दुर्गाष्टोत्तरशतनामस्तोत्रम् २ मूलदुर्गा Shri Durga Ashtottarashatanama Stotram

॥ ॐ ॥॥ श्री दुर्गायै नमः ॥अथ श्रीदुर्गाष्टोत्तरशतनामस्तोत्रम् ।ॐ दुर्गा शिवा महालक्ष्मीर्महागौरी च चण्डिका ।सर्वज्ञा सर्वलोकेशा सर्वकर्मफलप्रदा ॥ १ ॥

|| oṃ |||| śrī durgāyai namaḥ ||atha śrīdurgāṣṭottaraśatanāmastotram |oṃ durgā śivā mahālakṣmīrmahāgaurī ca caṇḍikā |sarvajñā sarvalokeśā sarvakarmaphalapradā || 1 ||

सर्वतीर्थमया पुण्या देवयोनिरयोनिजा ।भूमिजा निर्गुणा चैवाधारशक्तिरनीश्वरा ॥ २ ॥

sarvatīrthamayā puṇyā devayonirayonijā |bhūmijā nirguṇā caivādhāraśaktiranīśvarā || 2 ||

निर्गुणा निरहङ्कारा सर्वगर्वविमर्दिनी ।सर्वलोकप्रिया वाणी सर्वविद्याधिदेवता ॥ ३ ॥

nirguṇā nirahaṅkārā sarvagarvavimardinī |sarvalokapriyā vāṇī sarvavidyādhidevatā || 3 ||

पार्वती देवमाता च वनीशा विन्ध्यवासिनी ।तेजोवती महामाता कोटिसूर्यसमप्रभा ॥ ४ ॥

pārvatī devamātā ca vanīśā vindhyavāsinī |tejovatī mahāmātā koṭisūryasamaprabhā || 4 ||

देवता वह्निरूपा च सदौजा वर्णरूपिणी ।गुणाश्रया गुणमयी गुणत्रयविवर्जिता ॥ ५ ॥

devatā vahnirūpā ca sadaujā varṇarūpiṇī |guṇāśrayā guṇamayī guṇatrayavivarjitā || 5 ||

कर्मज्ञानप्रदा कान्ता सर्वसंहारकारिणी ।धर्मज्ञाना धर्मनिष्ठा सर्वकर्मविवर्जिता ॥ ६ ॥

karmajñānapradā kāntā sarvasaṃhārakāriṇī |dharmajñānā dharmaniṣṭhā sarvakarmavivarjitā || 6 ||

कामाक्षा कामसंहन्त्री कामक्रोधविवर्जिता ।शाङ्करी शाम्भवी शान्ता चन्द्रसूर्याग्निलोचना ॥ ७ ॥

kāmākṣā kāmasaṃhantrī kāmakrodhavivarjitā |śāṅkarī śāmbhavī śāntā candrasūryāgnilocanā || 7 ||

सुजया जयभूमिष्ठा जाह्नवी जनपूजिता ।शास्त्रा शास्त्रमया नित्या शुभा चन्द्रार्धमस्तका ॥ ८ ॥

sujayā jayabhūmiṣṭhā jāhnavī janapūjitā |śāstrā śāstramayā nityā śubhā candrārdhamastakā || 8 ||

भारती भ्रामरी कल्पा कराली कृष्णपिङ्गला ।ब्राह्मी नारायणी रौद्रा चन्द्रामृतपरिश्रुता ॥ ९ ॥

bhāratī bhrāmarī kalpā karālī kṛṣṇapiṅgalā |brāhmī nārāyaṇī raudrā candrāmṛtapariśrutā || 9 ||

ज्येष्ठेन्दिरा महामाया जगत्सृष्ट्यादिकारिणी ।ब्रह्माण्डकोटिसंस्थाना कामिनी कमलालया ॥ १० ॥

jyeṣṭhendirā mahāmāyā jagatsṛṣṭyādikāriṇī |brahmāṇḍakoṭisaṃsthānā kāminī kamalālayā || 10 ||

कात्यायनी कलातीता कालसंहारकारिणी ।योगिनिष्ठा योगिगम्या योगिध्येया तपस्विनी ॥ ११ ॥

kātyāyanī kalātītā kālasaṃhārakāriṇī |yoginiṣṭhā yogigamyā yogidhyeyā tapasvinī || 11 ||

ज्ञानरूपा निराकारा भक्ताभीष्टफलप्रदा ।भूतात्मिका भूतमाता भूतेशा भूतधारिणी ॥ १२ ॥

jñānarūpā nirākārā bhaktābhīṣṭaphalapradā |bhūtātmikā bhūtamātā bhūteśā bhūtadhāriṇī || 12 ||

स्वधानारीमध्यगता षडाधारादिवर्तिनी ।मोह्हिता शुभदा शुभ्रा सूक्ष्मा मात्रा निरालसा ॥ १३ ॥

svadhānārīmadhyagatā ṣaḍādhārādivartinī |mohhitā śubhadā śubhrā sūkṣmā mātrā nirālasā || 13 ||

निम्नगा नीलसङ्काशा नित्यानन्दा हरा परा ।सर्वज्ञानप्रदाऽनन्ता सत्या दुर्लभरूपिणी ।सरस्वती सर्वगता सर्वाभीष्टप्रदायिनी ॥ १४॥

nimnagā nīlasaṅkāśā nityānandā harā parā |sarvajñānapradā'nantā satyā durlabharūpiṇī |sarasvatī sarvagatā sarvābhīṣṭapradāyinī || 14||

॥ इति दुर्गाष्टोत्तरशतनामस्तोत्रं सम्पूर्णम् ॥मूलदुर्गाष्टोत्तरशतनामस्तोत्रं

|| iti durgāṣṭottaraśatanāmastotraṃ sampūrṇam ||mūladurgāṣṭottaraśatanāmastotraṃ