किरातवाराहीस्तोत्रम् Shri Kirata Varahi Stotram

अस्य श्रीकिरातवाराहीस्तोत्रमहामन्त्रस्यदूर्वासो भगवान् ऋषिः । अनुष्टुप् छन्दः ।श्री किरातवाराही मुद्रारूपिणी देवता ।हुं बीजं रं शक्तिः क्लीं कीलकं मम सर्वशत्रुक्षयार्थंश्रीकिरातवाराहीस्तोत्रजपे विनियोगः ॥उग्ररूपां महादेवीं शत्रुनाशनतत्पराम् ।क्रूरां किरातवाराहीं वन्देऽहं कार्यसिद्धये ॥ १॥

asya śrīkirātavārāhīstotramahāmantrasyadūrvāso bhagavān ṛṣiḥ | anuṣṭup chandaḥ |śrī kirātavārāhī mudrārūpiṇī devatā |huṃ bījaṃ raṃ śaktiḥ klīṃ kīlakaṃ mama sarvaśatrukṣayārthaṃśrīkirātavārāhīstotrajape viniyogaḥ ||ugrarūpāṃ mahādevīṃ śatrunāśanatatparām |krūrāṃ kirātavārāhīṃ vande'haṃ kāryasiddhaye || 1||

स्वापहीनां मदालस्यामप्रमत्तामतामसीम् ।दंष्ट्राकरालवदनां विकृतास्यां महारवाम् ॥ २॥

svāpahīnāṃ madālasyāmapramattāmatāmasīm |daṃṣṭrākarālavadanāṃ vikṛtāsyāṃ mahāravām || 2||

ऊर्ध्वकेशीमुग्रधरां सोमसूर्याग्निलोचनाम् ।लोचनाग्निस्फुलिङ्गाद्यैर्भस्मीकृत्वाजगत्त्रयम् ॥ ३॥

ūrdhvakeśīmugradharāṃ somasūryāgnilocanām |locanāgnisphuliṅgādyairbhasmīkṛtvājagattrayam || 3||

जगत्त्रयं मोदयन्तीमट्टहासैर्मुहुर्मुहुः ।खड्गं च मुसलं चैव पाशं शोणितपात्रकम् ॥ ४॥

jagattrayaṃ modayantīmaṭṭahāsairmuhurmuhuḥ |khaḍgaṃ ca musalaṃ caiva pāśaṃ śoṇitapātrakam || 4||

दधतीं पञ्चशाखैः स्वैः स्वर्णाभरणभूषिताम् ।गुञ्जामालां शङ्खमालां नानारत्नविभूषिताम् ॥ ५॥

dadhatīṃ pañcaśākhaiḥ svaiḥ svarṇābharaṇabhūṣitām |guñjāmālāṃ śaṅkhamālāṃ nānāratnavibhūṣitām || 5||

वैरिपत्नीकण्ठसूत्रच्छेदनक्षुररूपिणीम् ।क्रोधोद्धतां प्रजाहन्तृ क्षुरिके वस्थितां सदा ॥ ६॥

vairipatnīkaṇṭhasūtracchedanakṣurarūpiṇīm |krodhoddhatāṃ prajāhantṛ kṣurike vasthitāṃ sadā || 6||

जितरम्भोरुयुगलां रिपुसंहारताण्डवीम् ।रुद्रशक्तिं परां व्यक्तामीश्वरीं परदेवताम् ॥ ७॥

jitarambhoruyugalāṃ ripusaṃhāratāṇḍavīm |rudraśaktiṃ parāṃ vyaktāmīśvarīṃ paradevatām || 7||

विभज्य कण्ठदंष्ट्राभ्यां पिबन्तीमसृजं रिपोः ।गोकण्ठमिव शार्दूलो गजकण्ठं यथा हरिः ॥ ८॥

vibhajya kaṇṭhadaṃṣṭrābhyāṃ pibantīmasṛjaṃ ripoḥ |gokaṇṭhamiva śārdūlo gajakaṇṭhaṃ yathā hariḥ || 8||

कपोतायाश्च वाराही पतत्यशनया रिपौ ।सर्वशत्रुं च शुष्यन्ती कम्पन्ती सर्वव्याधयः ॥ ९॥

kapotāyāśca vārāhī patatyaśanayā ripau |sarvaśatruṃ ca śuṣyantī kampantī sarvavyādhayaḥ || 9||

विधिविष्णुशिवेन्द्राद्या मृत्युभीतिपरायणाः ।एवं जगत्त्रयक्षोभकारकक्रोधसंयुताम् ॥ १०॥

vidhiviṣṇuśivendrādyā mṛtyubhītiparāyaṇāḥ |evaṃ jagattrayakṣobhakārakakrodhasaṃyutām || 10||

साधकानां पुरः स्थित्वा प्रवदन्तीं मुहुर्मुहुः ।प्रचरन्तीं भक्षयामि तपस्साधकते रिपून् ॥ ११॥

sādhakānāṃ puraḥ sthitvā pravadantīṃ muhurmuhuḥ |pracarantīṃ bhakṣayāmi tapassādhakate ripūn || 11||

तेपि यानो ब्रह्मजिह्वा शत्रुमारणतत्पराम् ।त्वगसृङ्मांसमेदोस्थिमज्जाशुक्लानि सर्वदा ॥ १२॥

tepi yāno brahmajihvā śatrumāraṇatatparām |tvagasṛṅmāṃsamedosthimajjāśuklāni sarvadā || 12||

भक्षयन्तीं भक्तशत्रो रचिरात्प्राणहारिणीम् ।एवंविधां महादेवीं याचेहं शत्रुपीडनम् ॥ १३॥

bhakṣayantīṃ bhaktaśatro racirātprāṇahāriṇīm |evaṃvidhāṃ mahādevīṃ yācehaṃ śatrupīḍanam || 13||

शत्रुनाशनरूपाणि कर्माणि कुरु पञ्चमि ।सर्वशत्रुविनाशार्थं त्वामहं शरणं गतः ॥ १४॥

śatrunāśanarūpāṇi karmāṇi kuru pañcami |sarvaśatruvināśārthaṃ tvāmahaṃ śaraṇaṃ gataḥ || 14||

तस्मादवश्यं शत्रूणां वाराहि कुरु नाशनम् ।पातुमिच्छामि वाराहि देवि त्वं रिपुकर्मतः ॥ १५॥

tasmādavaśyaṃ śatrūṇāṃ vārāhi kuru nāśanam |pātumicchāmi vārāhi devi tvaṃ ripukarmataḥ || 15||

मारयाशु महादेवी तत्कथां तेन कर्मणा ।आपदशत्रुभूताया ग्रहोत्था राजकाश्च याः ॥ १६॥

mārayāśu mahādevī tatkathāṃ tena karmaṇā |āpadaśatrubhūtāyā grahotthā rājakāśca yāḥ || 16||

नानाविधाश्च वाराहि स्तम्भयाशु निरन्तरम् ।शत्रुग्रामगृहान्देशान्राष्ट्रान्यपि च सर्वदा ॥ १७॥

nānāvidhāśca vārāhi stambhayāśu nirantaram |śatrugrāmagṛhāndeśānrāṣṭrānyapi ca sarvadā || 17||

उच्चाटयाशु वाराहि वृकवत्प्रमथाशु तान् ।अमुकामुकसंज्ञांश्च शत्रूणां च परस्परम् ॥ १८॥

uccāṭayāśu vārāhi vṛkavatpramathāśu tān |amukāmukasaṃjñāṃśca śatrūṇāṃ ca parasparam || 18||

विद्वेषय महादेवि कुर्वन्तं मे प्रयोजनम् ।यथा नश्यन्ति रिपवस्तथा विद्वेषणं कुरु ॥ १९॥

vidveṣaya mahādevi kurvantaṃ me prayojanam |yathā naśyanti ripavastathā vidveṣaṇaṃ kuru || 19||

यस्मिन् काले रिपुस्तम्भं भक्षणाय समर्पितम् ।इदानीमेव वाराहि भुङ्क्ष्वेदं कालमृत्युवत् ॥ २०॥

yasmin kāle ripustambhaṃ bhakṣaṇāya samarpitam |idānīmeva vārāhi bhuṅkṣvedaṃ kālamṛtyuvat || 20||

मां दृष्ट्वा ये जना नित्यं विद्वेषन्ति हसन्ति च ।दूषयन्ति च निन्दन्ति वाराह्येतान् प्रमारय ॥ २१॥

māṃ dṛṣṭvā ye janā nityaṃ vidveṣanti hasanti ca |dūṣayanti ca nindanti vārāhyetān pramāraya || 21||

हन्तु ते मुसलः शत्रून् अशनेः पतनादिव ।शत्रुदेहान् हलं तीक्ष्णं करोतु शकलीकृतान् ॥ २२॥

hantu te musalaḥ śatrūn aśaneḥ patanādiva |śatrudehān halaṃ tīkṣṇaṃ karotu śakalīkṛtān || 22||

हन्तु गात्राणि शत्रूणां दंष्ट्रा वाराहि ते शुभे ।सिंहदंष्ट्रैः पादनखैर्हत्वा शत्रून् सुदुस्सहान् ॥ २३॥

hantu gātrāṇi śatrūṇāṃ daṃṣṭrā vārāhi te śubhe |siṃhadaṃṣṭraiḥ pādanakhairhatvā śatrūn sudussahān || 23||

पादैर्निपीड्य शत्रूणां गात्राणि महिषो यथा ।तांस्ताडयन्ती शृङ्गाभ्यां रिपुं नाशय मेधुना ॥ २४॥

pādairnipīḍya śatrūṇāṃ gātrāṇi mahiṣo yathā |tāṃstāḍayantī śṛṅgābhyāṃ ripuṃ nāśaya medhunā || 24||

किमुक्तैर्बहुभिर्वाक्यैरचिराच्छत्रुनाशनम् ।कुरु वश्यं कुरु कुरु वाराहि भक्तवत्सले ॥ २५॥

kimuktairbahubhirvākyairacirācchatrunāśanam |kuru vaśyaṃ kuru kuru vārāhi bhaktavatsale || 25||

एतत्किरातवाराह्यं स्तोत्रमापन्निवारणम् ।मारकं सर्वशत्रूणां सर्वाभीष्टफलप्रदम् ॥ २६॥

etatkirātavārāhyaṃ stotramāpannivāraṇam |mārakaṃ sarvaśatrūṇāṃ sarvābhīṣṭaphalapradam || 26||

त्रिसन्ध्यं पठते यस्तु स्तोत्रोक्त फलमश्नुते ।मुसलेनाथ शत्रूंश्च मारयन्ति स्मरन्ति ये ॥ २७॥

trisandhyaṃ paṭhate yastu stotrokta phalamaśnute |musalenātha śatrūṃśca mārayanti smaranti ye || 27||

तार्क्ष्यारूढां सुवर्णाभां जपेत्तेषां न संशयः ।अचिराद्दुस्तरं साध्यं हस्तेनाकृष्य दीयते ॥ २८॥

tārkṣyārūḍhāṃ suvarṇābhāṃ japetteṣāṃ na saṃśayaḥ |acirāddustaraṃ sādhyaṃ hastenākṛṣya dīyate || 28||

एवं ध्यायेज्जपेद्देवीमाकर्षणफलं लभेत् ।अश्वारूढां रक्तवर्णां रक्तवस्त्राद्यलङ्कृताम् ॥ २९॥

evaṃ dhyāyejjapeddevīmākarṣaṇaphalaṃ labhet |aśvārūḍhāṃ raktavarṇāṃ raktavastrādyalaṅkṛtām || 29||

एवं ध्यायेज्जपेद्देवीं जनवश्यमाप्नुयात् ।दंष्ट्राधृतभुजां नित्यं प्राणवायुं प्रयच्छति ॥ ३०॥

evaṃ dhyāyejjapeddevīṃ janavaśyamāpnuyāt |daṃṣṭrādhṛtabhujāṃ nityaṃ prāṇavāyuṃ prayacchati || 30||

दूर्वास्यां संस्मरेद्देवीं भूलाभं याति बुद्धिमान् ।सकलेष्टार्थदा देवी साधकस्तत्र दुर्लभः ॥ ३१॥

dūrvāsyāṃ saṃsmareddevīṃ bhūlābhaṃ yāti buddhimān |sakaleṣṭārthadā devī sādhakastatra durlabhaḥ || 31||

इति श्रीकिरातवाराहीस्तोत्रं सम्पूर्णम् ।

iti śrīkirātavārāhīstotraṃ sampūrṇam |