गणेशनामाष्टकस्तोत्रम् Shri Ganesha Namashtaka Stotram

श्रीकृष्ण उवाचश्रुणु देवि महाभागे वेदोक्तं वचनं मम ।यच्छ्रुत्वा हर्षिता नूनं भविष्यसि न संशयः ।विनायकस्ते तनयो महात्मा महतां महान् ॥यं कामः क्रोध उद्वेगो भयं नाविशते कदा ।वेदस्मृतिपुराणेषु संहितासु च भामिनि ॥नामान्यस्योपदिष्टानि सुपुण्यानि महात्मभिः ।यानि तानि प्रवक्ष्यामि निखिलाघहराणि च ॥प्रमथानां गणा यै च नानारूपा महाबलाः ।तेषामीशस्त्वयं यस्माद्गणेशस्तेन कीर्त्तितः ॥ १॥ गणेशः

śrīkṛṣṇa uvācaśruṇu devi mahābhāge vedoktaṃ vacanaṃ mama |yacchrutvā harṣitā nūnaṃ bhaviṣyasi na saṃśayaḥ |vināyakaste tanayo mahātmā mahatāṃ mahān ||yaṃ kāmaḥ krodha udvego bhayaṃ nāviśate kadā |vedasmṛtipurāṇeṣu saṃhitāsu ca bhāmini ||nāmānyasyopadiṣṭāni supuṇyāni mahātmabhiḥ |yāni tāni pravakṣyāmi nikhilāghaharāṇi ca ||pramathānāṃ gaṇā yai ca nānārūpā mahābalāḥ |teṣāmīśastvayaṃ yasmādgaṇeśastena kīrttitaḥ || 1|| gaṇeśaḥ

भूतानि च भविष्याणि वर्तमानानि यानि च ।ब्रह्माण्डान्यखिलान्येव यस्मिंल्लम्बोदरः स तु ॥ २॥ लम्बोदरः

bhūtāni ca bhaviṣyāṇi vartamānāni yāni ca |brahmāṇḍānyakhilānyeva yasmiṃllambodaraḥ sa tu || 2|| lambodaraḥ

यः शिरो देवयोगेन छिन्नं संयोजितं पुनः ।गजस्य शिरसा देवि तेन प्रोक्तो गजाननः ॥ ३॥ गजानन

yaḥ śiro devayogena chinnaṃ saṃyojitaṃ punaḥ |gajasya śirasā devi tena prokto gajānanaḥ || 3|| gajānana

चतुर्थ्यामुदितश्चन्द्रो दर्भिणा शप्त आतुरः ।अनेन विधृतो भाले भालचन्द्रस्ततः स्मृतः ॥ ४॥ ततोऽभवत् भालचन्द्रः

caturthyāmuditaścandro darbhiṇā śapta āturaḥ |anena vidhṛto bhāle bhālacandrastataḥ smṛtaḥ || 4|| tato'bhavat bhālacandraḥ

शप्तः पुरा सप्तभिस्तु मुनिभिः सङ्क्षयं गतः ।जातवेदा दीपितोऽभूद्येनासौ शूर्पकर्णकः ॥ ५॥ शूर्पकर्णः

śaptaḥ purā saptabhistu munibhiḥ saṅkṣayaṃ gataḥ |jātavedā dīpito'bhūdyenāsau śūrpakarṇakaḥ || 5|| śūrpakarṇaḥ

पुरा देवासुरे युद्धे पूजितो दिविषद्गणैः ।विघ्नं निवारयामास विघ्ननाशस्ततः स्मृतः ॥ ६॥ विघ्ननाशः

purā devāsure yuddhe pūjito diviṣadgaṇaiḥ |vighnaṃ nivārayāmāsa vighnanāśastataḥ smṛtaḥ || 6|| vighnanāśaḥ

अद्यायं देवि रामेण कुठारेण निपात्य च ।दशनं दैवतो भद्रे ह्येकदन्तः कृतोऽमुना ॥ ७॥ एकदन्तः

adyāyaṃ devi rāmeṇa kuṭhāreṇa nipātya ca |daśanaṃ daivato bhadre hyekadantaḥ kṛto'munā || 7|| ekadantaḥ

भविष्यत्यथ पर्याये ब्रह्मणो हरवल्लभः ।वक्रीभविष्यत्तुण्डत्वाद्वक्रतुण्डः स्मृतो बुधैः ॥ ८॥ वक्रतुण्डः

bhaviṣyatyatha paryāye brahmaṇo haravallabhaḥ |vakrībhaviṣyattuṇḍatvādvakratuṇḍaḥ smṛto budhaiḥ || 8|| vakratuṇḍaḥ

एवं तवास्य पुत्रस्य सन्ति नामानि पार्वती ।स्मरणात्पापहारीणि त्रिकालानुगतान्यपि ॥ ९॥

evaṃ tavāsya putrasya santi nāmāni pārvatī |smaraṇātpāpahārīṇi trikālānugatānyapi || 9||

अस्मात्त्रयोदशीकल्पात्पूर्वस्मिन्दशमीभवे ।मयास्मै तु वरो दत्तः सर्गदेवाग्रपूजने ॥ १०॥

asmāttrayodaśīkalpātpūrvasmindaśamībhave |mayāsmai tu varo dattaḥ sargadevāgrapūjane || 10||

जातकर्मादिसंस्कारे गर्भाधानादिकेऽपि च ।यात्रायां च वणिज्यादौ युद्धे देवार्चने शुभे ॥ ११॥

jātakarmādisaṃskāre garbhādhānādike'pi ca |yātrāyāṃ ca vaṇijyādau yuddhe devārcane śubhe || 11||

सङ्कष्टे काम्यसिद्।ह्ध्यर्थं पूजयेद्यो गजाननम् ।तस्य सर्वाणि कार्याणि सिद्।ह्ध्यन्त्येव न संशयः ॥ १२॥

saṅkaṣṭe kāmyasid|hdhyarthaṃ pūjayedyo gajānanam |tasya sarvāṇi kāryāṇi sid|hdhyantyeva na saṃśayaḥ || 12||

इति श्रीब्रह्माण्डे महापुराणे वायुप्रोक्ते मध्यभागे तृतीयउपोद्धातपादे भार्गवचरिते द्विचत्वारिंशत्तमोऽध्यायान्तर्गतंश्रीकृष्णप्रोक्तं श्रीगणेशनामाष्टकस्तोत्रं सम्पूर्णम् ॥ ४२॥

iti śrībrahmāṇḍe mahāpurāṇe vāyuprokte madhyabhāge tṛtīyaupoddhātapāde bhārgavacarite dvicatvāriṃśattamo'dhyāyāntargataṃśrīkṛṣṇaproktaṃ śrīgaṇeśanāmāṣṭakastotraṃ sampūrṇam || 42||

णा

ṇā