गणेशप्रातःस्मरणं सोमकान्तकृतम् Somakantakritam Pratahsmaranam

श्रीगणेशाय नमः ।सोमकान्त उवाच ।प्रातर्नमामि गणनाथमशेषहेतुंब्रह्मादिदेववरदं सकलागमाढ्यम् ।धर्मार्थकामफलदं जनमोक्षहेतुंवाचामगोचरमनादिमनन्तरूपम् ॥ ७॥

śrīgaṇeśāya namaḥ |somakānta uvāca |prātarnamāmi gaṇanāthamaśeṣahetuṃbrahmādidevavaradaṃ sakalāgamāḍhyam |dharmārthakāmaphaladaṃ janamokṣahetuṃvācāmagocaramanādimanantarūpam || 7||

प्रातर्नमामि कमलापतिमुग्रवीर्यंनानावतारनिरतं निजरक्षणाय ।क्षीराब्धिवासममराधिपबन्धुमीशंपापापहं रिपुहरं भव मुक्तिहेतुम् ॥ ८॥

prātarnamāmi kamalāpatimugravīryaṃnānāvatāranirataṃ nijarakṣaṇāya |kṣīrābdhivāsamamarādhipabandhumīśaṃpāpāpahaṃ ripuharaṃ bhava muktihetum || 8||

प्रातर्नमामि गिरिजापतिमिन्दुमौलिंव्याघ्राजिनांवृतमुदस्तदयंमनोजे ।नारायणेन्द्रवरदं सुरसिद्धजुष्टंसर्पांस्त्रिशूलडमरुदधतं पुरारिम् ॥ ९॥

prātarnamāmi girijāpatimindumauliṃvyāghrājināṃvṛtamudastadayaṃmanoje |nārāyaṇendravaradaṃ surasiddhajuṣṭaṃsarpāṃstriśūlaḍamarudadhataṃ purārim || 9||

प्रातर्नमामि दिननाथमघोपहारंगाढान्धकारहरमुत्तमलोकवन्द्यम् ।वेदत्रयात्मकमुदस्तसुरारिमायंज्ञानैकहेतुमुरुशक्तिमुदारभावम् ॥ १०॥

prātarnamāmi dinanāthamaghopahāraṃgāḍhāndhakāraharamuttamalokavandyam |vedatrayātmakamudastasurārimāyaṃjñānaikahetumuruśaktimudārabhāvam || 10||

प्रातर्नमामि गिरिजां भवभूतिहेतुंसंसारसिन्धु परपारकरीं त्रिनेत्राम् ।तत्त्वादिकारणमुदस्तसुरारिमायांमायामयीं सुरमुनीन्द्रनुतां सुरेशीम् ॥ ११॥

prātarnamāmi girijāṃ bhavabhūtihetuṃsaṃsārasindhu parapārakarīṃ trinetrām |tattvādikāraṇamudastasurārimāyāṃmāyāmayīṃ suramunīndranutāṃ sureśīm || 11||

एवमन्यांश्च संस्मृत्य देवान्मुनिगणांस्तथा ।मानसैरूपचारैश्च पूजयित्वा क्षमापयेत् ॥ १२॥

evamanyāṃśca saṃsmṛtya devānmunigaṇāṃstathā |mānasairūpacāraiśca pūjayitvā kṣamāpayet || 12||

इति सोमकान्तकृतं प्रातःस्मरणं सम्पूर्णम् ॥॥ श्रीगणेशपुराणं उपासना (पूर्व)खण्ड । अध्याय ३ । १\।३ ७१२॥– ॥ श्रीगणेशपुराणं उपासना (पूर्व)खण्ड । अध्याय ३ । १।३ ७-१२॥

iti somakāntakṛtaṃ prātaḥsmaraṇaṃ sampūrṇam |||| śrīgaṇeśapurāṇaṃ upāsanā (pūrva)khaṇḍa | adhyāya 3 | 1\|3 712||– || śrīgaṇeśapurāṇaṃ upāsanā (pūrva)khaṇḍa | adhyāya 3 | 1|3 7-12||