शिवकामसुन्दर्यम्बादण्डकः Shri Shivakamasundaryamba Dandaka 08-14

जय जय शिवकामसुन्दर्युमे, देवि, रम्याकृते,भक्तराजीहृदन्तःस्थिताज्ञानगाढान्धकारप्रभेदस्फुरद्वालसूर्यायमाणैर्नखैः भूषिते पादकान्त्यानिरस्तारुणाभाम्बुजे, जङ्घयाधःकृतानङ्गतूणीयुगे,कन्तुजिन्मोहदोरूद्वयीशोभिते, दिव्यकौसुम्भपट्टाम्बरालङ्कृते,नैकरत्नच्छदाभासुरोद्दामकाञ्चीलतामण्डिते,नीलरोमावलीमेयमध्यानते, कोकयुग्मोल्लसद्वक्षजातोन्नते,तारहारावलीराजिताभ्यन्तरे,पार्विकस्वच्छशीतांशुबिम्बस्फुरद्वक्त्रशोभासरोमज्जदीशानहृज्जातसद्बुद्बुदौपम्यवन्नासिकामौक्तिकोद्भासिते,नीलकञ्जातसौन्दर्यजिल्लोचनोद्यत्कटाक्षावलीरक्षिताशेषलोके,महारत्नराजीलसच्चारुकोटीरभाराजिते, मञ्जुले,कामजित्स्वान्तसम्मोहकान्यङ्गकान्यम्बको वा भृशं वर्णितुंशक्नुयाद्वेदवाचां सुदूराणि दिव्यानि ते सच्चरित्राणि को वेद भूम्यामुमे ॥ १॥

jaya jaya śivakāmasundaryume, devi, ramyākṛte,bhaktarājīhṛdantaḥsthitājñānagāḍhāndhakāraprabhedasphuradvālasūryāyamāṇairnakhaiḥ bhūṣite pādakāntyānirastāruṇābhāmbuje, jaṅghayādhaḥkṛtānaṅgatūṇīyuge,kantujinmohadorūdvayīśobhite, divyakausumbhapaṭṭāmbarālaṅkṛte,naikaratnacchadābhāsuroddāmakāñcīlatāmaṇḍite,nīlaromāvalīmeyamadhyānate, kokayugmollasadvakṣajātonnate,tārahārāvalīrājitābhyantare,pārvikasvacchaśītāṃśubimbasphuradvaktraśobhāsaromajjadīśānahṛjjātasadbudbudaupamyavannāsikāmauktikodbhāsite,nīlakañjātasaundaryajillocanodyatkaṭākṣāvalīrakṣitāśeṣaloke,mahāratnarājīlasaccārukoṭīrabhārājite, mañjule,kāmajitsvāntasammohakānyaṅgakānyambako vā bhṛśaṃ varṇituṃśaknuyādvedavācāṃ sudūrāṇi divyāni te saccaritrāṇi ko veda bhūmyāmume || 1||

भगवति,निजपादसेवासमायातसप्तार्णवीसन्निभोदारगम्भीरतावन्महाशैवगङ्गाख्यतीर्थोत्तमप्रान्तसंरूढचाम्पेयगन्धाभिरामातिबालानिलाधूतचीनांशुकोन्नद्धकेतुस्फुरद्गोपुरालङ्कृते,तारमङ्गापुरे तारकानायकेदक्षकोपाभिभूते पुरा कृत्तिकारोहिणीपूर्वतत्प्रेयसीभिःस्वमाङ्गल्यसिद्धयै सदा सेविते, ब्रह्मणा वह्निना धर्मराजेनरक्षोजलाधीशवातैस्तथा राजराजादिसर्वामराधीश्वरैर्नित्यमाराधिते,वेदवाग्बोधिते, चारुकैलासनाथे हरे बद्धभावे शिवे ॥ २॥

bhagavati,nijapādasevāsamāyātasaptārṇavīsannibhodāragambhīratāvanmahāśaivagaṅgākhyatīrthottamaprāntasaṃrūḍhacāmpeyagandhābhirāmātibālānilādhūtacīnāṃśukonnaddhaketusphuradgopurālaṅkṛte,tāramaṅgāpure tārakānāyakedakṣakopābhibhūte purā kṛttikārohiṇīpūrvatatpreyasībhiḥsvamāṅgalyasiddhayai sadā sevite, brahmaṇā vahninā dharmarājenarakṣojalādhīśavātaistathā rājarājādisarvāmarādhīśvarairnityamārādhite,vedavāgbodhite, cārukailāsanāthe hare baddhabhāve śive || 2||

अमृतजलधिमध्यभागोल्लसद्रत्नवर्योज्ज्वलद्द्वीपदेशेमिलत्कल्पवाटीवृते चारुचिन्तामणीगेहमध्येमहाचक्रराजस्फुरत्पीठिकायां सुरश्रेष्ठमुख्यामराधीशपादे,सदा शम्भुमञ्चे महेशानकामेश्वरस्याङ्कमध्यस्थिते, देवि,कामेश्वरीपूर्वसर्वामरीयूथनाथाभिरारादुदाराभिरामाभिधानाभिराराधिते,अत्यन्तहृद्यं तमुद्यन्तमानन्दरूपं सदा शम्भुमम्ब त्वया साकमेवंहृदा ये भजन्ते मुदा ते हि लोकेश्वराः ॥ ३॥

amṛtajaladhimadhyabhāgollasadratnavaryojjvaladdvīpadeśemilatkalpavāṭīvṛte cārucintāmaṇīgehamadhyemahācakrarājasphuratpīṭhikāyāṃ suraśreṣṭhamukhyāmarādhīśapāde,sadā śambhumañce maheśānakāmeśvarasyāṅkamadhyasthite, devi,kāmeśvarīpūrvasarvāmarīyūthanāthābhirārādudārābhirāmābhidhānābhirārādhite,atyantahṛdyaṃ tamudyantamānandarūpaṃ sadā śambhumamba tvayā sākamevaṃhṛdā ye bhajante mudā te hi lokeśvarāḥ || 3||

गिरिवरतनये सदा सम्पदं पुत्रपौत्राभिवृद्धिं च देहीतियाच्याक्रमः स्वर्गमोक्षप्रदायां त्वयि स्वल्पकस्तन्मया यत्स्तुतौयच्च पूजाविधौ ध्यानयोगे नमस्यासु यच्चापराद्धं शिवे क्षम्यतांसर्वमेतत्वया सर्वलोकेश्वरि त्वं सदा पाहि मां तुभ्यमस्तुप्रणामाञ्जलीनां शतम् ॥ ४॥

girivaratanaye sadā sampadaṃ putrapautrābhivṛddhiṃ ca dehītiyācyākramaḥ svargamokṣapradāyāṃ tvayi svalpakastanmayā yatstutauyacca pūjāvidhau dhyānayoge namasyāsu yaccāparāddhaṃ śive kṣamyatāṃsarvametatvayā sarvalokeśvari tvaṃ sadā pāhi māṃ tubhyamastupraṇāmāñjalīnāṃ śatam || 4||

इति श्रीशिवकामसुन्दर्यम्बादण्डकः समाप्तः ।

iti śrīśivakāmasundaryambādaṇḍakaḥ samāptaḥ |