गणाधीशस्तोत्रम् योगशान्तिप्रदम् Yogashantipradam Ganadhishastotram
gaṇādhīśastotram yogaśāntipradam
Yogashantipradam Ganadhishastotram (गणाधीशस्तोत्रम् योगशान्तिप्रदम्): a stotra to Gaṇeśa, from the mudgalapurāṇa. 12 verses in Sanskrit with Devanagari and IAST.
- Stotra
- Stotra
- Gaṇeśa
- mudgalapurāṇa
गणाधीशस्तोत्रम् योगशान्तिप्रदम्
1 / 12
श्रीगणेशाय नमः ।कर्दम उवाच ।केनोपायेन भो वत्स योगशान्तिः प्रलभ्यते ।तदर्थं पूजनीयं किं तद्वदस्व जनार्दन ॥ १॥
śrīgaṇeśāya namaḥ |kardama uvāca |kenopāyena bho vatsa yogaśāntiḥ pralabhyate |tadarthaṃ pūjanīyaṃ kiṃ tadvadasva janārdana || 1||
कपिल उवाच ।गणेशभजनं मुख्यं शान्तियोगप्रदं मतम् ।योगाकारस्वरूपं तं ब्रह्मेशं भज मानद ॥ २॥
kapila uvāca |gaṇeśabhajanaṃ mukhyaṃ śāntiyogapradaṃ matam |yogākārasvarūpaṃ taṃ brahmeśaṃ bhaja mānada || 2||
सर्वादिः सर्वपूज्योऽयं सर्वाधारो महामुने ।य आदिः प्रलयान्ते स तिष्ठति शास्त्रसंमतम् ॥ ३॥
sarvādiḥ sarvapūjyo'yaṃ sarvādhāro mahāmune |ya ādiḥ pralayānte sa tiṣṭhati śāstrasaṃmatam || 3||
ज्येष्ठराजं गणेशानं वेदेषु प्रवदन्ति तम् ।गणाः समूहरूपाश्च तेषां स्वामी प्रकथ्यते ॥ ४॥
jyeṣṭharājaṃ gaṇeśānaṃ vedeṣu pravadanti tam |gaṇāḥ samūharūpāśca teṣāṃ svāmī prakathyate || 4||
नानाजगत्स्वरूपं वैदेहरूपं कृतं मुने ।नानाब्रह्ममयं तेन शिरः कृतं महात्मना ॥ ५॥
nānājagatsvarūpaṃ vaideharūpaṃ kṛtaṃ mune |nānābrahmamayaṃ tena śiraḥ kṛtaṃ mahātmanā || 5||
यस्माज्जातमिदं यत्र ह्यन्ते गच्छति महामते ।तद्वेदे गजशब्दाख्यं शिरस्तेन गजाननः ॥ ६॥
yasmājjātamidaṃ yatra hyante gacchati mahāmate |tadvede gajaśabdākhyaṃ śirastena gajānanaḥ || 6||
त्रिविधं भेदयुक्तं यदखण्डं वै तुरीयकम् ।तयोर्योगे गणेशोऽयं देहमस्तकयोर्गतः ॥ ७॥
trividhaṃ bhedayuktaṃ yadakhaṇḍaṃ vai turīyakam |tayoryoge gaṇeśo'yaṃ dehamastakayorgataḥ || 7||
चित्तं पञ्चविधं प्रोक्तं तत्र मोहश्च पञ्चधा ।मोहरूपा महासिद्धिर्बुद्धिश्च मोहधारका ॥ ८॥
cittaṃ pañcavidhaṃ proktaṃ tatra mohaśca pañcadhā |moharūpā mahāsiddhirbuddhiśca mohadhārakā || 8||
तयोः स्वामी गणाधीशश्चित्ते नित्यं प्रतिष्ठितः ।चिन्तामणिर्महाभागो लभ्यते योगसेवया ॥ ९॥
tayoḥ svāmī gaṇādhīśaścitte nityaṃ pratiṣṭhitaḥ |cintāmaṇirmahābhāgo labhyate yogasevayā || 9||
पञ्चधा चित्तमुत्सृज्य तदैश्चर्यं तथैव च ।योगः शान्तिमयः सद्यः प्राप्यते ब्रह्मणस्पतिः ॥ १०॥
pañcadhā cittamutsṛjya tadaiścaryaṃ tathaiva ca |yogaḥ śāntimayaḥ sadyaḥ prāpyate brahmaṇaspatiḥ || 10||
तस्मात्तं भज मन्त्रेणैकाक्षरेण महामुने ।तेन तुष्टो गणेशानो योगं दास्यति शान्तिदम् ॥ ११॥
tasmāttaṃ bhaja mantreṇaikākṣareṇa mahāmune |tena tuṣṭo gaṇeśāno yogaṃ dāsyati śāntidam || 11||
इति मुद्गलपुराणान्तर्गतं श्रीगणाधीशस्तोत्रं समाप्तम् ।
iti mudgalapurāṇāntargataṃ śrīgaṇādhīśastotraṃ samāptam |
॥ इति गणाधीशस्तोत्रम् योगशान्तिप्रदम् सम्पूर्णम् ॥
Recitation complete
- Meaning
- Grammar
Meanings, sources and related recitations appear here once you finish reading.
Questions
How many verses are in Yogashantipradam Ganadhishastotram?
Yogashantipradam Ganadhishastotram has 12 verses on this page, each shown with its number, Devanagari text and transliteration, and meaning where available.
Can I read Yogashantipradam Ganadhishastotram in Telugu, Kannada or Tamil?
Yes. Use the script buttons at the top of the text (देवनागरी, తెలుగు, ಕನ್ನಡ, தமிழ்) to read the same verses in Telugu, Kannada or Tamil script. Turn on IAST for Roman letters with pronunciation marks. Your choice is remembered on this device.
Is there a PDF of Yogashantipradam Ganadhishastotram?
You do not need a PDF: this page has the complete text, kept up to date when corrections are made, in every script and with meanings. Tap Save to keep it in your library and open it any time.
