गङ्गासहस्रनामस्तोत्रम् ३ Ganga Sahasranama Stotram

पार्वत्युवाचदेव देव महादेव भक्तानां प्रीतिवर्धन ।कानि नामानि प्रोक्तानि तेन राज्ञा महात्मना ॥ १॥

pārvatyuvācadeva deva mahādeva bhaktānāṃ prītivardhana |kāni nāmāni proktāni tena rājñā mahātmanā || 1||

सहस्रनाम गङ्गायाः स्तोत्रं परमदुर्लभम् ।वद मे देवशार्दूल भक्तास्मि सततं प्रिया ॥ २॥

sahasranāma gaṅgāyāḥ stotraṃ paramadurlabham |vada me devaśārdūla bhaktāsmi satataṃ priyā || 2||

ईश्वर उवाचसाधु साधु महादेवि पृष्टं नामामृतं त्वया ।गुह्याद्गुह्यतरं स्तोत्रं प्रवक्ष्यामि समासतः ॥ ३॥

īśvara uvācasādhu sādhu mahādevi pṛṣṭaṃ nāmāmṛtaṃ tvayā |guhyādguhyataraṃ stotraṃ pravakṣyāmi samāsataḥ || 3||

यस्य स्मरणमात्रेण नरो वै शिवतां व्रजेत् ।पठनाल्लिखनाच्चैव पूजनात् किं न जायते ॥ ४॥

yasya smaraṇamātreṇa naro vai śivatāṃ vrajet |paṭhanāllikhanāccaiva pūjanāt kiṃ na jāyate || 4||

श्लोकमेकं पठित्वापि गङ्गायाः शतयोजने ।गङ्गास्नानफलं सद्यः प्राप्नुयान्नात्र संशयः ॥ ५॥

ślokamekaṃ paṭhitvāpi gaṅgāyāḥ śatayojane |gaṅgāsnānaphalaṃ sadyaḥ prāpnuyānnātra saṃśayaḥ || 5||

सहस्रनामस्तोत्रस्य भगीरथऋषिर्मतः ।छन्दोऽनुष्टुप् तथा ख्यातं गङ्गा वै देवता मता ॥ ६॥

sahasranāmastotrasya bhagīrathaṛṣirmataḥ |chando'nuṣṭup tathā khyātaṃ gaṅgā vai devatā matā || 6||

सर्वतः पापनाशार्थं सर्वकामार्थसिद्धये ।अक्षयस्वर्गकामाय विनियोगः प्रकीर्तितः ॥ ७॥

sarvataḥ pāpanāśārthaṃ sarvakāmārthasiddhaye |akṣayasvargakāmāya viniyogaḥ prakīrtitaḥ || 7||

ॐ गङ्गा सरिद्वरा विष्णुपादाम्बुजजनिः परा ।शिवशेखरसंवासा ब्रह्मणः कलशस्थिता ॥ ८॥

oṃ gaṅgā saridvarā viṣṇupādāmbujajaniḥ parā |śivaśekharasaṃvāsā brahmaṇaḥ kalaśasthitā || 8||

आकाशगामिनी भद्रा चतुरात्मा प्रवाहिनी ।ब्रह्मरन्ध्रसमुद्भूता ब्रह्मरन्ध्रनिवासिनी ॥ ९॥

ākāśagāminī bhadrā caturātmā pravāhinī |brahmarandhrasamudbhūtā brahmarandhranivāsinī || 9||

ब्रह्मरन्ध्रधरा देवी सर्वकामार्थदायिनी ।ब्रह्माण्डोझेदनपरा परब्रह्मधरा परा ॥ १०॥

brahmarandhradharā devī sarvakāmārthadāyinī |brahmāṇḍojhedanaparā parabrahmadharā parā || 10||

द्रवरूपधरा चैव शिवसङ्गमदायिनी ।मुक्तिदा भुक्तिदानङ्गा शत्रुदावानलात्मिका ॥ ११॥

dravarūpadharā caiva śivasaṅgamadāyinī |muktidā bhuktidānaṅgā śatrudāvānalātmikā || 11||

अनङ्गाङ्गी त्रिमूर्तिश्च ब्रह्माणी कमला स्थिता ।सरस्वती च सावित्री जयसेना जयात्मिका ॥ १२॥

anaṅgāṅgī trimūrtiśca brahmāṇī kamalā sthitā |sarasvatī ca sāvitrī jayasenā jayātmikā || 12||

जयभद्रा वैष्णवी च चिच्छक्तिः परमेश्वरी ।त्रयी वेदवदान्या च मेदिनी भेदिनी धरा ॥ १३॥

jayabhadrā vaiṣṇavī ca cicchaktiḥ parameśvarī |trayī vedavadānyā ca medinī bhedinī dharā || 13||

वेदमूर्तिस्त्रिमूर्तिश्च देवमूतिर्दयापरा ।दामिनी दामिनीवासा कुलिशा कुलिशप्रिया ॥ १४॥

vedamūrtistrimūrtiśca devamūtirdayāparā |dāminī dāminīvāsā kuliśā kuliśapriyā || 14||

कुलिशाङ्गी कुलाङ्गी च कुलनाथकुटुम्बिनी ।कुलीना सुभगा भाग्या भाग्यगम्या यशोमती ॥ १५॥

kuliśāṅgī kulāṅgī ca kulanāthakuṭumbinī |kulīnā subhagā bhāgyā bhāgyagamyā yaśomatī || 15||

कला कलाधरधरा कलाधरशतप्रिया ।षोडशी षोडशाराध्या षोढान्याससहायिनी ॥ १६॥

kalā kalādharadharā kalādharaśatapriyā |ṣoḍaśī ṣoḍaśārādhyā ṣoḍhānyāsasahāyinī || 16||

षोढा समासविलया षोढाङ्गी कालरूपिणी ।कालिका मुण्डमाला च कालानां शतनाशिनी ॥ १७॥

ṣoḍhā samāsavilayā ṣoḍhāṅgī kālarūpiṇī |kālikā muṇḍamālā ca kālānāṃ śatanāśinī || 17||

कालाङ्गी कालनिलया काला कालेश्वरी वरा ।शैवी माया शिवा रुण्डा चण्डमुण्ड विनाशिनी ॥ १८॥

kālāṅgī kālanilayā kālā kāleśvarī varā |śaivī māyā śivā ruṇḍā caṇḍamuṇḍa vināśinī || 18||

चण्डाट्टहासा दुर्गम्या चण्डानां प्रीतिवर्द्धिना ।चण्डेश्वरी महाप्राज्ञा प्रसाधीः सिद्धिदायिनी ॥ १९॥

caṇḍāṭṭahāsā durgamyā caṇḍānāṃ prītivarddhinā |caṇḍeśvarī mahāprājñā prasādhīḥ siddhidāyinī || 19||

लक्षलाभस्य जननी शतलाभा सुरेश्वरी ।कौमारी शक्तिरुद्दिष्टा क्रौचदैत्यविनाशिनी ॥ २०॥

lakṣalābhasya jananī śatalābhā sureśvarī |kaumārī śaktiruddiṣṭā kraucadaityavināśinī || 20||

तारकासुरहन्त्री च तारकामयगामिनी ।तारकस्य पराशक्तिस्तारकाणां पतिप्रिया ॥ २१॥

tārakāsurahantrī ca tārakāmayagāminī |tārakasya parāśaktistārakāṇāṃ patipriyā || 21||

तारकेशपरा ज्योत्स्ना तारेशशतरूपिणी ।नारायणी दयासिन्धुः सिन्धूत्तरनिवासिनी ॥ २२॥

tārakeśaparā jyotsnā tāreśaśatarūpiṇī |nārāyaṇī dayāsindhuḥ sindhūttaranivāsinī || 22||

सिन्धुश्रेष्ठतमा भार्या रत्नदा रत्नहारिणी ।जलन्धरस्य जननी जलन्धरविरूपिणी ॥ २३॥

sindhuśreṣṭhatamā bhāryā ratnadā ratnahāriṇī |jalandharasya jananī jalandharavirūpiṇī || 23||

काममाता च कामघ्नी रतिरूपा शतप्रिया ।भीष्ममाता महाभीष्मा भीष्माणां प्रीतिवर्द्धिनी ॥ २४॥

kāmamātā ca kāmaghnī ratirūpā śatapriyā |bhīṣmamātā mahābhīṣmā bhīṣmāṇāṃ prītivarddhinī || 24||

ज्वाला कराली तुङ्गेशी तुङ्गशेखरवासिनी ।तुङ्गेश्वरसहाया वदर्याश्रमवासिनी ॥ २५॥

jvālā karālī tuṅgeśī tuṅgaśekharavāsinī |tuṅgeśvarasahāyā vadaryāśramavāsinī || 25||

श्रीक्षेत्रनिलया चैव द्वारस्था द्वारपालिनी ।जाह्नवी जह्नतनया नागालयनिवासिनी ॥ २६॥

śrīkṣetranilayā caiva dvārasthā dvārapālinī |jāhnavī jahnatanayā nāgālayanivāsinī || 26||

नागानां जननी चैव नागप्रीतिविर्द्धिनी ।नागेश्वरसहाया च कैलासनिलया तथा ॥ २७॥

nāgānāṃ jananī caiva nāgaprītivirddhinī |nāgeśvarasahāyā ca kailāsanilayā tathā || 27||

महाप्रभा वरेण्या च वेदमाता विलासिनी ।हरसङ्गरता चैव हरिपादविनिःसृता ॥ २८॥

mahāprabhā vareṇyā ca vedamātā vilāsinī |harasaṅgaratā caiva haripādaviniḥsṛtā || 28||

अदितिश्च दितिश्चैव कद्रू च विनता तथा ।सुरसा चाग्निभार्या च रत्नगर्भा विभावरी ॥ २९॥

aditiśca ditiścaiva kadrū ca vinatā tathā |surasā cāgnibhāryā ca ratnagarbhā vibhāvarī || 29||

शारदी वै चन्द्रकला नलकूबरसेविता ।अरिष्टनेमिदुहिता नहुषाङ्गणवासिनी ॥ ३०।

śāradī vai candrakalā nalakūbarasevitā |ariṣṭanemiduhitā nahuṣāṅgaṇavāsinī || 30|

शन्तनोर्गुहिणी भव्या वसुमाता कृशोदरी ।मत्स्योदरी सुराराध्या सुराणां प्रीतिदायिनी ॥ ३१॥

śantanorguhiṇī bhavyā vasumātā kṛśodarī |matsyodarī surārādhyā surāṇāṃ prītidāyinī || 31||

यमुना चन्द्रभागा च शतद्रूः सरयूस्तथा ।सरस्वती शुभामोदा नन्दनाद्रिनिवासिनी ॥ ३२॥

yamunā candrabhāgā ca śatadrūḥ sarayūstathā |sarasvatī śubhāmodā nandanādrinivāsinī || 32||

नन्दप्रियाङ्गनिलया देवतीर्थनिवासिनी ।रुद्राणी रुद्रसावित्री महाभैरवनादिनी ॥ ३३॥

nandapriyāṅganilayā devatīrthanivāsinī |rudrāṇī rudrasāvitrī mahābhairavanādinī || 33||

भैरवी भाषणवरा भृगुतुङ्गनिवासिनी ।केदारशिखरावासा महावलयवासिनी ॥ ३४॥

bhairavī bhāṣaṇavarā bhṛgutuṅganivāsinī |kedāraśikharāvāsā mahāvalayavāsinī || 34||

तुङ्गभद्रा सुषेणा च मान्धातृजयदायिनी ।भूतभव्यपरा शर्वाखर्ववर्गा नृपेश्वरी ॥ ३५॥

tuṅgabhadrā suṣeṇā ca māndhātṛjayadāyinī |bhūtabhavyaparā śarvākharvavargā nṛpeśvarī || 35||

भविष्यज्ञानदा भूतज्ञानदा वर्तमानदा ।शुक्रस्य जननी सौम्या व्यासमाता सुरेश्वरी ॥ ३६॥

bhaviṣyajñānadā bhūtajñānadā vartamānadā |śukrasya jananī saumyā vyāsamātā sureśvarī || 36||

धारापानधरा धीरा धैर्यदा शुभदायिनी ।कङ्कणा कङ्कणप्रख्या शुभकङ्कणदायिनी ॥ ३७॥

dhārāpānadharā dhīrā dhairyadā śubhadāyinī |kaṅkaṇā kaṅkaṇaprakhyā śubhakaṅkaṇadāyinī || 37||

कङ्कणैः पातकहरा प्रबला शत्रुनाशिनी ।स्मरतां मुक्तिदा भुक्तिरूपा रूपविर्जिता ॥ ३८॥

kaṅkaṇaiḥ pātakaharā prabalā śatrunāśinī |smaratāṃ muktidā bhuktirūpā rūpavirjitā || 38||

देवानीका देवसेव्या सेवारूपफलामला ।कृत्तिका कार्तिकावासा कार्तिकस्नानदायिनी ॥ ३९॥

devānīkā devasevyā sevārūpaphalāmalā |kṛttikā kārtikāvāsā kārtikasnānadāyinī || 39||

पुष्करा पुष्करावासा पुष्पप्रचयसुन्दरी ।मुनिसेव्या मुनिर्मेना मानवाकारधारिणी ॥ ४०॥

puṣkarā puṣkarāvāsā puṣpapracayasundarī |munisevyā munirmenā mānavākāradhāriṇī || 40||

मैनाकशिखरावासा काशीपुरनिवासिनी ।महाप्रयागनिलया तीर्थराजप्रसाधिनी ॥ ४१॥

mainākaśikharāvāsā kāśīpuranivāsinī |mahāprayāganilayā tīrtharājaprasādhinī || 41||

अक्षया क्षयरूपा संसारक्षयकारिणी ।मृगशीर्षधरा मार्गशीर्षस्नानफलप्रदा ॥ ४२॥

akṣayā kṣayarūpā saṃsārakṣayakāriṇī |mṛgaśīrṣadharā mārgaśīrṣasnānaphalapradā || 42||

पुण्यनक्षत्ररूपा च पौषेऽतीवफलप्रदा ।माघी मघायुता माध्या माघस्नाननिवासिनी ॥ ४३॥

puṇyanakṣatrarūpā ca pauṣe'tīvaphalapradā |māghī maghāyutā mādhyā māghasnānanivāsinī || 43||

श्री पञ्चमी श्रियोरूपा षष्टिचारण्यसंज्ञिता ।अचला निश्चला जम्बूर्जम्बूद्वीपसहायिनी ॥ ४४॥

śrī pañcamī śriyorūpā ṣaṣṭicāraṇyasaṃjñitā |acalā niścalā jambūrjambūdvīpasahāyinī || 44||

भीष्माष्टमी भीष्मगर्भा भीष्मपञ्चकसेविता ।एकादशी द्वादशी च पुण्यापुण्यसहायिनी ॥ ४५॥

bhīṣmāṣṭamī bhīṣmagarbhā bhīṣmapañcakasevitā |ekādaśī dvādaśī ca puṇyāpuṇyasahāyinī || 45||

पुण्यदा पुण्यनिलया पुण्याङ्गी चारुवाहिनी ।फाल्गुनी फाल्गुने सेव्या होलिका गन्धरूपिणी ॥ ४६॥

puṇyadā puṇyanilayā puṇyāṅgī cāruvāhinī |phālgunī phālgune sevyā holikā gandharūpiṇī || 46||

हुताशनी मह देवी सन्तुष्टा भस्मधारिणी ।वसन्तर्तुसुसेव्या च वसन्तोत्सवदायिनी ॥ ४७॥

hutāśanī maha devī santuṣṭā bhasmadhāriṇī |vasantartususevyā ca vasantotsavadāyinī || 47||

चैत्री चित्रा पुष्पगणरूपा गणेश्वरी ।मकरन्दस्वरूपा च मकरन्दनिवासिनी ॥ ४८॥

caitrī citrā puṣpagaṇarūpā gaṇeśvarī |makarandasvarūpā ca makarandanivāsinī || 48||

चैत्रशुक्लप्रतिपदा वर्षारम्भकरा शुभा ।माधवी माधवागारा माधवप्रीतिदायिनी ॥ ४९॥

caitraśuklapratipadā varṣārambhakarā śubhā |mādhavī mādhavāgārā mādhavaprītidāyinī || 49||

विशाखा वेणुपापघ्नी वैशाखी भानुसप्तमी ।वैशाखस्नानशुभदा पिण्डाकरनिवासिनी ॥ ५०॥

viśākhā veṇupāpaghnī vaiśākhī bhānusaptamī |vaiśākhasnānaśubhadā piṇḍākaranivāsinī || 50||