गणेशस्तवराजः अथवा गणेशाष्टकम् Shriganeshastavarajah

गणेशाष्टकम् च ।श्रीगणेशाय नमः । श्रीभगवानुवाच ।गणेशस्य स्तवं वक्ष्ये कलौ झटिति सिद्धिदम् ।न न्यासो न च संस्कारो न होमो न च तर्पणम् ॥ १॥

gaṇeśāṣṭakam ca |śrīgaṇeśāya namaḥ | śrībhagavānuvāca |gaṇeśasya stavaṃ vakṣye kalau jhaṭiti siddhidam |na nyāso na ca saṃskāro na homo na ca tarpaṇam || 1||

न मार्जनं च पञ्चाशत्सहस्रजपमात्रतः ।सिद्ध्यत्यर्चनतः पञ्चशतब्राह्मणभोजनात् ॥ २॥

na mārjanaṃ ca pañcāśatsahasrajapamātrataḥ |siddhyatyarcanataḥ pañcaśatabrāhmaṇabhojanāt || 2||

अस्य श्रीगणेशस्तवराजमन्त्रस्य भगवान् सदाशिव ऋषिः,अनुष्टुप् छन्दः, श्रीमहागणपतिर्देवता,श्रीमहागणपतिप्रीत्यर्थे जपे विनियोगः ।विनायकैकभावनासमर्चनासमर्पितंप्रमोदकैः प्रमोदकैः प्रमोदमोदमोदकम् ।यदर्पितं सदर्पितं नवान्नधान्यनिर्मितंन कण्डितं न खण्डितं न खण्डमण्डनं कृतम् ॥ १॥

asya śrīgaṇeśastavarājamantrasya bhagavān sadāśiva ṛṣiḥ,anuṣṭup chandaḥ, śrīmahāgaṇapatirdevatā,śrīmahāgaṇapatiprītyarthe jape viniyogaḥ |vināyakaikabhāvanāsamarcanāsamarpitaṃpramodakaiḥ pramodakaiḥ pramodamodamodakam |yadarpitaṃ sadarpitaṃ navānnadhānyanirmitaṃna kaṇḍitaṃ na khaṇḍitaṃ na khaṇḍamaṇḍanaṃ kṛtam || 1||

सजातिकृद्विजातिकृतस्वनिष्ठभेदवर्जितंनिरञ्जनं च निर्गुणं निराकृतिं ह्यनिष्क्रियम्सदात्मकं चिदात्मकं सुखात्मकं परं पदंभजामि तं गजाननं स्वमाययात्तविग्रहम् ॥ २॥

sajātikṛdvijātikṛtasvaniṣṭhabhedavarjitaṃnirañjanaṃ ca nirguṇaṃ nirākṛtiṃ hyaniṣkriyamsadātmakaṃ cidātmakaṃ sukhātmakaṃ paraṃ padaṃbhajāmi taṃ gajānanaṃ svamāyayāttavigraham || 2||

गणाधिप! त्वमष्टमूर्तिरीशसूनुरीश्वरस्त्वमम्बरं च शम्बरं धनञ्जयः प्रभञ्जनः ।त्वमेवं दीक्षितः क्षितिर्निशाकरः प्रभाकरश्चराऽचरप्रचारहेतुरन्तरायशान्तिकृत् ॥ ३॥

gaṇādhipa! tvamaṣṭamūrtirīśasūnurīśvarastvamambaraṃ ca śambaraṃ dhanañjayaḥ prabhañjanaḥ |tvamevaṃ dīkṣitaḥ kṣitirniśākaraḥ prabhākaraścarā'carapracāraheturantarāyaśāntikṛt || 3||

अनेकदं तमालनीलमेकदन्तसुन्दरंगजाननं नमोऽगजाननाऽमृताब्धिचन्दिरम् ।समस्तवेदवादसत्कलाकलापमन्दिरंमहान्तरायकृत्तमोऽर्कमाश्रितोऽन्दरूं परम् ॥ ४॥

anekadaṃ tamālanīlamekadantasundaraṃgajānanaṃ namo'gajānanā'mṛtābdhicandiram |samastavedavādasatkalākalāpamandiraṃmahāntarāyakṛttamo'rkamāśrito'ndarūṃ param || 4||

सरत्नहेमघण्टिकानिनादनुपुरस्वनैमृदङ्गतालनादभेदसाधनानुरूपतः ।धिमिद्धिमित्तथोंगथोङ्गथैयिथैयिशब्दतोविनायकः शशाङ्कशेखरः प्रहृष्य नृत्यति ॥ ५॥

saratnahemaghaṇṭikāninādanupurasvanaimṛdaṅgatālanādabhedasādhanānurūpataḥ |dhimiddhimittathoṃgathoṅgathaiyithaiyiśabdatovināyakaḥ śaśāṅkaśekharaḥ prahṛṣya nṛtyati || 5||

सदा नमामि नायकैकनायकं विनायकंकलाकलापकल्पनानिदानमादिपरूषम् ।गणेश्वरं गुणेश्वरं महेश्वरात्मसम्भवंस्वपादपद्मसेविनामपारवैभवप्रदम् ॥ ६॥

sadā namāmi nāyakaikanāyakaṃ vināyakaṃkalākalāpakalpanānidānamādiparūṣam |gaṇeśvaraṃ guṇeśvaraṃ maheśvarātmasambhavaṃsvapādapadmasevināmapāravaibhavapradam || 6||

भजे प्रचण्डतुन्दिलं सदन्दशूकभूषणंसनन्दनादिवन्दितं समस्तसिद्धसेवितम् ।सुराऽसुरौघयोः सदा जयप्रदं भयप्रदंसमस्तविघ्नघातिनं स्वभक्तपक्षपातिनम् ॥ ७॥

bhaje pracaṇḍatundilaṃ sadandaśūkabhūṣaṇaṃsanandanādivanditaṃ samastasiddhasevitam |surā'suraughayoḥ sadā jayapradaṃ bhayapradaṃsamastavighnaghātinaṃ svabhaktapakṣapātinam || 7||

कराम्बुजातकङ्कणः पदाब्जकिङ्किणोगणोगणेश्वरो गुणार्णवः फणीश्वराङ्गभूषणः ।जगत्त्रयान्तरायशान्तिकारकोऽस्तु तारकोभवार्णवस्थघोरदुर्गहा चिदेकविग्रहः ॥ ८॥

karāmbujātakaṅkaṇaḥ padābjakiṅkiṇogaṇogaṇeśvaro guṇārṇavaḥ phaṇīśvarāṅgabhūṣaṇaḥ |jagattrayāntarāyaśāntikārako'stu tārakobhavārṇavasthaghoradurgahā cidekavigrahaḥ || 8||

यो भक्तिप्रवणश्चराऽचरगुरोः स्तोत्रं गणेशाष्टकंशुद्धः संयतचेतसा यदि पठेन्नित्यं त्रिसन्ध्यं पुमान् ।तस्य श्रीरतुला स्वसिद्धिसहिता श्रीशारदा सर्वदास्यातां तत्परिचारिके किल तदा काः कामनानां कथाः ॥ ९॥

yo bhaktipravaṇaścarā'caraguroḥ stotraṃ gaṇeśāṣṭakaṃśuddhaḥ saṃyatacetasā yadi paṭhennityaṃ trisandhyaṃ pumān |tasya śrīratulā svasiddhisahitā śrīśāradā sarvadāsyātāṃ tatparicārike kila tadā kāḥ kāmanānāṃ kathāḥ || 9||

॥ इति श्रीरुद्रयामलोक्तो गणेशस्तवराजः सम्पूर्णः ॥

|| iti śrīrudrayāmalokto gaṇeśastavarājaḥ sampūrṇaḥ ||