गङ्गाध्यानम् Ganga Dhyanam

श्वेतचम्पकवर्णाभां गङ्गां पापप्रणाशिनीम् ।कृष्णविग्रहसम्भूतां कृष्णतुल्यां परां सतीम् ॥ १॥

śvetacampakavarṇābhāṃ gaṅgāṃ pāpapraṇāśinīm |kṛṣṇavigrahasambhūtāṃ kṛṣṇatulyāṃ parāṃ satīm || 1||

वह्निशुद्धांशुकाधानां रत्नभूषणभूषिताम् ।शरत्पूर्णेन्दुशतकप्रभाजुष्टकलेवराम् ॥ २॥

vahniśuddhāṃśukādhānāṃ ratnabhūṣaṇabhūṣitām |śaratpūrṇenduśatakaprabhājuṣṭakalevarām || 2||

ईषद्धास्यप्रसन्नास्यां शश्वत्सुस्थिरयौवनाम् ।नारायणप्रियां शान्तां सत्सौभाग्यसमन्विताम् ॥ ३॥

īṣaddhāsyaprasannāsyāṃ śaśvatsusthirayauvanām |nārāyaṇapriyāṃ śāntāṃ satsaubhāgyasamanvitām || 3||

बिभ्रतीं कबरीभारं मालतीमाल्यसंयुताम् ।सिन्दूरबिन्दुललितां सार्धं चन्दनबिन्दुभिः ॥ ४॥

bibhratīṃ kabarībhāraṃ mālatīmālyasaṃyutām |sindūrabindulalitāṃ sārdhaṃ candanabindubhiḥ || 4||

कस्तूरीपत्रकं गण्डे नानाचित्रसमन्वितम् ।पक्वबिम्बसमानैक चार्वोष्ठपुटमुत्तमम् ॥ ५॥

kastūrīpatrakaṃ gaṇḍe nānācitrasamanvitam |pakvabimbasamānaika cārvoṣṭhapuṭamuttamam || 5||

मुक्तापङ्क्तिप्रभाजुष्टदन्तपङ्क्तिमनोहराम ।सुचारुवक्त्रनयनां सकटाक्षमनोरमाम् ॥ ६॥

muktāpaṅktiprabhājuṣṭadantapaṅktimanoharāma |sucāruvaktranayanāṃ sakaṭākṣamanoramām || 6||

स्थलपद्माभाप्रजुष्टपादपद्मयुगन्धराम् ।रत्नाभरणसंयुक्तं कुकुमाक्तं सयावकम् ॥ ७॥

sthalapadmābhāprajuṣṭapādapadmayugandharām |ratnābharaṇasaṃyuktaṃ kukumāktaṃ sayāvakam || 7||

देवेन्द्रमौलिमन्दारमकरन्दकणारुणम् ।सुरसिद्धमुनीन्द्रादिदत्तार्ध्यैस्सयुतं सदा ॥ ८॥

devendramaulimandāramakarandakaṇāruṇam |surasiddhamunīndrādidattārdhyaissayutaṃ sadā || 8||

तपस्विमौलिनिकरभ्रमरश्रेणिसंयुतम् ।मुक्तिप्रदं मुमुक्षूणां कामिनां स्वर्गभोगदम् ॥ ९॥

tapasvimaulinikarabhramaraśreṇisaṃyutam |muktipradaṃ mumukṣūṇāṃ kāmināṃ svargabhogadam || 9||

वरां वरेण्यां वरदां भक्तानुग्रहकातराम् ।श्री विष्णाःपददात्री च भजे विष्णुपदी सतीम् ॥ १०॥

varāṃ vareṇyāṃ varadāṃ bhaktānugrahakātarām |śrī viṣṇāḥpadadātrī ca bhaje viṣṇupadī satīm || 10||

इति श्री ब्रह्मवैवर्तपुराणतो गङ्गाध्यानं नाम प्रथमोऽध्यायः ।हिन्दी भावार्थसमान भक्तजनानन्ददायिनी परम सती भगवती गंगा का (ध्यान करतामुखवाली, सर्वदास्थिर रहनेवाली यौवनावस्था से सुशोभित, परमशान्तिमयी, नारायण की प्रियतमा, परम सौभाग्यशालिनी (का ध्यान करताध्यान करता हूँ ।) उनके दोनों चरणकमल स्थलपद्म (गुलाब)करने वाला है । परम पूजनीय, वरदान प्रदान करने वाली, भक्तोंचरणों में शरण देने वाली विष्णुपादसम्भूत उस परम सती गंगाकी मैं भक्ति करता हूँ ॥ ११०॥

iti śrī brahmavaivartapurāṇato gaṅgādhyānaṃ nāma prathamo'dhyāyaḥ |hindī bhāvārthasamāna bhaktajanānandadāyinī parama satī bhagavatī gaṃgā kā (dhyāna karatāmukhavālī, sarvadāsthira rahanevālī yauvanāvasthā se suśobhita, paramaśāntimayī, nārāyaṇa kī priyatamā, parama saubhāgyaśālinī (kā dhyāna karatādhyāna karatā hūm̐ |) unake donoṃ caraṇakamala sthalapadma (gulāba)karane vālā hai | parama pūjanīya, varadāna pradāna karane vālī, bhaktoṃcaraṇoṃ meṃ śaraṇa dene vālī viṣṇupādasambhūta usa parama satī gaṃgākī maiṃ bhakti karatā hūm̐ || 110||

श्री ब्रह्मवैवर्त पुराण से गंगाध्यान नामक प्रथम अध्याय समाप्त ।

śrī brahmavaivarta purāṇa se gaṃgādhyāna nāmaka prathama adhyāya samāpta |