गणेशपञ्चाशन्नामस्तोत्रम् Shri Ganesha Panchashat Nama Stotram Ganesha’s 50 Names

श्री गणेशाय नमः ।ऋषय ऊचुः ।गणेशो गणनाथश्च हेरम्बो गिरिशात्मजः ।पार्वतीनन्दनो वीरो देवराजो गजाननः ॥ १॥

śrī gaṇeśāya namaḥ |ṛṣaya ūcuḥ |gaṇeśo gaṇanāthaśca herambo giriśātmajaḥ |pārvatīnandano vīro devarājo gajānanaḥ || 1||

लम्बोदरो विघ्नराजो योगी सद्योगलक्षणः ।अग्रपूज्यश्चतुर्बाहुरेकदन्तो लिपीश्वरः ॥ २॥

lambodaro vighnarājo yogī sadyogalakṣaṇaḥ |agrapūjyaścaturbāhurekadanto lipīśvaraḥ || 2||

व्याघ्रचर्माम्बरो धीरः सदामङ्गलरूपवान् ।शुक्लास्यो मूषिकारोही केवलो मोक्षदायकः ॥ ३॥

vyāghracarmāmbaro dhīraḥ sadāmaṅgalarūpavān |śuklāsyo mūṣikārohī kevalo mokṣadāyakaḥ || 3||

पद्मी दन्तकरो दन्ती वैष्णवः परमार्थदृक् ।पञ्चपाणिः पञ्चवक्त्रः शिवः शङ्कर ईश्वरः ॥ ४॥

padmī dantakaro dantī vaiṣṇavaḥ paramārthadṛk |pañcapāṇiḥ pañcavaktraḥ śivaḥ śaṅkara īśvaraḥ || 4||

हरिगाता नृत्यकारी शिवपुत्रः स्रवन्मदः ।आनन्दान्दोलितमनाः शैवो धर्मो धनेश्वरः ॥ ५॥

harigātā nṛtyakārī śivaputraḥ sravanmadaḥ |ānandāndolitamanāḥ śaivo dharmo dhaneśvaraḥ || 5||

अनन्तो जगदाधारः शशिसूर्यविलोचनः ।समुद्रपाता सामुद्रः समुद्रजठरो यमः ॥ ६॥

ananto jagadādhāraḥ śaśisūryavilocanaḥ |samudrapātā sāmudraḥ samudrajaṭharo yamaḥ || 6||

दिव्यरूपो वारिनाथो जयश्च विजयस्तथा ।नामान्येतानि पञ्चाशद्गणेशस्य पठेन्नरः ॥ ७॥

divyarūpo vārinātho jayaśca vijayastathā |nāmānyetāni pañcāśadgaṇeśasya paṭhennaraḥ || 7||

यात्रायां पूजने दाने श्राद्धे गङ्गावगाहने ।पुत्रादिमङ्गले कार्ये प्रत्यहञ्च त्रिसन्ध्यकम् ॥ ८॥

yātrāyāṃ pūjane dāne śrāddhe gaṅgāvagāhane |putrādimaṅgale kārye pratyahañca trisandhyakam || 8||

शृणुयाद्यः भक्तियुक्तो विघ्नास्तस्य विमूर्छिताः ।प्रत्यहं मङ्गलं तस्य धनपुत्रादिसम्भवम् ।इष्टदेवमहाभक्तिदायकं वाञ्छितार्थदम् ॥ ९॥

śṛṇuyādyaḥ bhaktiyukto vighnāstasya vimūrchitāḥ |pratyahaṃ maṅgalaṃ tasya dhanaputrādisambhavam |iṣṭadevamahābhaktidāyakaṃ vāñchitārthadam || 9||

इति श्रीगणेशपञ्चाशन्नामस्तोत्रं सम्पूर्णम् ।

iti śrīgaṇeśapañcāśannāmastotraṃ sampūrṇam |