गणेशस्तोत्रम् अथवा महागणपतिस्तोत्रम् अथवा वक्रतुण्डगणेशस्तवराजः Shriganeshastotram

महागणपतिस्तोत्रम्वक्रतुण्डगणेशस्तवराजःॐकारमाद्यं प्रवदन्ति सन्तो वाचः श्रुतिनामपि ये गृणन्ति ।गजाननं देवगणानतांघ्रिं भजेऽहमर्द्धेन्दुकृतावतंसम् ॥ १॥

mahāgaṇapatistotramvakratuṇḍagaṇeśastavarājaḥoṃkāramādyaṃ pravadanti santo vācaḥ śrutināmapi ye gṛṇanti |gajānanaṃ devagaṇānatāṃghriṃ bhaje'hamarddhendukṛtāvataṃsam || 1||

पादारविन्दार्चनतत्पराणां संसारदावानलभङ्गदक्षम् ।निरन्तरं निर्गतदानतोयैस्तं नौमि विघ्नेश्वरमम्बुजाभम् ॥ २॥

pādāravindārcanatatparāṇāṃ saṃsāradāvānalabhaṅgadakṣam |nirantaraṃ nirgatadānatoyaistaṃ naumi vighneśvaramambujābham || 2||

कृताङ्गरागं नवकुंकुमेन, मत्तालिमालां मदपङ्कलग्नाम् ।निवारयन्तं निजकर्णतालैः, को विस्मरेत् पुत्रमनङ्गशत्रोः ॥ ३॥

kṛtāṅgarāgaṃ navakuṃkumena, mattālimālāṃ madapaṅkalagnām |nivārayantaṃ nijakarṇatālaiḥ, ko vismaret putramanaṅgaśatroḥ || 3||

शम्भोर्जटाजूटनिवासिगङ्गाजलं समानीय कराम्बुजेन ।लीलाभिराराच्छिवमर्चयन्तं, गजाननं भक्तियुता भजन्ति ॥ ४॥

śambhorjaṭājūṭanivāsigaṅgājalaṃ samānīya karāmbujena |līlābhirārācchivamarcayantaṃ, gajānanaṃ bhaktiyutā bhajanti || 4||

कुमारभुक्तौ पुनरात्महेतोः, पयोधरौ पर्वतराजपुत्र्याः ।प्रक्षालयन्तं करशीकरेण, मौग्ध्येन तं नागमुखं भजामि ॥ ५॥

kumārabhuktau punarātmahetoḥ, payodharau parvatarājaputryāḥ |prakṣālayantaṃ karaśīkareṇa, maugdhyena taṃ nāgamukhaṃ bhajāmi || 5||

त्वया समुद्धृत्य गजास्यहस्तं, शीकराः पुष्कररन्ध्रमुक्ताः ।व्योमाङ्गने ते विचरन्ति ताराः, कालात्मना मौक्तिकतुल्यभासः ॥ ६॥

tvayā samuddhṛtya gajāsyahastaṃ, śīkarāḥ puṣkararandhramuktāḥ |vyomāṅgane te vicaranti tārāḥ, kālātmanā mauktikatulyabhāsaḥ || 6||

क्रीडारते वारिनिधौ गजास्ये, वेलामतिक्रामति वारिपूरे ।कल्पावसानं परिचिन्त्य देवाः, कैलासनाथं श्रुतिभिः स्तुवन्ति ॥ ७॥

krīḍārate vārinidhau gajāsye, velāmatikrāmati vāripūre |kalpāvasānaṃ paricintya devāḥ, kailāsanāthaṃ śrutibhiḥ stuvanti || 7||

नागानने नागकृतोत्तरीये, क्रीडारते देवकुमारसङ्घैः ।त्वयि क्षणं कालगतिं विहाय, तौ प्रापतुः कन्दुकतामिनेन्दु ॥ ८॥

nāgānane nāgakṛtottarīye, krīḍārate devakumārasaṅghaiḥ |tvayi kṣaṇaṃ kālagatiṃ vihāya, tau prāpatuḥ kandukatāminendu || 8||

मदोल्लसत्पञ्चमुखैरजस्रमध्यापयन्तं सकलागमार्थान् ।देवान् ऋषीन् भक्तजनैकमित्रं, हेरम्बमर्कारुणमाश्रयामि ॥ ९॥

madollasatpañcamukhairajasramadhyāpayantaṃ sakalāgamārthān |devān ṛṣīn bhaktajanaikamitraṃ, herambamarkāruṇamāśrayāmi || 9||

पादाम्बुजाभ्यामतिकोमलाभ्यां, कृतार्थयन्तं कृपया धरित्रीम् ।अकारणं कारणमाप्तवाचां, तन्नागवक्त्रं न जहाति चेतः ॥ १०॥

pādāmbujābhyāmatikomalābhyāṃ, kṛtārthayantaṃ kṛpayā dharitrīm |akāraṇaṃ kāraṇamāptavācāṃ, tannāgavaktraṃ na jahāti cetaḥ || 10||

येनार्पितं सत्यवतीसुताय, पुराणमालिख्य विषाणकोट्या ।तं चन्द्रमौलेस्तनयं तपोभिराराध्यमानन्दघनं भजामि ॥ ११॥

yenārpitaṃ satyavatīsutāya, purāṇamālikhya viṣāṇakoṭyā |taṃ candramaulestanayaṃ tapobhirārādhyamānandaghanaṃ bhajāmi || 11||

पदं श्रुतीनामपदं स्तुतीनां, लीलावतारं परमात्ममूर्तेः ।नागात्मको वा पुरुषात्मको वेत्यभेद्यमाद्यं भज विघ्नराजम् ॥ १२॥

padaṃ śrutīnāmapadaṃ stutīnāṃ, līlāvatāraṃ paramātmamūrteḥ |nāgātmako vā puruṣātmako vetyabhedyamādyaṃ bhaja vighnarājam || 12||

पाशांकुशौ भग्नरदं त्वभीष्टं, करैर्दधानं कररन्ध्रमुक्तैः ।मुक्ताफलाभैः पृथुशीकरौघैः, सिञ्चन्तमङ्गं शिवयोर्भजामि ॥ १३॥

pāśāṃkuśau bhagnaradaṃ tvabhīṣṭaṃ, karairdadhānaṃ kararandhramuktaiḥ |muktāphalābhaiḥ pṛthuśīkaraughaiḥ, siñcantamaṅgaṃ śivayorbhajāmi || 13||

अनेकमेकं गजमेकदन्तं, चैतन्यरूपं जगदादिबीजम् ।ब्रह्मेति यं ब्रह्मविदो वदन्ति, तं शम्भुसूनुं सततं भजामि ॥ १४॥

anekamekaṃ gajamekadantaṃ, caitanyarūpaṃ jagadādibījam |brahmeti yaṃ brahmavido vadanti, taṃ śambhusūnuṃ satataṃ bhajāmi || 14||

अङ्के स्थिताया निजवल्लभाया, मुखाम्बुजालोकनलोलनेत्रम् ।स्मेराननाब्जं मदवैभवेन, रुद्धं भजे विश्वविमोहनं तम् ॥ १५॥

aṅke sthitāyā nijavallabhāyā, mukhāmbujālokanalolanetram |smerānanābjaṃ madavaibhavena, ruddhaṃ bhaje viśvavimohanaṃ tam || 15||

ये पूर्वमाराध्य गजानन! त्वां, सर्वाणि शास्त्राणि पठन्ति तेषाम् ।त्वत्तो न चान्यत् प्रतिपाद्यमस्ति, तदस्ति चेत् सत्यमसत्यकल्पम् ॥ १६॥

ye pūrvamārādhya gajānana! tvāṃ, sarvāṇi śāstrāṇi paṭhanti teṣām |tvatto na cānyat pratipādyamasti, tadasti cet satyamasatyakalpam || 16||

हिरण्यवर्णं जगदीशितारं, कविं पुराणं रविमण्डलस्थम् ।गजाननं यं प्रवदन्ति सन्तस्तत् कालयोगैस्तमहं प्रपद्ये ॥ १७॥

hiraṇyavarṇaṃ jagadīśitāraṃ, kaviṃ purāṇaṃ ravimaṇḍalastham |gajānanaṃ yaṃ pravadanti santastat kālayogaistamahaṃ prapadye || 17||

वेदान्त गीतं पुरुषं भजेऽहमात्मानमानन्दघनं हृदिस्थम् ।गजाननं यन्महसा जनानां, विघ्नान्धकारो विलयं प्रयाति ॥ १८॥

vedānta gītaṃ puruṣaṃ bhaje'hamātmānamānandaghanaṃ hṛdistham |gajānanaṃ yanmahasā janānāṃ, vighnāndhakāro vilayaṃ prayāti || 18||

शम्भोः समालोक्य जटाकलापे, शशाङ्कखण्डं निजपुष्करेण ।स्वभग्नदन्तं प्रविचिन्त्य मौग्ध्यादाकर्ष्टुकामः श्रियमातनोतु ॥ १९॥

śambhoḥ samālokya jaṭākalāpe, śaśāṅkakhaṇḍaṃ nijapuṣkareṇa |svabhagnadantaṃ pravicintya maugdhyādākarṣṭukāmaḥ śriyamātanotu || 19||

विघ्नार्गलानां विनिपातनार्थं, यं नारिकेलैः कदलीफलाद्यैः ।प्रभावयन्तो मदवारणास्यं, प्रभुं सदाऽभीष्टमहं भजे तम् ॥ २०॥

vighnārgalānāṃ vinipātanārthaṃ, yaṃ nārikelaiḥ kadalīphalādyaiḥ |prabhāvayanto madavāraṇāsyaṃ, prabhuṃ sadā'bhīṣṭamahaṃ bhaje tam || 20||

॥ फलश्रुति ॥यज्ञैरनेकैर्बहुभिस्तपोभिराराध्यमाद्यं गजराजवक्त्रम् ।स्तुत्याऽनया ये विधिना स्तुवन्ति, ते सर्वलक्ष्मीनिधयो भवन्ति ॥ १॥

|| phalaśruti ||yajñairanekairbahubhistapobhirārādhyamādyaṃ gajarājavaktram |stutyā'nayā ye vidhinā stuvanti, te sarvalakṣmīnidhayo bhavanti || 1||

॥ इति शारदातिलकतः श्रीगणेशस्तोत्रं सम्पूर्णम् ॥

|| iti śāradātilakataḥ śrīgaṇeśastotraṃ sampūrṇam ||