गाणपत्यत्वप्राप्तिवर्णनम् बाणप्रार्थितम् Banaprarthita Ganapatyatvaprapti Varnanam

बाणःभक्तिं त्वदीयजनसङ्गममेव शम्भोलिङ्गार्चनं च सुभगं तव बाणलिङ्गे ।सम्प्रार्थयामि भगवंस्तव भक्तिभावंवाञ्छा न मे भवति तुच्छभवादिधर्मे ॥ १॥

bāṇaḥbhaktiṃ tvadīyajanasaṅgamameva śambholiṅgārcanaṃ ca subhagaṃ tava bāṇaliṅge |samprārthayāmi bhagavaṃstava bhaktibhāvaṃvāñchā na me bhavati tucchabhavādidharme || 1||

किं यागैरतितुतुच्छभोगफलदैः स्वर्गादिपातान्तकैःकिं गोभिर्धनन्यान्यरत्ननिकरैर्हैमैश्च पात्रार्पणैः ।शम्भो नार्मदलिङ्गमस्तकगमं बिल्वीदलैः कोमलैःसम्पूज्य प्रमथाधिनाथपदवीं प्राप्नोति भाग्यैर्युतः ॥ २॥

kiṃ yāgairatitutucchabhogaphaladaiḥ svargādipātāntakaiḥkiṃ gobhirdhananyānyaratnanikarairhaimaiśca pātrārpaṇaiḥ |śambho nārmadaliṅgamastakagamaṃ bilvīdalaiḥ komalaiḥsampūjya pramathādhināthapadavīṃ prāpnoti bhāgyairyutaḥ || 2||

नीरैर्नार्मदजैः सुशोभितमहाकर्पूरखण्डद्रवैःसंसेव्यालोक्य हृष्टो भवदभयपदं प्राप्तुमिच्छामि शम्भो ।गाणापत्यं ममास्तु प्रियममरवरैर्दुर्लभं त्वत्पदाब्जेभक्तिर्भक्तैः सहास्तु प्रतिदिवसमहो सङ्गमश्चाघहारी ॥ ३॥

nīrairnārmadajaiḥ suśobhitamahākarpūrakhaṇḍadravaiḥsaṃsevyālokya hṛṣṭo bhavadabhayapadaṃ prāptumicchāmi śambho |gāṇāpatyaṃ mamāstu priyamamaravarairdurlabhaṃ tvatpadābjebhaktirbhaktaiḥ sahāstu pratidivasamaho saṅgamaścāghahārī || 3||

सद्यो नार्मदलिङ्गमण्डलमिदं बाणाख्यतां प्राप्नुयादेवं देयो वरो मे प्रथयितुमखिलं लोकमद्य प्रसीद ॥ ४॥

sadyo nārmadaliṅgamaṇḍalamidaṃ bāṇākhyatāṃ prāpnuyādevaṃ deyo varo me prathayitumakhilaṃ lokamadya prasīda || 4||

ईश्वरःतस्योदारवचो निशम्य गिरिजे दत्तो वरो मे कृतोगाणापत्यपदे स दैत्यतनयः शक्रादिगर्वापहः ।सर्वं भक्तजनार्पणाय सततं चित्तं मदीयं शिवेसद्भक्तो भुवि दुर्लभः सुखकरः श्रीबाणलिङ्गार्चकः ॥ ५॥

īśvaraḥtasyodāravaco niśamya girije datto varo me kṛtogāṇāpatyapade sa daityatanayaḥ śakrādigarvāpahaḥ |sarvaṃ bhaktajanārpaṇāya satataṃ cittaṃ madīyaṃ śivesadbhakto bhuvi durlabhaḥ sukhakaraḥ śrībāṇaliṅgārcakaḥ || 5||

॥ इति शिवरहस्यान्तर्गते बाणप्रोक्तं गाणपत्यत्ववर्णनं सम्पूर्णम् ॥॥ श्रीशिवरहस्यम् । भर्गाख्यः पञ्चमांशः । अध्यायः १०। ७०७४॥

|| iti śivarahasyāntargate bāṇaproktaṃ gāṇapatyatvavarṇanaṃ sampūrṇam |||| śrīśivarahasyam | bhargākhyaḥ pañcamāṃśaḥ | adhyāyaḥ 10| 7074||

– ॥ श्रीशिवरहस्यम् ।भर्गाख्यः पन्चमांशः ।अध्यायः १०। ७०-७४॥

– || śrīśivarahasyam |bhargākhyaḥ pancamāṃśaḥ |adhyāyaḥ 10| 70-74||