शीतलाकवचम् Shri Shitala Kavacham

पार्वत्युवाचभगवन् सर्वधर्मज्ञ सर्वशास्त्रविशारद ।शीतलाकवचं ब्रूहि सर्वभूतोपकारकम् ॥ १॥

pārvatyuvācabhagavan sarvadharmajña sarvaśāstraviśārada |śītalākavacaṃ brūhi sarvabhūtopakārakam || 1||

वद शीघ्रं महादेव ! कृपां कुरु ममोपरि ।इति देव्याः वचो श्रुत्वा क्षणं ध्यात्वा महेश्वरः ॥ २॥

vada śīghraṃ mahādeva ! kṛpāṃ kuru mamopari |iti devyāḥ vaco śrutvā kṣaṇaṃ dhyātvā maheśvaraḥ || 2||

उवाच वचनं प्रीत्या तत्शृणुष्व मम प्रिये ।शीतलाकवचं दिव्यं शृणु मत्प्राणवल्लभे ॥ ३॥

uvāca vacanaṃ prītyā tatśṛṇuṣva mama priye |śītalākavacaṃ divyaṃ śṛṇu matprāṇavallabhe || 3||

ईश्वर उवाचशीतलासारसर्वस्वं कवचं मन्त्रगर्भितम् ।कवचं विना जपेत् यो वै नैव सिद्धयन्ति कलौ ॥ ४॥

īśvara uvācaśītalāsārasarvasvaṃ kavacaṃ mantragarbhitam |kavacaṃ vinā japet yo vai naiva siddhayanti kalau || 4||

धारणादस्य मन्त्रस्य सर्वरक्षाकरनृणाम् ।विनियोगःकवचस्यास्य देवेशि ! ऋषिर्पोक्तो महेश्वरः ।छन्दोऽनुष्टुप् कथितं च देवता शीतला स्मृता ।लक्ष्मीबीजं रमा शक्तिः तारं कीलकमीरितम् ॥ ५॥

dhāraṇādasya mantrasya sarvarakṣākaranṛṇām |viniyogaḥkavacasyāsya deveśi ! ṛṣirpokto maheśvaraḥ |chando'nuṣṭup kathitaṃ ca devatā śītalā smṛtā |lakṣmībījaṃ ramā śaktiḥ tāraṃ kīlakamīritam || 5||

लूताविस्फोटकादीनि शान्त्यर्थे परिकीर्तितः ।विनियोगः प्रकुर्वीत पठेदेकाग्रमानसः ॥ ६॥

lūtāvisphoṭakādīni śāntyarthe parikīrtitaḥ |viniyogaḥ prakurvīta paṭhedekāgramānasaḥ || 6||

विनियोगःॐ अस्य शीतलाकवचस्य श्रीमहेश्वर ऋषिः अनुष्टुप्छन्दः,श्रीशीतला भगवती देवता, श्रीं बीजं, ह्रीं शक्तिः,ॐ कीलकं लूताविस्फोटकादिशान्त्यर्थे पाठे विनियोगः ॥ऋष्यादिन्यासःश्रीमहेश्वरऋषये नमः शिरसिअनुष्टुप् छन्दसे नमः मुखे,श्रीशीतला भगवती देवतायै नमः हृदिश्री बीजाय नमः गुह्येह्रीं शक्तये नमः नाभौ,ॐ कीलकाय नमः पादयो लूताविस्फोटकादिशान्त्यर्थेपाठे विनियोगाय नमः सर्वाङ्गे ॥ध्यानंउद्यत्सूर्यनिभां नवेन्दुमुकुटां सूर्याग्निनेत्रोज्ज्वलांनानागन्धविलेपनां मृदुतनुं दिव्याम्बरालङ्कृताम् ।दोर्भ्यां सन्दधतीं वराभययुगं वाहे स्थितां रासभेभक्ताभीष्टफलप्रदां भगवतीं श्रीशीतलां त्वां भजे ॥अथ कवचमूलपाठःॐ शीतला पातु मे प्राणे रुनुकी पातु चापाने ।समाने झुनुकी पातु उदाने पातु मन्दला ॥ १॥

viniyogaḥoṃ asya śītalākavacasya śrīmaheśvara ṛṣiḥ anuṣṭupchandaḥ,śrīśītalā bhagavatī devatā, śrīṃ bījaṃ, hrīṃ śaktiḥ,oṃ kīlakaṃ lūtāvisphoṭakādiśāntyarthe pāṭhe viniyogaḥ ||ṛṣyādinyāsaḥśrīmaheśvaraṛṣaye namaḥ śirasianuṣṭup chandase namaḥ mukhe,śrīśītalā bhagavatī devatāyai namaḥ hṛdiśrī bījāya namaḥ guhyehrīṃ śaktaye namaḥ nābhau,oṃ kīlakāya namaḥ pādayo lūtāvisphoṭakādiśāntyarthepāṭhe viniyogāya namaḥ sarvāṅge ||dhyānaṃudyatsūryanibhāṃ navendumukuṭāṃ sūryāgninetrojjvalāṃnānāgandhavilepanāṃ mṛdutanuṃ divyāmbarālaṅkṛtām |dorbhyāṃ sandadhatīṃ varābhayayugaṃ vāhe sthitāṃ rāsabhebhaktābhīṣṭaphalapradāṃ bhagavatīṃ śrīśītalāṃ tvāṃ bhaje ||atha kavacamūlapāṭhaḥoṃ śītalā pātu me prāṇe runukī pātu cāpāne |samāne jhunukī pātu udāne pātu mandalā || 1||

व्याने च सेढला पातु मनुर्मे शाङ्करी तथा ।पातु मामिन्द्रियान् सर्वान् श्रीदुर्गा विन्ध्यवासिनी ॥ २॥

vyāne ca seḍhalā pātu manurme śāṅkarī tathā |pātu māmindriyān sarvān śrīdurgā vindhyavāsinī || 2||

ॐ मम पातु शिरो दुर्गा कमला पातु मस्तकम् ।ह्रीं मे पातु भ्रुवोर्मध्ये भवानी भुवनेश्वरी ॥पातु मे मधुमती देवी ॐकारं भृकुटीद्वयम् ॥ ३॥

oṃ mama pātu śiro durgā kamalā pātu mastakam |hrīṃ me pātu bhruvormadhye bhavānī bhuvaneśvarī ||pātu me madhumatī devī oṃkāraṃ bhṛkuṭīdvayam || 3||

नासिकां शारदा पातु तमसा वर्त्मसंयुतम् ।नेत्रौ ज्वालामुखी पातु भीषणा पातु श्रुतिर्मे ॥ ४॥

nāsikāṃ śāradā pātu tamasā vartmasaṃyutam |netrau jvālāmukhī pātu bhīṣaṇā pātu śrutirme || 4||

कपोलौ कालिका पातु सुमुखी पातु चोष्ठयोः ।सन्ध्ययोः त्रिपुरा पातु दन्ते च रक्तदन्तिका ॥ ५॥

kapolau kālikā pātu sumukhī pātu coṣṭhayoḥ |sandhyayoḥ tripurā pātu dante ca raktadantikā || 5||

जिह्वां सरस्वती पातु तालुके व वाग्वादिनी ।कण्ठे पातु तु मातङ्गी ग्रीवायां भद्रकालिका ॥ ६॥

jihvāṃ sarasvatī pātu tāluke va vāgvādinī |kaṇṭhe pātu tu mātaṅgī grīvāyāṃ bhadrakālikā || 6||

स्कन्धौ च पातु मे छिन्ना ककुमे स्कन्दमातरः ।बाहुयुग्मौ च मे पातु श्रीदेवी बगलामुखी ॥ ७॥

skandhau ca pātu me chinnā kakume skandamātaraḥ |bāhuyugmau ca me pātu śrīdevī bagalāmukhī || 7||

करौ मे भैरवी पातु पृष्ठे पातु धनुर्धरी ।वक्षःस्थले च मे पातु दुर्गा महिषमर्दिनी ॥ ८॥

karau me bhairavī pātu pṛṣṭhe pātu dhanurdharī |vakṣaḥsthale ca me pātu durgā mahiṣamardinī || 8||

हृदये ललिता पातु कुक्षौ पातु मघेश्वरी । (मघा ईश्वरी) (महेश्वरी)पार्ष्वौ च गिरिजा पातु चान्नपूर्णा तु चोदरम् ॥ ९॥

hṛdaye lalitā pātu kukṣau pātu magheśvarī | (maghā īśvarī) (maheśvarī)pārṣvau ca girijā pātu cānnapūrṇā tu codaram || 9||

नाभिं नारायणी पातु कटिं मे सर्वमङ्गला ।जङ्घयोर्मे सदा पातु देवी कात्यायनी पुरा ॥ १०॥ (ओने मात्रा शिफ़्त् ओन् बोथ् पाद)

nābhiṃ nārāyaṇī pātu kaṭiṃ me sarvamaṅgalā |jaṅghayorme sadā pātu devī kātyāyanī purā || 10|| (one mātrā śiफ़t on both pāda)

ब्रह्माणी शिश्नं पातु वृषणं पातु कपालिनी ।गुह्यं गुह्येश्वरी पातु जानुनोर्जगदीश्वरी ॥ ११॥

brahmāṇī śiśnaṃ pātu vṛṣaṇaṃ pātu kapālinī |guhyaṃ guhyeśvarī pātu jānunorjagadīśvarī || 11||

पातु गुल्फौ तु कौमारी पादपृष्ठं तु वैष्णवी ।वाराही पातु पादाग्रे ऐन्द्राणी सर्वमर्मसु ॥ १२॥

pātu gulphau tu kaumārī pādapṛṣṭhaṃ tu vaiṣṇavī |vārāhī pātu pādāgre aindrāṇī sarvamarmasu || 12||

मार्गे रक्षतु चामुण्डा वने तु वनवासिनी ।जले च विजया रक्षेत् वह्नौ मे चापराजिता ॥ १३॥

mārge rakṣatu cāmuṇḍā vane tu vanavāsinī |jale ca vijayā rakṣet vahnau me cāparājitā || 13||

रणे क्षेमकरी रक्षेत् सर्वत्र सर्वमङ्गला ।भवानी पातु बन्धून् मे भार्या रक्षतु चाम्बिका ॥ १४॥

raṇe kṣemakarī rakṣet sarvatra sarvamaṅgalā |bhavānī pātu bandhūn me bhāryā rakṣatu cāmbikā || 14||

पुत्रान् रक्षतु माहेन्द्री कन्यकां पातु शाम्भवी ।गृहेषु सर्वकल्याणी पातु नित्यं महेश्वरी ॥ १५॥

putrān rakṣatu māhendrī kanyakāṃ pātu śāmbhavī |gṛheṣu sarvakalyāṇī pātu nityaṃ maheśvarī || 15||

पूर्वे कादम्बरी पातु वह्नौ शुक्लेश्वरी तथा ।दक्षिणे करालिनी पातु प्रेतारुढा तु नैरृते ॥ १६॥

pūrve kādambarī pātu vahnau śukleśvarī tathā |dakṣiṇe karālinī pātu pretāruḍhā tu nairṛte || 16||

पाशहस्ता पश्चिमे पातु वायव्ये मृगवाहिनी ।पातु मे चोत्तरे देवी यक्षिणी सिंहवाहिनी ।ईशाने शूलिनी पातु ऊर्ध्वे च खगगामिनी ॥ १७॥

pāśahastā paścime pātu vāyavye mṛgavāhinī |pātu me cottare devī yakṣiṇī siṃhavāhinī |īśāne śūlinī pātu ūrdhve ca khagagāminī || 17||

अधस्तात्वैष्णवी पातु सर्वत्र नारसिंहिका ।प्रभाते सुन्दरी पातु मध्याह्ने जगदम्बिका ॥ १८॥

adhastātvaiṣṇavī pātu sarvatra nārasiṃhikā |prabhāte sundarī pātu madhyāhne jagadambikā || 18||

सायाह्ने चण्डिका पातु निशीथेऽत्र निशाचरी ।निशान्ते खेचरी पातु सर्वदा दिव्ययोगिनी ॥ १९॥

sāyāhne caṇḍikā pātu niśīthe'tra niśācarī |niśānte khecarī pātu sarvadā divyayoginī || 19||

वायौ मां पातु वेताली वाहने वज्रधारिणी ।सिंहा सिंहासने पातु शय्यां च भगमालिनी ॥ २०॥

vāyau māṃ pātu vetālī vāhane vajradhāriṇī |siṃhā siṃhāsane pātu śayyāṃ ca bhagamālinī || 20||

सर्वरोगेषु मां पातु कालरात्रिस्वरुपिणी ।यक्षेभ्यो यक्षिणी पातु राक्षसे डाकिनी तथा ॥ २१॥

sarvarogeṣu māṃ pātu kālarātrisvarupiṇī |yakṣebhyo yakṣiṇī pātu rākṣase ḍākinī tathā || 21||

भूतप्रेतपिशाचेभ्यो हाकिनी पातु मां सदा ।मन्त्रं मन्त्राभिचारेषु शाकिनी पातु मां सदा ॥ २२॥

bhūtapretapiśācebhyo hākinī pātu māṃ sadā |mantraṃ mantrābhicāreṣu śākinī pātu māṃ sadā || 22||

सर्वत्र सर्वदा पातु श्रीदेवी गिरिजात्मजा ।इत्येतत्कथितं गुह्यं शीतलाकवचमुत्तमम् ॥ २३॥

sarvatra sarvadā pātu śrīdevī girijātmajā |ityetatkathitaṃ guhyaṃ śītalākavacamuttamam || 23||

फलश्रुतिःब्रह्मराक्षसवेतालाः कूष्माण्डा दानवादयः ।विस्फोटकभयं नास्ति पठनाद्धारणाद्यदि ॥ १॥

phalaśrutiḥbrahmarākṣasavetālāḥ kūṣmāṇḍā dānavādayaḥ |visphoṭakabhayaṃ nāsti paṭhanāddhāraṇādyadi || 1||

अष्टसिद्धिप्रदं नित्यं धारणात्कवचस्य तु ।सहस्त्रपठनात्सिद्धिः सर्वकार्यार्थसिद्धिदम् ॥ २॥

aṣṭasiddhipradaṃ nityaṃ dhāraṇātkavacasya tu |sahastrapaṭhanātsiddhiḥ sarvakāryārthasiddhidam || 2||

तदर्धं वा तदर्धं वा पठेदेकाग्रमानसः ।अश्वमेधसहस्रस्य फलमाप्नोति मानवः ॥ ३॥

tadardhaṃ vā tadardhaṃ vā paṭhedekāgramānasaḥ |aśvamedhasahasrasya phalamāpnoti mānavaḥ || 3||

शीतलाग्रे पठेद्यो वै देवीभक्तैकमानसः ।शीतला रक्षयेन्नित्यं भयं क्वापि न जायते ॥ ४॥

śītalāgre paṭhedyo vai devībhaktaikamānasaḥ |śītalā rakṣayennityaṃ bhayaṃ kvāpi na jāyate || 4||

घटे वा स्थापयेद्देवी दीपं प्रज्वाल्य यत्नतः ।पूजयेत्जगतां धात्री नाना गन्धोपहारकैः ॥ ५॥

ghaṭe vā sthāpayeddevī dīpaṃ prajvālya yatnataḥ |pūjayetjagatāṃ dhātrī nānā gandhopahārakaiḥ || 5||

अदीक्षिताय नो दद्यात कुचैलाय दुरात्मने ।अन्यशिष्याय दुष्टाय निन्दकाय दुरार्थिने ॥ ६॥

adīkṣitāya no dadyāta kucailāya durātmane |anyaśiṣyāya duṣṭāya nindakāya durārthine || 6||

न दद्यादिदं वर्म तु प्रमत्तालापशालिने ।दीक्षिताय कुलीनाय गुरुभक्तिरताय च ॥ ७॥

na dadyādidaṃ varma tu pramattālāpaśāline |dīkṣitāya kulīnāya gurubhaktiratāya ca || 7||

शान्ताय कुलशाक्ताय शान्ताय कुलकौलिने ।दातव्यं तस्य देवेशि ! कुलवागीश्वरो भवेत् ॥ ८॥

śāntāya kulaśāktāya śāntāya kulakauline |dātavyaṃ tasya deveśi ! kulavāgīśvaro bhavet || 8||

इदं रहस्यं परमं शीतलाकवचमुत्तमम् ।गोप्यं गुह्यतमं दिव्यं गोपनीयं स्वयोनिवत् ॥ ९॥

idaṃ rahasyaṃ paramaṃ śītalākavacamuttamam |gopyaṃ guhyatamaṃ divyaṃ gopanīyaṃ svayonivat || 9||

मूलमन्त्रः ॐ श्रीं ह्रीं ॐ ।॥ श्रीईश्वरपार्वतीसम्वादे शक्तियामले शीतलाकवचं सम्पूर्णम् ॥

mūlamantraḥ oṃ śrīṃ hrīṃ oṃ ||| śrīīśvarapārvatīsamvāde śaktiyāmale śītalākavacaṃ sampūrṇam ||