं ते तदिदानीं वदाम्यहम् ॥ ३॥

praṇamya parayā bhaktyā tato'pṛcchat kṛtāñjaliḥ |śrīmahādevyuvācamahādeva surādhyakṣa karuṇāsāgara prabho ||bhavadbhiḥ śatasāhasrakoṭivāraṃ nivāritā |mahyaṃ kiṃ kiṃ na dattaṃ te tadidānīṃ vadāmyaham || 3||

गाणपं शाक्तसूरं च शैवं वैष्णवमुत्तमम् ।मन्त्रयन्त्रादिजालं हि मह्यं सामान्यतस्त्वया ॥ ४॥

gāṇapaṃ śāktasūraṃ ca śaivaṃ vaiṣṇavamuttamam |mantrayantrādijālaṃ hi mahyaṃ sāmānyatastvayā || 4||

दत्तं विशेषतो यद्यत्तत्सर्वं कथयामि ते ।श्रीरामतारको मन्त्रः कोदण्डस्यापि मे प्रियः ॥ ५॥

dattaṃ viśeṣato yadyattatsarvaṃ kathayāmi te |śrīrāmatārako mantraḥ kodaṇḍasyāpi me priyaḥ || 5||

नृहरेः श्यामराजो हि कालिकाद्याः प्रियंवद ।दशविद्या विशेषेण षोडशी मन्त्रनायिका ॥ ६॥

nṛhareḥ śyāmarājo hi kālikādyāḥ priyaṃvada |daśavidyā viśeṣeṇa ṣoḍaśī mantranāyikā || 6||

दक्षिणामूर्तिसंज्ञोऽन्यो मन्त्रराजो धनाधिपः ।सहस्रार्जुनकस्यापि मन्त्रा येऽन्ये हनूमतः ॥ ७॥

dakṣiṇāmūrtisaṃjño'nyo mantrarājo dhanādhipaḥ |sahasrārjunakasyāpi mantrā ye'nye hanūmataḥ || 7||

किं बहूक्तेन गिरिश प्रेमयन्त्रितचेतसा ।अर्धाङ्गमिति मह्यन्ते दत्तं किं ते वदाम्यहम् ॥ ८॥

kiṃ bahūktena giriśa premayantritacetasā |ardhāṅgamiti mahyante dattaṃ kiṃ te vadāmyaham || 8||

अपि पृच्छामि कवचं श्रीगङ्गाया अनुत्तमम् ।मे मनस्तद्विना श्रीमन् न तुष्यति ततो वद ॥ ९॥

api pṛcchāmi kavacaṃ śrīgaṅgāyā anuttamam |me manastadvinā śrīman na tuṣyati tato vada || 9||

रहस्यं रक्षणकरं सर्वसम्पत्करं परम् ।श्रीपरमशिव उवाचसत्यं सत्यं वरारोहे सर्वं दत्तं मया तव ॥ १०॥

rahasyaṃ rakṣaṇakaraṃ sarvasampatkaraṃ param |śrīparamaśiva uvācasatyaṃ satyaṃ varārohe sarvaṃ dattaṃ mayā tava || 10||

परन्तु गिरिजे तुभ्यं कथ्यते शृणु साम्प्रतम् ।कलौ पाखण्डबहुला नानावेशधरा नराः ॥ ११॥

parantu girije tubhyaṃ kathyate śṛṇu sāmpratam |kalau pākhaṇḍabahulā nānāveśadharā narāḥ || 11||

ज्ञानलब्धा हीनकामा वर्णाश्रमबहिष्कृताः ।वैष्णवत्वेन विख्याताः शैवत्वेन वरानने ॥ १२॥

jñānalabdhā hīnakāmā varṇāśramabahiṣkṛtāḥ |vaiṣṇavatvena vikhyātāḥ śaivatvena varānane || 12||

शाक्तत्वेन च देवेशि सौरत्वेनेतरे जनाः ।गाणपत्येन गिरिजे शास्त्रज्ञानविवर्जिताः ॥ १३॥

śāktatvena ca deveśi sauratvenetare janāḥ |gāṇapatyena girije śāstrajñānavivarjitāḥ || 13||

गुरुत्वेन समाख्याता विचरिष्यन्ति भूतले ।ते शिष्यसङ्ग्रहं कर्तुमुधुक्ता यत्र कुत्रचित् ॥ १४॥

gurutvena samākhyātā vicariṣyanti bhūtale |te śiṣyasaṅgrahaṃ kartumudhuktā yatra kutracit || 14||

मन्त्राधुच्चारणे तेषां नास्ति सामर्थ्यमम्बिके ।तच्छिष्याणां च गिरिजे तथापि जगतीतले ॥ १५॥

mantrādhuccāraṇe teṣāṃ nāsti sāmarthyamambike |tacchiṣyāṇāṃ ca girije tathāpi jagatītale || 15||

पठन्ति पाठयिष्यन्ति विप्रद्वेषपराः सदा ।विप्रद्वेषरतानां हि नरके पतनं ध्रुवम् ॥ १६॥

paṭhanti pāṭhayiṣyanti vipradveṣaparāḥ sadā |vipradveṣaratānāṃ hi narake patanaṃ dhruvam || 16||

शृणु देवि प्रवक्ष्यामि रहस्यातिरहस्यकम् ।गङ्गायाः कवचं दिव्यं गोपनीयं त्वया सदा ॥ १७॥

śṛṇu devi pravakṣyāmi rahasyātirahasyakam |gaṅgāyāḥ kavacaṃ divyaṃ gopanīyaṃ tvayā sadā || 17||

न कस्यापि प्रवक्तव्यं वक्तव्यं स्वात्मिकाय तत् ।प्रदर्शयति सर्वाङ्ग भर्तुर्वै स्त्रीजनो यथा ॥ १८॥

na kasyāpi pravaktavyaṃ vaktavyaṃ svātmikāya tat |pradarśayati sarvāṅga bharturvai strījano yathā || 18||

तस्मात्त्वया न वक्तव्यं कवचं लोकसुन्दरि ।गङ्गायाः कवचस्यास्य वेदव्यासो ऋषिः स्मृतः ॥ १९॥

tasmāttvayā na vaktavyaṃ kavacaṃ lokasundari |gaṅgāyāḥ kavacasyāsya vedavyāso ṛṣiḥ smṛtaḥ || 19||

छन्दोऽतिजगती प्रोक्तं देवता तु सरित्स्मृता ।धर्मार्थकाममोक्षेषु विनियोगः प्रकीर्तितः ॥ २०॥

chando'tijagatī proktaṃ devatā tu saritsmṛtā |dharmārthakāmamokṣeṣu viniyogaḥ prakīrtitaḥ || 20||

प्रणवो मे शिरः पातु नमः पातु ललाटके ।भगवति मे दृशौ पाहि कर्णी ह्यम्बे ततोम्बिके ॥ २१॥

praṇavo me śiraḥ pātu namaḥ pātu lalāṭake |bhagavati me dṛśau pāhi karṇī hyambe tatombike || 21||

अम्बालिके महामालिनि पाहि नासापुटद्वये ।कपोलौ मे सदा पाह्येओहि भगवत्यथ ॥ २२॥

ambālike mahāmālini pāhi nāsāpuṭadvaye |kapolau me sadā pāhyeohi bhagavatyatha || 22||

मुखं में सततं रक्षेत् द्रवरूपा शुचिप्रभा ।अशेषतीर्थालवाले हनुमेव सदाऽवतु ॥ २३॥

mukhaṃ meṃ satataṃ rakṣet dravarūpā śuciprabhā |aśeṣatīrthālavāle hanumeva sadā'vatu || 23||

जिह्वामूले च जिह्वाग्रे ह्रौं श्री बीजौ सदाऽवताम् ।शिवजटाधिरूढ़ए च गङ्गे चोष्ठद्वयेऽवतु ॥ २४॥

jihvāmūle ca jihvāgre hrauṃ śrī bījau sadā'vatām |śivajaṭādhirūṛhae ca gaṅge coṣṭhadvaye'vatu || 24||

दन्तपत्रौ च कण्ठे च पातु गङ्गाम्बिके द्विठः ।स्कन्धौ मे ॐ नमः पातु शिवायै करयोर्मम ॥ २५॥

dantapatrau ca kaṇṭhe ca pātu gaṅgāmbike dviṭhaḥ |skandhau me oṃ namaḥ pātu śivāyai karayormama || 25||

नारायण्यै च पार्श्वौ मे पायात्पापहरा सदा ।स्वान्ते दशहरायै मे गङ्गायै चोदरेऽवतु ॥ २६॥

nārāyaṇyai ca pārśvau me pāyātpāpaharā sadā |svānte daśaharāyai me gaṅgāyai codare'vatu || 26||

स्तनौ स्वाहा सदा पातु देवीर्भिहावतोषिता ॥ॐ नमो भगवति पाहि कुक्षिं मे सर्वदा सुखम् ॥ २७॥

stanau svāhā sadā pātu devīrbhihāvatoṣitā ||oṃ namo bhagavati pāhi kukṣiṃ me sarvadā sukham || 27||

ऐं बीजं मध्यदेशे च बीजविद्या सदाऽवतु ।हिलिः पृष्ठं सदा पातु पातु नाभिं हिलिर्मम ॥ २८॥

aiṃ bījaṃ madhyadeśe ca bījavidyā sadā'vatu |hiliḥ pṛṣṭhaṃ sadā pātu pātu nābhiṃ hilirmama || 28||

मिलिमिलीति पदद्वन्द्वं कटिं सडिक्थनीद्वयम् ।गङ्गे मां पावयेदव्याद्गुह्ये जानुद्वये मम ॥ २९॥

milimilīti padadvandvaṃ kaṭiṃ saḍikthanīdvayam |gaṅge māṃ pāvayedavyādguhye jānudvaye mama || 29||

जङ्घे स्वाहा सदा पातु गिरिनेत्राक्षरी सदा ।सप्तार्णसहिता विद्या पादौ पातु नखाक्षरी ॥ ३०॥

jaṅghe svāhā sadā pātu girinetrākṣarī sadā |saptārṇasahitā vidyā pādau pātu nakhākṣarī || 30||

ॐ हिलिहिलिमिलिमिलि गङ्गे देविनमोभृशम् ।मूर्धादिपादपर्यन्तं पातु पञ्चदशाक्षरी ॥ ३१॥

oṃ hilihilimilimili gaṅge devinamobhṛśam |mūrdhādipādaparyantaṃ pātu pañcadaśākṣarī || 31||

तारा माया रमा हार्दै प्राच्यां रक्षतु मे सदा ॥आग्नेयां मां भगवती पातु मे चक्रसंस्थिता ॥ ३२॥

tārā māyā ramā hārdai prācyāṃ rakṣatu me sadā ||āgneyāṃ māṃ bhagavatī pātu me cakrasaṃsthitā || 32||

दक्षिणे गाङ्गदयिते नैरृत्यां वर्मपूर्ववत् ।प्रतीच्यामस्त्रतो रक्षेद्रिपुभारनिकृन्तनी ॥ ३३॥

dakṣiṇe gāṅgadayite nairṛtyāṃ varmapūrvavat |pratīcyāmastrato rakṣedripubhāranikṛntanī || 33||

वाग्भवं पातु वायव्यां माया रक्षतु चोत्तरे ।ईशान्यां कमला रक्षेत् कामबीजं नभोऽवतु ॥ ३४॥

vāgbhavaṃ pātu vāyavyāṃ māyā rakṣatu cottare |īśānyāṃ kamalā rakṣet kāmabījaṃ nabho'vatu || 34||

अधस्तात्पवनो रक्षेत्सर्वत्र सर्वमन्त्रराट् ।मणिकर्णिभगी ब्रह्मा हृदयं ध्रुवसंयुता ॥ ३५॥

adhastātpavano rakṣetsarvatra sarvamantrarāṭ |maṇikarṇibhagī brahmā hṛdayaṃ dhruvasaṃyutā || 35||

विषमिन्दुधुकः पूर्वं मन्त्रश्रीमणिकर्णिका ।सर्वत्र मे सदा पातु बाह्याभ्यन्तरभेदतः ॥ ३६॥

viṣamindudhukaḥ pūrvaṃ mantraśrīmaṇikarṇikā |sarvatra me sadā pātu bāhyābhyantarabhedataḥ || 36||

इति ते कथितं देवि सारात् सारतरं परम् ।सर्वार्थसाधनं नाम कवचं परमाद्भुतम् ॥ ३६॥

iti te kathitaṃ devi sārāt sārataraṃ param |sarvārthasādhanaṃ nāma kavacaṃ paramādbhutam || 36||

अस्यापि पठनात्सद्यः कुबेरोऽपि धनेश्वरः ।इन्द्राद्याःसकला देवा धारणात्पठनाद्यतः ॥ ३७॥

asyāpi paṭhanātsadyaḥ kubero'pi dhaneśvaraḥ |indrādyāḥsakalā devā dhāraṇātpaṭhanādyataḥ || 37||

सर्वसिद्धीश्वराः सन्तः सर्वैश्वर्यमवाप्नुयुः ।पुष्पाञ्जल्यष्टकं दत्वा मूलेनैव पठेत्सकृत् ॥ ३८॥

sarvasiddhīśvarāḥ santaḥ sarvaiśvaryamavāpnuyuḥ |puṣpāñjalyaṣṭakaṃ datvā mūlenaiva paṭhetsakṛt || 38||

संवत्सरकृतायास्तु पूजायाः फलमाप्नयात ।प्रीतिमन्योन्यतः कृत्वा कमला निश्चला गृहे ॥ ३९॥

saṃvatsarakṛtāyāstu pūjāyāḥ phalamāpnayāta |prītimanyonyataḥ kṛtvā kamalā niścalā gṛhe || 39||

वाणीयं निवसेद्वक्रे सत्यं सत्यं न संशयः ।यो धारयति पुण्यात्मा सर्वार्थसाधनाभिधम् ॥ ४०॥

vāṇīyaṃ nivasedvakre satyaṃ satyaṃ na saṃśayaḥ |yo dhārayati puṇyātmā sarvārthasādhanābhidham || 40||

कवचं परमं पुण्यं सोऽपि पुण्यवतां वरः ।सर्वैश्वर्ययुतो भूत्वा त्रैलोक्यविजयी भवेत् ॥ ४१॥

kavacaṃ paramaṃ puṇyaṃ so'pi puṇyavatāṃ varaḥ |sarvaiśvaryayuto bhūtvā trailokyavijayī bhavet || 41||

पुरुषो दक्षिणे बाहौ नारी वामभुजे तथा ॥बहुपुत्रयुतो भूयाद्वन्ध्यापि लभते सुतम् ॥ ४२॥

puruṣo dakṣiṇe bāhau nārī vāmabhuje tathā ||bahuputrayuto bhūyādvandhyāpi labhate sutam || 42||

ब्रह्मास्त्रादीनि शस्त्राणि नैव कृन्तन्ति नाशनम् ।गोपनीयं गोपनीयं गोपनीयं प्रयत्नतः ॥ ४३॥

brahmāstrādīni śastrāṇi naiva kṛntanti nāśanam |gopanīyaṃ gopanīyaṃ gopanīyaṃ prayatnataḥ || 43||

इति श्रीरुद्रयामले पार्वतीश्वरसम्बादे सर्वार्थसाधनाभिधंश्रीगङ्गाकवचवं सम्पूर्णम् ।

iti śrīrudrayāmale pārvatīśvarasambāde sarvārthasādhanābhidhaṃśrīgaṅgākavacavaṃ sampūrṇam |