षष्ठीदेवीस्तोत्रम् Shri Shashthi Devi Stotram

श्री गणेशाय नमः ॥ध्यानम् ।श्रीमन्मातरमम्बिकां विधि मनोजातां सदाभीष्टदांस्कन्देष्टां च जगत्प्रसूं विजयदां सत्पुत्र सौभाग्यदाम् ।सद्रत्नाभरणान्वितां सकरुणां शुभ्रां शुभां सुप्रभांषष्ठांशां प्रकृतेः परां भगवतीं श्रीदेवसेनां भजे ॥षष्ठांशां प्रकृतेः शुद्धां सुप्रतिष्ठां च सुव्रताम् ।सुपुत्रदां च शुभदां दयारूपां जगत्प्रसूम् ॥श्वेतचम्पक वर्णाभां रक्तभूषण भूषिताम् ।पवित्ररूपां परमां देवसेनां पराम्भजे ॥अथ श्रीषष्ठीदेवि स्तोत्रम् ।स्तोत्रं शृणु मुनिश्रेष्ठ सर्वकामशुभावहम् ।वाञ्छाप्रदं च सर्वेषां गूढं वेदे च नारद ॥प्रियव्रत उवाच ।नमो देव्यै महादेव्यै सिद्ध्यै शान्त्यै नमो नमः ।शुभायै देवसेनायै षष्ठीदेव्यै नमो नमः ॥ १॥

śrī gaṇeśāya namaḥ ||dhyānam |śrīmanmātaramambikāṃ vidhi manojātāṃ sadābhīṣṭadāṃskandeṣṭāṃ ca jagatprasūṃ vijayadāṃ satputra saubhāgyadām |sadratnābharaṇānvitāṃ sakaruṇāṃ śubhrāṃ śubhāṃ suprabhāṃṣaṣṭhāṃśāṃ prakṛteḥ parāṃ bhagavatīṃ śrīdevasenāṃ bhaje ||ṣaṣṭhāṃśāṃ prakṛteḥ śuddhāṃ supratiṣṭhāṃ ca suvratām |suputradāṃ ca śubhadāṃ dayārūpāṃ jagatprasūm ||śvetacampaka varṇābhāṃ raktabhūṣaṇa bhūṣitām |pavitrarūpāṃ paramāṃ devasenāṃ parāmbhaje ||atha śrīṣaṣṭhīdevi stotram |stotraṃ śṛṇu muniśreṣṭha sarvakāmaśubhāvaham |vāñchāpradaṃ ca sarveṣāṃ gūḍhaṃ vede ca nārada ||priyavrata uvāca |namo devyai mahādevyai siddhyai śāntyai namo namaḥ |śubhāyai devasenāyai ṣaṣṭhīdevyai namo namaḥ || 1||

वरदायै पुत्रदायै धनदायै नमो नमः ।सुखदायै मोक्षदायै च षष्ठीदेव्यै नमो नमः ॥ २॥

varadāyai putradāyai dhanadāyai namo namaḥ |sukhadāyai mokṣadāyai ca ṣaṣṭhīdevyai namo namaḥ || 2||

सृष्ट्यै षष्ठांशरूपायै सिद्धायै च नमो नमः । वर् शक्तिषष्ठीस्वरूपायैमायायै सिद्धयोगिन्यै षष्ठीदेव्यै नमो नमः ॥ ३॥

sṛṣṭyai ṣaṣṭhāṃśarūpāyai siddhāyai ca namo namaḥ | var śaktiṣaṣṭhīsvarūpāyaimāyāyai siddhayoginyai ṣaṣṭhīdevyai namo namaḥ || 3||

परायै पारदायै च षष्ठीदेव्यै नमो नमः ।सारायै सारदायै च परायै सर्वकर्मणाम् ॥ ४॥

parāyai pāradāyai ca ṣaṣṭhīdevyai namo namaḥ |sārāyai sāradāyai ca parāyai sarvakarmaṇām || 4||

बालाधिष्ठातृदेव्यै च षष्ठीदेव्यै नमो नमः ।कल्याणदायै कल्याण्यै फलदायै च कर्मणाम् ॥ ५॥

bālādhiṣṭhātṛdevyai ca ṣaṣṭhīdevyai namo namaḥ |kalyāṇadāyai kalyāṇyai phaladāyai ca karmaṇām || 5||

प्रत्यक्षायै च भक्तानां षष्ठीदेव्यै नमो नमः ।पूज्यायै स्कन्दकान्तायै सर्वेषां सर्वकर्मसु ॥ ६॥

pratyakṣāyai ca bhaktānāṃ ṣaṣṭhīdevyai namo namaḥ |pūjyāyai skandakāntāyai sarveṣāṃ sarvakarmasu || 6||

देवरक्षणकारिण्यै षष्ठीदेव्यै नमो नमः ।शुद्धसत्त्वस्वरूपायै वन्दितायै नृणां सदा ॥ ७॥

devarakṣaṇakāriṇyai ṣaṣṭhīdevyai namo namaḥ |śuddhasattvasvarūpāyai vanditāyai nṛṇāṃ sadā || 7||

हिंसाक्रोधवर्जितायै षष्ठीदेव्यै नमो नमः ।धनं देहि प्रियां देहि पुत्रं देहि सुरेश्वरि ॥ ८॥

hiṃsākrodhavarjitāyai ṣaṣṭhīdevyai namo namaḥ |dhanaṃ dehi priyāṃ dehi putraṃ dehi sureśvari || 8||

धर्मं देहि यशो देहि षष्ठीदेव्यै नमो नमः ।भूमिं देहि प्रजां देहि देहि विद्यां सुपूजिते ॥ ९॥

dharmaṃ dehi yaśo dehi ṣaṣṭhīdevyai namo namaḥ |bhūmiṃ dehi prajāṃ dehi dehi vidyāṃ supūjite || 9||

कल्याणं च जयं देहि षष्ठीदेव्यै नमो नमः ।॥ फलशृति ॥इति देवीं च संस्तूय लेभे पुत्रं प्रियव्रतः ॥ १०॥

kalyāṇaṃ ca jayaṃ dehi ṣaṣṭhīdevyai namo namaḥ ||| phalaśṛti ||iti devīṃ ca saṃstūya lebhe putraṃ priyavrataḥ || 10||

यशस्विनं च राजेन्द्रं षष्ठीदेवीप्रसादतः ।षष्ठीस्तोत्रमिदं ब्रह्मन्यः शृणोति च वत्सरम्॥ ११।

yaśasvinaṃ ca rājendraṃ ṣaṣṭhīdevīprasādataḥ |ṣaṣṭhīstotramidaṃ brahmanyaḥ śṛṇoti ca vatsaram|| 11|

अपुत्रो लभते पुत्रं वरं सुचिरजीविनम् ।वर्षमेकं च या भक्त्या संयत्तेदं शृणोति च ॥ १२॥

aputro labhate putraṃ varaṃ sucirajīvinam |varṣamekaṃ ca yā bhaktyā saṃyattedaṃ śṛṇoti ca || 12||

सर्वपापाद्विनिर्मुक्ता महावन्ध्या प्रसूयते ।वीरपुत्रं च गुणिनं विद्यावन्तं यशस्विनम् ॥ १३॥

sarvapāpādvinirmuktā mahāvandhyā prasūyate |vīraputraṃ ca guṇinaṃ vidyāvantaṃ yaśasvinam || 13||

सुचिरायुष्मन्तमेव षष्ठीमातृप्रसादतः ।काकवन्ध्या च या नारी मृतापत्या च या भवेत् ॥ १४॥

sucirāyuṣmantameva ṣaṣṭhīmātṛprasādataḥ |kākavandhyā ca yā nārī mṛtāpatyā ca yā bhavet || 14||

वर्षं शृत्वा लभेत्पुत्रं षष्ठीदेवीप्रसादतः ।रोगयुक्ते च बाले च पिता माता शृणोति चेत् ॥ १५॥

varṣaṃ śṛtvā labhetputraṃ ṣaṣṭhīdevīprasādataḥ |rogayukte ca bāle ca pitā mātā śṛṇoti cet || 15||

मासं च मुच्यते बालः षष्ठीदेवी प्रसादतः ।॥ इति श्रीब्रह्मवैवर्ते महापुराणे इतिखण्डे नारदनारायणसंवादेषष्ठ्युपाख्याने श्रीषष्ठीदेविस्तोत्रं सम्पूर्णम् ॥देवीभागवतपुराणे नवमस्कन्धे अध्याय ४६ (५८-)ब्रह्मवैअर्तपुराण, प्रक्ऱितिखण्ड, अध्याय ४३, श्लोक ५७-७१

māsaṃ ca mucyate bālaḥ ṣaṣṭhīdevī prasādataḥ ||| iti śrībrahmavaivarte mahāpurāṇe itikhaṇḍe nāradanārāyaṇasaṃvādeṣaṣṭhyupākhyāne śrīṣaṣṭhīdevistotraṃ sampūrṇam ||devībhāgavatapurāṇe navamaskandhe adhyāya 46 (58-)brahmavaiartapurāṇa, prakritikhaṇḍa, adhyāya 43, śloka 57-71