गणेशस्तुतिः Shriganeshastuti

वन्दे गजेन्द्रवदनं वामाङ्कारूढवल्लभाश्लिष्टम् ।कुङ्कुमरागशोणं कुवलयिनीजारकोरकापीडम् ॥ १॥विघ्नान्धकारमित्रं शङ्करपुत्रं सरोजदलनेत्रम् ।सिन्दूरारुणगात्रं सिन्धुरवक्त्रं नमाम्यहोरात्रम् ॥ २॥गलद्दानगण्डं मिलद्भृङ्गषण्डंचलच्चारुशुण्डं जगत्त्राणशौण्डम् ।लसद्दन्तकाण्डं विपद्भङ्गचण्डंशिवप्रेमपिण्डं भजे वक्रतुण्डम् ॥ ३॥गणेश्वरमुपास्महे गजमुखं कृपासागरंसुरासुरनमस्कृतं सुरवरं कुमाराग्रजम् ।सुपाशसृणिमोदकस्फुटितदन्तहस्तोज्ज्वलंशिवोद्भवमभीष्टदं श्रितततेस्सुसिद्धिप्रदम् ॥ ४॥विघ्नध्वान्तनिवारणैकतरणिर्विघ्नाटवीहव्यवाट्विघ्नव्यालकुलप्रमत्तगरुडो विघ्नेभपञ्चाननः ।विघ्नोत्तुङ्गगिरिप्रभेदनपविर्विघ्नाब्धिकुंभोद्भवःविघ्नाघौघघनप्रचण्डपवनो विघ्नेश्वरः पातु नः ॥ ५॥

vande gajendravadanaṃ vāmāṅkārūḍhavallabhāśliṣṭam |kuṅkumarāgaśoṇaṃ kuvalayinījārakorakāpīḍam || 1||vighnāndhakāramitraṃ śaṅkaraputraṃ sarojadalanetram |sindūrāruṇagātraṃ sindhuravaktraṃ namāmyahorātram || 2||galaddānagaṇḍaṃ miladbhṛṅgaṣaṇḍaṃcalaccāruśuṇḍaṃ jagattrāṇaśauṇḍam |lasaddantakāṇḍaṃ vipadbhaṅgacaṇḍaṃśivapremapiṇḍaṃ bhaje vakratuṇḍam || 3||gaṇeśvaramupāsmahe gajamukhaṃ kṛpāsāgaraṃsurāsuranamaskṛtaṃ suravaraṃ kumārāgrajam |supāśasṛṇimodakasphuṭitadantahastojjvalaṃśivodbhavamabhīṣṭadaṃ śritatatessusiddhipradam || 4||vighnadhvāntanivāraṇaikataraṇirvighnāṭavīhavyavāṭvighnavyālakulapramattagaruḍo vighnebhapañcānanaḥ |vighnottuṅgagiriprabhedanapavirvighnābdhikuṃbhodbhavaḥvighnāghaughaghanapracaṇḍapavano vighneśvaraḥ pātu naḥ || 5||