सीताष्टाक्षरस्तोत्रम् Shri Sita Ashtakshara Stotram

(वसिष्ठसंहितान्तर्गतम्)श्रीसीताराम चरणौ शरणं प्रपद्ये ।अङ्गद उवाचलङ्काया हि प्रचण्डोग्रेर्यत्पाठाद् रक्षितोऽसि तत् ।श्रीसीताष्टाक्षरस्तोत्रं वक्तुमर्हसि मारुते ॥ १॥

(vasiṣṭhasaṃhitāntargatam)śrīsītārāma caraṇau śaraṇaṃ prapadye |aṅgada uvācalaṅkāyā hi pracaṇḍogreryatpāṭhād rakṣito'si tat |śrīsītāṣṭākṣarastotraṃ vaktumarhasi mārute || 1||

हनुमान उवाचरामभक्त महाभाग सन्मते वालिनन्दन ।श्रीसीताष्टाक्षरस्तोत्रं सर्वभीतिहरं शृणु ॥ २॥

hanumāna uvācarāmabhakta mahābhāga sanmate vālinandana |śrīsītāṣṭākṣarastotraṃ sarvabhītiharaṃ śṛṇu || 2||

श्रीमद् रामप्रिया पुण्या श्रीमद् रामपरायणा ।श्रीमद् रामादभिन्ना च श्रीसीता शरणं मम ॥ ३॥

śrīmad rāmapriyā puṇyā śrīmad rāmaparāyaṇā |śrīmad rāmādabhinnā ca śrīsītā śaraṇaṃ mama || 3||

शरणाश्रित रक्षित्री भास्करार्देविभासिता ।आकार त्रय शिक्षित्री श्रीसीता शरणं मम ॥ ४॥

śaraṇāśrita rakṣitrī bhāskarārdevibhāsitā |ākāra traya śikṣitrī śrīsītā śaraṇaṃ mama || 4||

शक्तिदा शक्तिहीनानां भक्तिदा भक्तिकामिनाम् ।मुक्तिदा मुक्तिकामानां श्रीसीता शरणं मम ॥ ५॥

śaktidā śaktihīnānāṃ bhaktidā bhaktikāminām |muktidā muktikāmānāṃ śrīsītā śaraṇaṃ mama || 5||

ब्रह्माण्युमारमाराध्या ब्रह्मेशादि सुरस्तुता ।वेदवेद्या गुणाम्भोधिः श्रीसीता शरणं मम ॥ ६॥

brahmāṇyumāramārādhyā brahmeśādi surastutā |vedavedyā guṇāmbhodhiḥ śrīsītā śaraṇaṃ mama || 6||

शुन्या हि निग्रहेण्यानुग्रहाब्धिः सुवत्सलाः ।जननी सर्वलोकानां श्रीसीता शरणं मम ॥ ७॥

śunyā hi nigraheṇyānugrahābdhiḥ suvatsalāḥ |jananī sarvalokānāṃ śrīsītā śaraṇaṃ mama || 7||

चिदचिदाभ्यां विशिष्टा च सच्चिदानन्दरूपिणी ।कार्यकारणरूपा च श्रीसीता शरणं मम ॥ ८॥

cidacidābhyāṃ viśiṣṭā ca saccidānandarūpiṇī |kāryakāraṇarūpā ca śrīsītā śaraṇaṃ mama || 8||

विशोका दिव्यलोका च बिम्बी दिव्या च भूषणा ।दिव्याम्बरा च दिव्यांगी श्रीसीता शरणं मम ॥ ९॥

viśokā divyalokā ca bimbī divyā ca bhūṣaṇā |divyāmbarā ca divyāṃgī śrīsītā śaraṇaṃ mama || 9||

भर्त्री च जगतः कर्त्री हर्त्री जनकनन्दिनी ।जगद्धर्त्री जगद्योनीः श्रीसीता शरणं मम ॥सर्वकर्मसमाराध्या सर्वकर्मफलप्रदा ।सर्वेश्वरी च सर्वज्ञा श्रीसीता शरणं मम ॥ १०॥

bhartrī ca jagataḥ kartrī hartrī janakanandinī |jagaddhartrī jagadyonīḥ śrīsītā śaraṇaṃ mama ||sarvakarmasamārādhyā sarvakarmaphalapradā |sarveśvarī ca sarvajñā śrīsītā śaraṇaṃ mama || 10||

नित्यमुक्तस्तुता स्तुत्या सेविता विमलादिभिः ।अमोघपूजन स्तोत्रा श्रीसीता शरणं मम ॥कल्पवल्ली हि दीनानां सर्वदारिद्र्यनाशिनी ।भूमिजा शान्तिदा शान्ता श्रीसीता शरणं मम ॥ ११॥

nityamuktastutā stutyā sevitā vimalādibhiḥ |amoghapūjana stotrā śrīsītā śaraṇaṃ mama ||kalpavallī hi dīnānāṃ sarvadāridryanāśinī |bhūmijā śāntidā śāntā śrīsītā śaraṇaṃ mama || 11||

आपदाहारिणी चाथकारिणी सर्वसम्पदाम् ।भवाब्धितारिणी सेव्या श्रीसीता शरणं मम ॥ १२॥

āpadāhāriṇī cāthakāriṇī sarvasampadām |bhavābdhitāriṇī sevyā śrīsītā śaraṇaṃ mama || 12||

वसिष्ठ उवाचपाठाद् हनुमता प्रोक्तं नित्य मुक्तन सदा (?) ।श्रीसीताष्टाक्षरस्तोत्रं भुक्तिमुक्ति प्रदान् सदा ॥ १३॥

vasiṣṭha uvācapāṭhād hanumatā proktaṃ nitya muktana sadā (?) |śrīsītāṣṭākṣarastotraṃ bhuktimukti pradān sadā || 13||

ॐ ह्रीं श्रीं सीतायै नमः ।

oṃ hrīṃ śrīṃ sītāyai namaḥ |