गङ्गासाम्राज्यकवचम् Ganga Samrajya Kavacham

॥ श्रीगणेशाय नमः ॥श्रीदेव्युवाचदेवेश! परमेशान ! भक्तानुग्रहकारक ! ।गङ्गायाः कवचं ब्रूहि यद्यहं तव वल्लभा ॥ १॥

|| śrīgaṇeśāya namaḥ ||śrīdevyuvācadeveśa! parameśāna ! bhaktānugrahakāraka ! |gaṅgāyāḥ kavacaṃ brūhi yadyahaṃ tava vallabhā || 1||

श्रीशिव उवाचशृणु देवि ! प्रवक्ष्यामि गङ्गायाः कवचं शुभम् ।यस्य स्मरणमात्रेण भवेत्साक्षान्महेश्वरः ॥ २॥

śrīśiva uvācaśṛṇu devi ! pravakṣyāmi gaṅgāyāḥ kavacaṃ śubham |yasya smaraṇamātreṇa bhavetsākṣānmaheśvaraḥ || 2||

पुत्रप्रदमपुत्राणां दरिद्राणां धनप्रदम् ।मोक्षप्रदं मुमुक्षूणां शृणु चैकमना प्रिये ! ॥ ३॥

putrapradamaputrāṇāṃ daridrāṇāṃ dhanapradam |mokṣapradaṃ mumukṣūṇāṃ śṛṇu caikamanā priye ! || 3||

ॐ ओङ्कारी ब्रह्मरूपा ब्रह्महत्यापहारिणी ।तारिणी सर्वलोकानां दायिनी सर्वसम्पदाम् ॥ ४॥

oṃ oṅkārī brahmarūpā brahmahatyāpahāriṇī |tāriṇī sarvalokānāṃ dāyinī sarvasampadām || 4||

सर्वसौख्यकरी सत्यं कवचं तद्वदामि ते ।ॐ अस्य श्रीगङ्गासाम्राज्यकवचमन्त्रस्यश्रीभगवान् महादेव ऋषिरनुष्टुप्छन्दः,श्रीगङ्गापरमेश्वरी देवता,ॐ ऐं बीजं हिलि हिलि मिलि मिलि शक्तिः,गङ्गे मां पावय पावय स्वाहा इति कीलकम्,धर्मार्थकाममोक्षार्थे जपे विनयोगः ।ॐ शिरो मे प्रणवः पातु सर्वसिद्धिकरीश्वरी ॥ ५॥

sarvasaukhyakarī satyaṃ kavacaṃ tadvadāmi te |oṃ asya śrīgaṅgāsāmrājyakavacamantrasyaśrībhagavān mahādeva ṛṣiranuṣṭupchandaḥ,śrīgaṅgāparameśvarī devatā,oṃ aiṃ bījaṃ hili hili mili mili śaktiḥ,gaṅge māṃ pāvaya pāvaya svāhā iti kīlakam,dharmārthakāmamokṣārthe jape vinayogaḥ |oṃ śiro me praṇavaḥ pātu sarvasiddhikarīśvarī || 5||

ऐँ बीजं में शिखां पातु गङ्गा त्रैलोक्यसुन्दरी ।ह्रिङ्कारी मस्तके मेऽव्याल्लिकारं मे ललाटके ॥ ६॥

aim̐ bījaṃ meṃ śikhāṃ pātu gaṅgā trailokyasundarī |hriṅkārī mastake me'vyāllikāraṃ me lalāṭake || 6||

पुनः पातु महामाया हिकारी परदेवता ॥ ७॥

punaḥ pātu mahāmāyā hikārī paradevatā || 7||

मिकारी मुखमध्ये तु लिकारी श्रोत्रयोर्मम ।कण्ठमध्ये सदा पातु मिकारी वाग्विलासिनी ॥ ८॥

mikārī mukhamadhye tu likārī śrotrayormama |kaṇṭhamadhye sadā pātu mikārī vāgvilāsinī || 8||

लिकारी हृदयं रक्षेद्गङ्गे पापापहारिणी ॥स्तनद्वन्द्वे सदा मेऽव्यान्माङ्कारी परमेश्वरी ॥ ९॥

likārī hṛdayaṃ rakṣedgaṅge pāpāpahāriṇī ||stanadvandve sadā me'vyānmāṅkārī parameśvarī || 9||

पाकारी पार्श्वयोः पातु वकारं नाभिदेशके ।यकारं मे कटिं पातु पाकारी लिङ्गदेशके ॥ १०॥

pākārī pārśvayoḥ pātu vakāraṃ nābhideśake |yakāraṃ me kaṭiṃ pātu pākārī liṅgadeśake || 10||

पुनः पाकारं मे पातु गुह्यदेशे निरन्तरम् ।वकारं जङ्घयोः पातु पकारं मम जानुनी ॥ ११॥

punaḥ pākāraṃ me pātu guhyadeśe nirantaram |vakāraṃ jaṅghayoḥ pātu pakāraṃ mama jānunī || 11||

स्वाकारं गुल्फयोः पातु हाकारं पादयोः सदा ।सर्वाङ्गं मे सदा पातु गङ्गा सवार्थसिद्धिदा ॥ १२॥

svākāraṃ gulphayoḥ pātu hākāraṃ pādayoḥ sadā |sarvāṅgaṃ me sadā pātu gaṅgā savārthasiddhidā || 12||

इतीदं कवचं दिव्यं ब्रह्मविद्याकलेवरम् ।पठनाद्ब्रह्मसायुज्यं प्राप्नुयान्नात्र संशयः ॥ १३॥

itīdaṃ kavacaṃ divyaṃ brahmavidyākalevaram |paṭhanādbrahmasāyujyaṃ prāpnuyānnātra saṃśayaḥ || 13||

सप्तम्यां वा चतुर्दश्यां सङ्क्रान्तौ ग्रहणे तथा ।यः पठेन्नित्यकृद् भक्त्या सर्वसिद्धीश्वरो भवेत् ॥ १४॥

saptamyāṃ vā caturdaśyāṃ saṅkrāntau grahaṇe tathā |yaḥ paṭhennityakṛd bhaktyā sarvasiddhīśvaro bhavet || 14||

इदं कवचमज्ञात्वा गङ्गां यो भजतेऽधमः ।जन्मजन्म भवेन्मूर्खो दरिद्रो व्याधिसंयुतः ॥ १५॥

idaṃ kavacamajñātvā gaṅgāṃ yo bhajate'dhamaḥ |janmajanma bhavenmūrkho daridro vyādhisaṃyutaḥ || 15||

तस्मादवश्यमेतत्तु यः पठेन्नित्यमेव हि ।सर्वसम्पद्युतो भूत्वा ब्रह्मसायुज्यमाप्नुयात् ॥ १६॥

tasmādavaśyametattu yaḥ paṭhennityameva hi |sarvasampadyuto bhūtvā brahmasāyujyamāpnuyāt || 16||

इति श्रीशिवशिवानन्दनाथविरचितं श्रीगङ्गासाम्राज्यकवचम् ।

iti śrīśivaśivānandanāthaviracitaṃ śrīgaṅgāsāmrājyakavacam |